१ कोरिन्‍थि 13:4 - बान्‍तावा राई

⁴ सोम्‍तुक्‍मा हुङ्‌मा काऱ खोन्‍कि फामामिन्‍मा मु, सोम्‍तुक्‍मा ऩङ्‌च़ अ़मुनिन, ना ऱक्‍भाक्‌ङा मु ना तोक्‍पो लि।

१ कोरिन्‍थि 13:4 ပူးပေါင်းရင်းမြစ်များ

मत्‍ति 27:18

देकिनालो यहुदिचिओ अ़चुसाम्‌योक्‍मि अ़चुबुसुवाचिओ अ़चुऩङ्‌च़आ येसु खो अ़पुवालावाओ निकिना खोसाआ नुलोक सिन्‍तुङु।

छाम्‍माय़ङ 7:9

याकुब्‌ओ अ़छाचिआ अ़चुनिछा योसेफ ऩङ्‌च़ अ़मेत्‍ताकि खो हारुक लिसि मिस्र हेन्‍कोप्‌या मोचिआ अ़इनाखाइसा। मेन निनाम्‍हाङ खोएनान म़युङाङा।

रोमि 1:29

मोचि झाराकापाराओ मान्‍साम्‌योक्‍मि, अ़अ़त्‍पा, च़क्‍ख़य़, चिप्‍मा, भेप्‍तुयुङ्‌सुचि। मोचि ऩङ्‌च़, सेत्‍मा, खिमामुमा, च़न्‍मा, रुफोक्‍मा, दुम्‍लुमा,

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

१ कोरिन्‍थि 4:18

खानानिन्‌एदाओ देम्‌कापाङ अ़ङ्‌का मोदा अ़बान्‍ऩङ्‌नि म़मिनाकिना ऱक्‍भाक म़लिसायुङ्‌सा।

१ कोरिन्‍थि 4:6

हान, ब़ब़, नाना खोन्‍कि निछाचि ओ, अ़ङ्‌का खानानिन “तोङ-तोङ्‌लो य़ङ्‌हुप्‌वा च़मादोत”नि छाप्‍ताओ य़ङ तुप्‍मेत्‍माओ निम्‍पाङ अपोल्‍लोस खोन्‍कि अ़ङ्‌को अ़मात्‍ऩङ प़नायुङ्‌नानिन। ओवात्‍नि अ़क्‍छालिप्‍पा वाङ्‌माकि नि ऩङाछित्‍मा काचि अ़नुवाक माआङ।

१ कोरिन्‍थि 5:2

खानानिन ऱक्‍भाक त़मुन। खानानिन ना सोखा मुमा मान्‍दोत्‌याङ्‌ओ कि? ओवाको काचि कामु म़नाचि आम्‍नुओ यावायोक्‌दाङ्‌का लोइसाखाइसानुम्‍च़म।

१ कोरिन्‍थि 8:1

हान सेम्‍पोक्‌चि प़माय़ङ चामायुओ अ़तुक्‌वादा खाम्‍ने। आन्‍कान सिन्‍तुम्‌योम, आन्‍कान झाराएदा आन्‍खारु याक्‌याङ। खारुआ ऱक्‍भाक तारु, मेन सोम्‍तुक्‍माआ उन्‍निज़ङ्‌नि मुयाङ्‌सा खात्‍तु।

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

२ कोरिन्‍थि 6:6

आन्‍कान्‍का सेङ्‌मादा, तायादा, हुङ्‌मादा, सोम्‍तुक्‍मादा, सेङ्‌लावादा, अ़नुछ्‍याओ सोम्‍तुक्‍मादा,

गलाति 5:26

आन्‍कान ऱक्‍भाक अ़मुन्‍मिन्‍ने। अ़क्‍छा निएदा माइसुङ खोन्‍कि ऩङ्‌च़ मेत्‌अ़मुन्‍मिन्‍ने।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

एफिसि 4:32

निनाम्‍हाङ्‌आ ख्रिस्‍तदा खानानिन ऩलेत्‍तिन्‌वात्‍निङा अ़क्‍छा निएदा लेत्‍मुवानिन, खोन्‍कि खानानिन अ़क्‍छा निएदा अ़नुवाक साकोङ्‌वा खोन्‍कि सोमाकातुक लिसानिन।

फिलिप्‍पि 1:15

ओ अ़छ़ङ ओ, खा-खाक्‍कोचिआ ऩङ्‌च़ खोन्‍कि होराआ ख्रिस्‍तओ अ़तुक्‌वादा खाअ़लुयाङ, मेन निचिआ अ़नुवाक मिन्‍माआ खाअ़लु।

कलस्‍सि 1:11

खोन्‍कि खोक्‍कोसोओ अ़चुसाम्‍स़रिओ सावावात्‍नि खानानिन दियाकोछाङ दुखादा ऩङानुमाआ हुङ्‌याङ्‌सा आङ्‌मा सावा ऩप़न।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ तिमोथि 6:4

खो ऱक्‍भाक ओ, खोन्‍कि दित्‍छाङ अ़तुप्‍तुन। खो दुम्‍तुमादा अ़ऩङानु, खोन्‍कि य़ङ्‌सिवाचिओ अ़तुक्‌वादा दुम्‍छ़न। मोसाआ माइसुङ, खिमा, सुङ्‌मा खोन्‍कि अ़अ़त्‍पा मान्‍केङ्‌चि लोइसुचि।

२ तिमोथि 2:25

खोन्‍कि सिम्‍नान्‍चिन्‍सा अ़चुमिन्‍मालामाकिना फित्‍चि कामुचि यायोक काप़ लिमादोत। मोवात्‍नि निनाम्‍हाङ्‌आ मोचि अ़छ़ङ तुप्‍मा मिन्‍मा म़प़चि हे।

२ तिमोथि 3:10

हान खाना अ़ङ्‌चिन्‍माय़ङ, अ़ङ्‌च़माथाङ्‌मा, अ़ङ्‌ह़ङ्‌म़ङ्‌ओ मित्‍चिऩङ, अ़ङ्‌साकोङ्‌छ़ङ, अ़ङ्‌आङ्‌मा, अ़ङ्‌सोम्‍तुक्‍मा, अ़ङ्‌हुङ्‌मा त़खायुङ्‌सु।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

याकुब 4:5

“निनाम्‍हाङ्‌आ आन्‍कान्‌एदा म़पाक्‍तापुवाओ लावा अ़न्‍नुनु ऩङ्‌च़आ भेप्‍तुयुङ्‌सु”नि साम्‍कालिन्‌दा छाप्‌याङ्‌ओ य़ङ खानानिन्‌आ सोज्‍जेनि त़मित्‍तुम्‌योम?

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

१ पत्रुस 4:8

झारादाङ्‌का बुया आम्‍नुओ रादा अ़क्‍छा निएदा साकोङ्‌वादाङ्‌का सोम्‍तुक्‍मुवानिन। देकिनालो सोम्‍तुक्‍माआङा खिप्‍मा अ़ऱन्‍मिन्‌ओ हेवाचि दिप्‍तुचि।

२ पत्रुस 1:7

साम्‌योक्‍मिदा साकोङ्‌छ़ङ कामुचि सोम्‌योक्‍मा, साकोङ्‌छ़ङ कामुचि सोम्‌योक्‍मादा सोम्‍तुक्‍मा तेप्‍तानुम।

१ युहन्‍ना 4:11

सोमातुक्‍नाङ्‌नानिन्‌ओ यावाचि ओ, ओवात्‍नि निनाम्‍हाङ्‌आ ओन च़लोक आन्‍कान सोमाम़तुक्‍तानालो आन्‍कान्‌छाङ अ़क्‍छा निएदा सोमातुक्‍मुमादोत।