१ कोरिन्‍थि 13:5 - बान्‍तावा राई

⁵ सोम्‍तुक्‍मा चाप्‍चिरोङ अ़मुनिन, अ़नुलोक अ़लामुन, अ़नाप्‍मा अ़लुनिन, अ़अ़त्‍पा य़ङ्‌चि अ़मित्‍तुन्‌युङ्‌सुन्‍चिन।

१ कोरिन्‍थि 13:5 ပူးပေါင်းရင်းမြစ်များ

मत्‍ति 5:22

मेन अ़ङ्‌का खानानिन लोनानिन, साङ्‌आ अ़बुवा-निछाचि अ़माइसुङ कात्‍तु, मो छ़ङ्‌छेन्‍मादा छुक। खोन्‍कि साङ्‌आ अ़द़क्‍छाचि सुङुचि, मो धियायोक्‍खाआ दन्‍दा प़। खोन्‍कि साङ्‌आ अ़बुवा-निछाचि ‘खाना खामान्‍सिन’नि लो, मो क़माकात्‍तुओ सित्‍म़ङ दुखा तोक्‍खा मिदा छुक।

मत्‍ति 9:4

मेन मोचिओ अ़चुमिन्‍मादा अ़मित्‍ताङाओ य़ङ अ़सिन्‍ताकि येसुआ मोचि म़सेनुचि, “देकि खानानिन आम्‍नुओ साकोङ्‌वाचिदा ओवाको अ़अ़त्‍पाओ अ़तुक्‌वादा त़मिनिन्‌येन?

मर्कुस 3:5

खोक्‍कोसोओ अ़चुच़ऱपाआ मोचिओ अ़चुऱङ्‌कोप्‍नि म़चोउचि, देकिनालो खोक्‍को मोचिओ अ़चुऱक्‍भाक साकोङ्‌वाआ अ़न्‍नुनु अ़चुमिन्‍मा तुआ। खोन्‍किना खोक्‍कोसाआ मो म़ना अ़लोवा, “आम्‍छुक फेसु।” खोसाआ अ़छुक फेसु, खोन्‍कि बुयावाङा लासालिसा!

लुका 7:39

ओ खाकि येसु काबुत फरिसि अ़मिन्‍मादा आप्‍पि मिना, “ओ म़ना निनाम्‍हाङ्‌य़ङ खाकालु ओनालो ना खोक्‍को कानोप मेत्‍छामा दियाको हेवामिओ निकिना सिन्‍मादोराङाओ।”

१ कोरिन्‍थि 10:24

साङ्‌आछाङ खोसोओ नुलोक अ़लामुन्‍ने, मेन निचिओ नुलोक लामुने।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

१ कोरिन्‍थि 11:18

देकिनालो बुया खानानिन साम्‍भुङ्‌दा अ़क्‍नि त़कोइन्‍चिन्‌हिदा आम्‍नुओ रादा त़हासिन्‌येन्‍चिन्‌नि अ़ङ्‌का एनुङ्‌योङ खोन्‍कि अ़क्‍चिचित ना अ़ङ्‌का अ़नुछ्‍यानि मिन्‍ङा।

१ कोरिन्‍थि 12:25

खोन्‌ओसा पोक्‌दा अ़तोङ्‌निन्‍लो अ़लिनिन्‍ने, मेन पोक्‍फुत्‌चिआ अ़क्‌तात निएदा अ़क्‍निवा खाङ्‌काखाङ म़मुने।

१ कोरिन्‍थि 7:36

अ़क्‍छा म़नाआ दोरुओ वारिसाएनान नुलोक अ़च़निनिन्‌ओ खोसाआ मित्‍तु खोन्‍कि मो वारिसाओ अ़सायाकाम्‍मा ग़रिछाङ पाङ्‌खात्‌याङ्‌नालो मो म़ना सायाकाम्‍मा स़नालो सायाकाम्‍मा ऱ। मो हेवा अ़लिनिन। मोचि सायाकाम्‍मादोत।

२ कोरिन्‍थि 5:19

ओवात्‍नि, निनाम्‍हाङ ख्रिस्‍तएदा म़लिसाकि हेन्‍खामादाओ म़नाचि खोक्‍कोएदा म़लासुतोङ्‌सुतारुङुचि। मोचिओ अ़चुहेवाओ अ़फान मान्‍लात्‍माङ, लामातोङ्‌मा काचिओ य़ङ्‌खान खोक्‍कोसाआ आन्‍कान्‍का ऩप़न्‌युङ्‌सिन्‍का।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

फिलिप्‍पि 2:21

येसु ख्रिस्‍तओ अ़चुतुक्‌वादा मान्‍मिन्‍माङ, नि म़नाचि झारा आप्‍पि मित्‍मान्‍चिन म़लाम।

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

२ थेसलोनिकि 3:7

देकिनालो खानानिन्‌आ देत्‍नि आन्‍कान्‍का खेङ्‌मादोत्‌ओ, मो खानानिन्‌आ त़सिन्‍तुम्‌योम। आन्‍कान्‍का खानानिन्‌एनान अ़क्‍नि युङिन्‌येन्‍काहिदा मान्‍सोदान्‌येन्‍का।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

२ तिमोथि 4:16

अ़ङ्‌का बुयाओदु छ़ङ्‌छेन्‍खादा खाराङ्‌हिदा आप्‍पि रात्‍ताङ्‌च़ङ, साङ्‌छाङ अ़ङ्‌लिप्‍पा मान्‌वाङ्‌चि, मेन झारासा अ़ङ्‌का ऩछिराङ। ओ य़ङ्‌आ मोचि अ़धिरुन्‍चिन्‍ने।

याकुब 1:19

अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, ओ य़ङ तुप्‍तानुम, झारा म़ना एन्‍मादा च़क्‍नि, चेप्‍मादा स़लेनि खोन्‍कि माइसुङ्‌कात्‍मादा स़लेनि लिमादोत।