१ कोरिन्‍थि 13:13 - बान्‍तावा राई

¹³ साकोङ्‌छ़ङ मुमा, तामामित्‍मा, खोन्‍कि सोम्‍तुक्‍मा, ओचि सुम्‌कातात अ़धुन्‌तारि म़युङ्‌युङ। मेन ओचिदाओ तोक्‍पो सोम्‍तुक्‍मा ओ।

१ कोरिन्‍थि 13:13 ပူးပေါင်းရင်းမြစ်များ

लुका 10:27

मोसाआ य़ङ्‌लासु, “हाङ्‌पा आम्‍निनाम्‍हाङ झारा आम्‍साकोङ्‌वाआ, झारा आम्‍ह़ङ्‌म़ङ्‌आ, झारा आम्‍सावाआ खोन्‍कि झारा आम्‍मिन्‍माआ सोमातुक्‍तु, खोन्‍कि खाना आम्‍तेन्‍पाङ आप्‍पिवात्‍निङा सोमातुक्‍तु।”

लुका 22:32

मेन सिमोन, आम्‍साकोङ्‌छ़ङ अ़मानिन्‍ने निकि यामात्‍नाप़नायुङ्‌ना। खोन्‍कि खाना अ़ङ्‌काएदात्‍नि त़लाकि आम्‍बुवा निछाचि फासुचि।”

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

१ कोरिन्‍थि 14:1

सोम्‍तुक्‍मा आम्‍नुओ मित्‍चिऩङ मुवानुम। मेन लावामि सावाचिदाछाङ आम्‍नुओ मिन्‍मा पाक्‍तानुम। मोचिदाङ्‌का च़लोक अ़काचि याक्‌ओ लावामि सावा निनाम्‍हाङ्‌य़ङ खालुमाओ।

१ कोरिन्‍थि 16:14

खोन्‍कि झारा काचि सोमातुक्‍मादा मुवानुम।

१ कोरिन्‍थि 3:14

खाक्‍को म़नाआ मो छ़ङ्‌दा मुओ काचि युङ्‌युङ्‌नालो मोसाआ सिरिफा तोक्‍तु।

१ कोरिन्‍थि 8:1

हान सेम्‍पोक्‌चि प़माय़ङ चामायुओ अ़तुक्‌वादा खाम्‍ने। आन्‍कान सिन्‍तुम्‌योम, आन्‍कान झाराएदा आन्‍खारु याक्‌याङ। खारुआ ऱक्‍भाक तारु, मेन सोम्‍तुक्‍माआ उन्‍निज़ङ्‌नि मुयाङ्‌सा खात्‍तु।

१ कोरिन्‍थि 8:3

मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

२ कोरिन्‍थि 5:15

ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

फिलिप्‍पि 1:9

अ़ङ्‌यामात्‍मा ओङा ओ: अ़नुछ्‍याओ ताया खोन्‍कि तुप्‍मा सावादा आम्‍नुओ सोमातुक्‍मा च़लोक पोन्‌याङ्‌सा खात्‍ने।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

कलस्‍सि 3:14

ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 5:8

मेन आन्‍कान अ़खोलेन्‌ओ म़ना लिसिन्‌ओसा चाप्‍चेत्‍तिन्‍चिन्‍ने, खोन्‍कि सोम्‍कुवा खोन्‍कि सोमातुक्‍माओ कोङ्‌कोम रात्‍खा, खोन्‍कि ताङ्‌बोप्‍खावा लेन्‍माय़ङ्‌ओ सोम्‍कुवा आन्‍कान बोम्‍सिन्‍ने।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

२ तिमोथि 1:7

देकिनालो निनाम्‍हाङ्‌आ आन्‍कान क़माओ लावा माआङ, मेन सावा, सोम्‍तुक्‍मा खोन्‍कि आप्‍पि क़म्‍मान्‍चिन्‌ओ लावा म़पुवायुङ्‌सा।

हिब्रु 10:35

खोन्‌ओसा अ़ङ्‌का चाप्‍चेत्‍नानिन, आम्‍नुओ सोम्‍कुवा मान्‍छित्‌दानुम, ओसाआ अ़धिवा सिरिफा तारु।

हिब्रु 10:39

आन्‍कान देङ्‌साकाला खोन्‍कि कालुक म़नाचि माआङ, मेन साकोङ्‌छ़ङ कामु खोन्‍कि लेन्‍माय़ङ्‌चिओ।

हिब्रु 6:11

आन्‍काओ तोक्‍पो मिन्‍मा ओङा ओ, खानानिन झारासा आदेङ्‌तारि मो आम्‍नुओ राक खाङ्‌मुसानुम खोन्‍कि दि खानानिन्‌आ त़हुङुम्‌योम्‌ओ, मो अ़छ़ङ मुवानुम।

हिब्रु 6:19

ओ सोम्‍कुवा आन्‍लावाओ निम्‍पाङ अ़तुङ्‌निन्‌ओ क़क्‍खावाको मुयाङ। ओ सोम्‍कुवाआ आन्‍कान अ़चुथेम्‍खातित हुत्‌दाओ सेङ्‌याङ्‌ओदा म़तित।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ युहन्‍ना 2:10

साङ्‌आ अ़निछा सोमातुक्‍तु, मो साम्‌दा युङ, खोन्‍कि खो मोदा धुङ्‌माओ अ़तुक्‌वाङा मात्‍द़ङ।

१ युहन्‍ना 2:14

आपाचि ओ, अ़ङ्‌का खानानिन छाप्‍नाङ्‌नानिन, देकिनालो खोक्‍को अ़पुङ्‌चिपुक्‌दाङ्‌काङा कायुङ खानानिन्‌आ त़सिन्‍तुम्‌योम। सावाछाचि ओ, अ़ङ्‌का खानानिन छाप्‍नाङ्‌नानिन, देकिनालो खानानिन काछो त़मुन्‌येन, खोन्‍कि निनाम्‍हाङ्‌ओ अ़चुय़ङ खानानिन्‌एदा याक, खोन्‍कि खानानिन अ़त्‍लो काच़एदा त़छोसिन्‌युङ्‌सिन।

१ युहन्‍ना 2:24

खानानिन्‌आ बुयादाङ्‌का दि त़एनुम्‌युङ्‌सुम, मो खानानिन्‌एदा युङ्‌युङ्‌ने। बुयादाङ्‌काङा त़एनुम्‌ओ मो य़ङ खानानिन्‌एदा युङ्‌युङ्‌नालो खानानिन निनाम्‍हाङ्‌ओ अ़चुछा खोन्‍कि निनाम्‍हाङ पापाएदा त़युङिन।

१ युहन्‍ना 3:3

खोन्‍कि खोक्‍को म़सेङ्‌याङ्‌वात्‍निङा खोक्‍कोएदा सोम्‍कुवा कामुचि झारा आप्‍पि म़सेङ्‌नान्‍चिन।

१ युहन्‍ना 3:9

झारा निनाम्‍हाङ्‌दाङ्‌का म़लिसाओचिआ हेवा ऩमुनिन्‌युङ्‌निन, देकिनालो खोक्‍कोएदा निनाम्‍हाङ्‌ओ अ़चुच़माथाङ्‌मा याक, खोन्‍कि खो हेवा मुमायुङ्‌माङा अ़ऱनिन, देकिनालो खो निनाम्‍हाङ्‌एदाङ्‌का लिसाओ।