१ कोरिन्‍थि 12:13 - बान्‍तावा राई

¹³ अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

१ कोरिन्‍थि 12:13 ပူးပေါင်းရင်းမြစ်များ

मत्‍ति 3:11

अ़ङ्‌का ना खानानिन आम्‍नुओ हेवादाङ्‌का त़लासिन्‌ओ बुन्‌ओ निम्‍पाङ चाक्‌वाआ बप्‍तिस्‍मा प़नानिन, मेन अ़ङ्‌कादाङ्‌का आदेङ काता अ़ङ्‌कादाङ्‌का च़लोक सावापोरिओ म़मुयाङ, खोक्‍कोसोओ अ़चुफेङ्‌ता खुन्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

लुका 3:16

खोवात्‍निओसा युहन्‍नाआ झारा लासुलोचि, “अ़ङ्‌का ना खानानिन चाक्‌वाआ बप्‍तिस्‍मा प़नानिन, मेन अ़क्‍छा अ़ङ्‌कादाङ्‌का च़लोक सावापोरिओ म़मुयाङ। अ़ङ्‌का ना खोक्‍कोसोओ अ़चुफेङ्‌ताओ अ़छुम्‍खाचि हुत्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

युहन्‍ना 1:16

खोक्‍को अ़चुसोम्‍तुक्‍माआ खोन्‍कि अ़चुओ अ़छ़ङ्‌आ भेप्‍तुओसा आन्‍कान झारा अ़क्‌तात सोम्‍तुक्‍मादाङ्‌का नि सोम्‍तुक्‍मा तोक्‍तुम्‌युङ्‌सुम।

युहन्‍ना 1:33

मोदाङ्‌का बुया अ़ङ्‌का खोक्‍को मान्‍सिन्‌युक्‍तुङ, मेन साङ्‌आ अ़ङ्‌का चाक्‌वाआ बप्‍तिस्‍मा प़ निकिना ऩछुत्‍ताङ, खोक्‍कोसाआङा अ़ङ्‌का ऩलोवाङ, ‘खाक्‍को म़नाएदा सेङ्‌लावा धायाङ्‍ओ खोन्‍कि युङ्‌याङ्‌ओ त़खा, सेङ्‌लावाआ बप्‍तिस्‍मा काप़ खोक्‍कोङा ओ।’

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

युहन्‍ना 4:10

येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

युहन्‍ना 6:63

ह़ङ्‌म़ङ काप़ लावाङा ओ! मेन पोक्‌आ दित्‍छाङ ओवाको काचि मुमा अ़ऱन। खाक्‍को य़ङ अ़ङ्‌का खानानिन्‌एदा चेउङ, मो निनाम्‍हाङ लावादाङ्‌का ओ, खोन्‍कि मो य़ङ्‌आ अ़धुन्‌ओ ह़ङ्‌म़ङ प़।

छाम्‍माय़ङ 1:5

देकिनालो युहन्‍नाआ ना चाक्‌वाआ ओन्‍ङा म़नाचि बप्‍तिस्‍मा प़चि, मेन अ़क्‍चित्‌का लेन्‌कि निनाम्‍हाङ्‌आ खानानिन सेङ्‌लावाआ बप्‍तिस्‍मा ऩप़न।”

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

रोमि 3:29

दि निनाम्‍हाङ यहुदिचिओ ओन्‍ङा अ़चुनिनाम्‍हाङ ओ कि? माआङ! दि खोक्‍को निरावाचिओछाङ अ़चुनिनाम्‍हाङ माआङ कि? उवा, खोक्‍को निरावाचिओछाङ अ़चुनिनाम्‍हाङ ओ।

रोमि 4:11

सिप्‍मायाम्‍बुन्‍तात अब्राहाम्‌आ सिप्‍मायाम्‍बुन मुमादाङ्‌का बुयाङा साकोङ्‌छ़ङ मुवाओ, खोन्‍कि निनाम्‍हाङ्‌आ बुयाङा साम्‌योक्‍मि अ़काइसाओसोओ बुन ओ। मोवात्‍नि अब्राहाम सिप्‍मायाम्‍बुन मान्‍मुनुछाङ निनाम्‍हाङ्‌एदा साकोङ्‌छ़ङ कामु झारा म़नाचिओ अ़चुसुन्‍तुम लिसा। मोचिआ अ़मुवाओ साकोङ्‌छ़ङ्‌ओ अ़तुक्‌वाआ निनाम्‍हाङ्‌आ मोचि साम्‌योक्‍मि म़काइसुचि।

१ कोरिन्‍थि 10:2

खोन्‍कि निनाम्‍हाङ्‌य़ङ खाकालु मोसाएदा मोचि झारासा य़वारि खोन्‍कि धियाङ्‌वामादा बप्‍तिस्‍मा अ़तोक्‍ता।

गलाति 3:23

मेन साकोङ्‌छ़ङ तामा बुया आन्‍कान य़ङ्‌हुप्‌ओ अ़क़म्‍मादा याइन्‌येन, खोन्‍कि साकोङ्‌छ़ङ खाङ्‌मान्‍मुयुक्‍तान्‍चिन्‌तारि आन्‍कान छेक्‍तिन्‌युङ्‌सिन।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

एफिसि 3:6

निनाम्‍हाङ्‌ओ अ़चुमित्‍चिऩङ ओङा ओ, नुय़ङ्‌खान्‌लाम्‍पा निरावाचि अ़क्‍नि यहुदिचिएनान पाङ्‌यि कातोक्‌चि ओ, अ़क्‌तात पोक्‌ओ पोक्‍फुत्‌चि ओ, खोन्‍कि ख्रिस्‍त येसुदाओ हिप्‍माय़ङ अ़क्‍नि कातोक्‌चि ओ।

एफिसि 4:5

अ़क्‌तात्‌ङा हाङ्‌पा, अ़क्‌तात्‌ङा साकोङ्‌छ़ङ खोन्‍कि अ़क्‌तात्‌ङा आन्‍बप्‍तिस्‍मा मुयाङ।

एफिसि 5:26

खोक्‍कोसाआ साम्‍भुङ अ़च़क़ल़क मुमा निम्‍पाङ चाक्‌वाआ वाअ़स़कि निनाम्‍हाङ्‌य़ङ्‌लाम्‍पा सेङ्‌मा अ़ऱने,

एफिसि 6:8

ओ सिन्‍तानुम, मो हारुक्‍ने माङ्‌लो लेत्‌वाङाने, झारा साङ अ़नुवाक काचि मु, हाङ्‌पाआ मोवात्‍निङा खो सिरिफा अ़प़।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 3:11

ओक्‍को य़ङ्‌दा ग्रिक माङ्‌लो यहुदि, सिप्‍मायाम्‍बुन पाक्‍माय़ङ माङ्‌लो सिप्‍मायाम्‍बुन मान्‍पाक्‍कादा, मान्‍लेकादा माङ्‌लो खोक्‍लिदा कायुङ्‌चि, हारुक माङ्‌लो लेत्‌वा हान्‌दाङ्‌का ऩफेक्‍निन। मेन ख्रिस्‍तङा झारादाङ्‌का तोक्‍पो म़मुयाङ खोन्‍कि खोक्‍को खानानिन झारादा म़युङ।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।