१ कोरिन्‍थि 13:3 - बान्‍तावा राई

³ अ़ङ्‌काएदा युङ्‌याङ्‌ओ झारा अ़ङ्‌चासुम्‍छेन्‍बि हात्‍तुङ्‌च़ङ, खोन्‍कि अ़ङ्‌याम्‌छाङ ह़त्‍मा प़ङ्‌च़ङ, मेन अ़ङ्‌काएदा सोम्‍तुक्‍मा मात्‍द़ङ्‌नालो अ़ङ्‌का दित्‍छाङ अ़तोक्‍ऩङ।

१ कोरिन्‍थि 13:3 ပူးပေါင်းရင်းမြစ်များ

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

लुका 18:22

ओ अ़एनाकि येसुआ मो म़ना अ़लोवा, “हान्‍छाङ खाना अ़क्‌तात काचि मुमादोत। खानाएदा म़युङ्‌याङ्‌ओ झारा सामाचि इनुचिकि मान्‍तोक्‍कादाचि हात्‍तुचि, खोन्‍कि खाना निनाम्‍मादु चासुम्‍छेन्‍बि त़तोक्‍तु, खोन्‍किना बानाकि अ़ङ्‌का त़ङ्‌ताङ।”

लुका 18:28

पत्रुस्‌आ येसु अ़लोवा, “खानुम, आन्‍कान्‍का झारा आन्‍काओ सामाचि छिरुम्दोम्‍च़म्‍काकि खानानिन त़ङ्‌निङ्‌नि।”

लुका 19:8

मेन जखायस पुवालोन्‍ताकि हाङ्‌पा लो, “हाङ्‌पो, खानुम! अ़ङ्‌का अ़ङ्‌चासुम, छेन्‍बिओ अ़क्‍धाङ मान्‍तोक्‍कादाचि प़ङ्‌च़ङ खोन्‍कि म़नाचिदाङ्‌का दियाकोनुछाङ सामाचि च़न्‍तुङ्‌युङ्‌सुङ्‌च़ङ्‌नालो अ़ङ्‌का मोसोओ चारकास़रो लासुङ्‌प़ङ्‌च़ङ।”

युहन्‍ना 12:43

देकिनालो निनाम्‍हाङ्‌आ प़माय़ङ सायादाङ्‌का म़नाचिआ प़माय़ङ साया तोक्‍मा मोचिओ च़लोक अ़चुऩङा नुवाङा।

युहन्‍ना 13:37

पत्रुस्‌आ येसु लासुलो, “हाङ्‌पो, अ़ङ्‌का देकिना ओन्‍ग़रि खानानिन त़ङ्‌मा अ़ऱनान्‍निमिन ओ? आम्‍नुओ निम्‍पाङ अ़ङ्‌का स़मा ऱङा।”

युहन्‍ना 15:13

यावाचिओ निम्‍पाङ आप्‍पि स़माप़मादाङ्‌का तोक्‍पो सोमातुक्‍मा नि खाक्‍कोछाङ मात्‍द़ङ।

युहन्‍ना 6:63

ह़ङ्‌म़ङ काप़ लावाङा ओ! मेन पोक्‌आ दित्‍छाङ ओवाको काचि मुमा अ़ऱन। खाक्‍को य़ङ अ़ङ्‌का खानानिन्‌एदा चेउङ, मो निनाम्‍हाङ लावादाङ्‌का ओ, खोन्‍कि मो य़ङ्‌आ अ़धुन्‌ओ ह़ङ्‌म़ङ प़।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

गलाति 5:26

आन्‍कान ऱक्‍भाक अ़मुन्‍मिन्‍ने। अ़क्‍छा निएदा माइसुङ खोन्‍कि ऩङ्‌च़ मेत्‌अ़मुन्‍मिन्‍ने।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।