१ कोरिन्‍थि 11:34 - बान्‍तावा राई

³⁴ साङ सास़याङ्‌नालो मोसाआ अ़खिम्‌दाङा चाने, माङ्‌नालोना अ़क्‍नि त़कोइन्‍चिन्‌हिदा छ़ङ्‌छेन्‍मादा त़छुक्‍तिन। खोन्‍कि अ़ङ्‌का बान्‍ङाहिदा नि य़ङ्‌चिओ अ़चुतुक्‌वादा लोनानिन।

१ कोरिन्‍थि 11:34 ပူးပေါင်းရင်းမြစ်များ

१ कोरिन्‍थि 11:33

खोन्‌ओसा, ब़ब़, नाना खोन्‍कि निछाचि ओ, खानानिन अ़क्‍नि चासि त़कोइन्‍चिन्‌हिदा अ़क्‍छा नि हुङ्‌मुवानिन।

१ कोरिन्‍थि 16:1

हान निनाम्‍हाङ्‌ओ अ़चुम़नाचिओ निम्‍पाङ कोप्‍माय़ङ छेन्‍बिओ अ़तुक्‌वादा, गलातियाओ साम्‍भुङ्‌चि अ़ङ्‌का लोङ्‌च़ङ्‍ओवा चुवानिन।

१ कोरिन्‍थि 16:2

झाराका साताओ बुयाओ लेन खानानिन झारासाआ आ-आप्‍पि त़दुउम्‌ओ अ़चित छेन्‍बि फेआनुम्‌कि कोवायुङ्‌सानुम। खोन्‌ओसा अ़ङ्‌का बान्‍ङाओ ग़रि कोप्‍मा अ़दोत्‍निन्‍ने।

१ कोरिन्‍थि 16:5

माकेदोनियादा कोन्‍ङाचिन्‍ङाकि खानानिन्‌एनान अ़ङ्‌का तुप्‍सि ताङा, देकिनालो अ़ङ्‌का माकेदोनिया लियाङ्‌साङा खात्‍ङाङा।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

१ कोरिन्‍थि 4:19

हाङ्‌पाओ अ़चुमिन्‍मा याक्‌याङ्‌नालो अ़ङ्‌का खानानिन्‌एदा च़क्‍नि बान्‍ङा, खोन्‍किना मो ऱक्‍भाक म़नाचि देत्‍नि म़चेवाओ य़ङ्‌चि ओन्‍ङा माआङ, मेन मोचिओ अ़चुसावा दियाको ओ अ़ङ्‌का सिन्‍तुङ।

१ कोरिन्‍थि 7:17

देत्‍नि त़युङिन्‌येन्‌हिदा हाङ्‌पा येसुआ खानानिन ऩछेन्‍तिन खोन्‍कि अ़चुओ म़ना लिमा निनाम्‍हाङ्‌आ ऩबुत्‍तिन, मोवात्‍निङा युङानिन। झारा साम्‍भुङ्‌चिओ निम्‍पाङ अ़ङ्‌य़ङ्‌हुप ओङा ओ।

तितस 1:5

मोदा छिरादाओ काचिचि त़चिउचिने निकिना अ़ङ्‌का खाना क्रेतदा छित्‍नादानाओ। खोन्‍कि झारा सहराचिदाओ साकोङ्‌छ़ङ कामुचिएदा ताङ्‌पाचि त़छेन्‍तुचिने निकिना अ़ङ्‌का खाना मोदा छित्‍नादाना।