१ कोरिन्‍थि 12:26 - बान्‍तावा राई

²⁶ अ़क्‌तात पोक्‍फुत तुक्‌नालो झारासा अ़क्‍नि आङ्‌मादोत, अ़क्‌तात पोक्‍फुत्‌ओ अ़साऩङ्‌वा लिनालो झारा पोक्‍फुत अ़क्‍नि अ़चुऩङाम़नुनान्‍चिन।

१ कोरिन्‍थि 12:26 ပူးပေါင်းရင်းမြစ်များ

मत्‍ति 3:15

मेन येसुआ खोक्‍को अ़लासालोवा, “ओन्‍ग़रि ओवात्‍निङा नुयाङ। देकिनालो ओवात्‍निङा झारा आन्‍निनाम्‍हाङ्‌ओ अ़चुमिन्‍मा तासुम्‍लाम्‍ने।” खोन्‍कि युहन्‍ना बप्‍तिस्‍मा प़मा काङ्‌सा।

मत्‍ति 5:29

चुप्‍ताङ आम्‍म़क्‌आ खाना हेवा मुत़मेत्‌नालो मो लारुकि वेत्‍तुखाइसु! देकिनालो झारा आम्‍पोक्‌एनान सित्‍म़ङ दुखा तोक्‍खायु वेन्‍दिलुमादाङ्‌का ना आम्‍पोक्‍फुत्‍चिएदाओ अ़क्‌तात मामाङा आम्‍को निम्‍पाङ अ़नुवाक लि।

रोमि 12:15

ऩङाकानुचिएनान ऩङानुसानिन्‍चिन। काखाप्‌चिएनान खावानिन।

१ कोरिन्‍थि 12:25

खोन्‌ओसा पोक्‌दा अ़तोङ्‌निन्‍लो अ़लिनिन्‍ने, मेन पोक्‍फुत्‌चिआ अ़क्‌तात निएदा अ़क्‍निवा खाङ्‌काखाङ म़मुने।

१ कोरिन्‍थि 12:27

खोन्‌ओसा खानानिन झारा ख्रिस्‍तओ अ़चुपोक ओ, खोन्‍कि खानानिन झाराकापाङ खोक्‍कोसोओ अ़चुओ पोक्‍फुत्‍चि ओ।

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

हिब्रु 13:3

खानानिन्‌छाङ छेक्‍खादा मोचिएनान त़याइन्‌येन्‌वा काछेक्‌चि फासानुम्‍च़म। खोन्‍कि खानानिन्‌आछाङ दुखा त़आङ्‌तुम्‌योम्‌वा दुखादा म़छुक्‍ताओचि फासानुम्‍च़म।

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।