१ कोरिन्‍थि 11:3 - बान्‍तावा राई

³ हान खानानिन ख्रिस्‍तङा झारा म़नाचिओ अ़चुहाङ्‌पा म़युङ्‌याङ निकिना त़तुप्‍तुम्‍नेनि अ़ङ्‌का मिन्‍ङा खोन्‍कि खिम्‍हाङ्‌माओ अ़मुलो अ़खिम्‍हाङ्‌पा ओ, खोन्‍कि ख्रिस्‍तओ अ़चुमुलो निनाम्‍हाङ म़युङ्‌याङ।

१ कोरिन्‍थि 11:3 ပူးပေါင်းရင်းမြစ်များ

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

युहन्‍ना 14:28

‘अ़ङ्‌का ओदाङ्‌का खात्‍ङाङा खोन्‍कि अ़ङ्‌का खानानिन्‌एदा लाङाताङा’नि लोनानिन्‌ओ खानानिन्‌आ त़एनुम। खानानिन्‌आ अ़ङ्‌का सोमात़तुक्‍ताङ्‌ऩङ्‍ओ खाङ्‌दे अ़ङ्‌का अ़ङ्‌पापाएदा खात्‍ङाङाओ य़ङ त़एनुम्‌हिदा आम्‍नुओ ऩङानुवाओ, देकिनालो अ़ङ्‌पापा अ़ङ्‌कादाङ्‌का तोक्‍पो म़मुयाङ।

१ कोरिन्‍थि 3:23

खोन्‍कि खानानिन ख्रिस्‍तओ, खोन्‍किना ख्रिस्‍त निनाम्‍हाङओ म़युङ्‌याङ।

एफिसि 4:15

माङ्‌लो, सोम्‍तुक्‍माएनान अ़छ़ङ चेप्‌याङ्‌सा, झारा य़ङ्‌दा आन्‍कान खोक्‍कोएदातारि माङ्‌लो ख्रिस्‍तएदातारि पोयिन्‍ने, खोक्‍कोङा अ़छोङ ओ।

कलस्‍सि 1:18

खोक्‍को साम्‍भुङ्‌ओ अ़छोङ म़मुयाङ, खोन्‍कि मो साम्‍भुङ खोक्‍कोसोओ अ़चुपोक ओ। खोक्‍को अ़पुङ्‌चिपुक ओ, म़सुवादाओचिदाङ्‌का काखोन्‍लोन खोक्‍को बुयाओ म़मुयाङ। खोन्‌ओसा झारा य़ङ्‌चिदाङ्‌का खोक्‍को अ़छोङ्‌दुओ म़लिने।

कलस्‍सि 2:10

खोन्‍कि खानानिन ख्रिस्‍तआ त़भेप्‍तिन्‌युङ्‌सिन। खोक्‍कोङा झारा हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचिओ अ़चुछोङ म़युङ्‌याङ।

कलस्‍सि 2:19

ख्रिस्‍त ताङ्‌ओनुछाङ मोचि खोक्‍कोएनान मान्‍चोक्‍म़युक। खोसाआ सावाऱक खोन्‍कि अ़तुम्‌चिलाम्‍पा पोक्‌दा दोत्‌याङ्‌ओ झारा खाइसुकि झारा पोक्‍फुत्‍चि अ़क्‍नि लाउचि। खोन्‍कि मो पोक निनाम्‍हाङ्‌ओ अ़चुमिन्‍मावा पोन।

कलस्‍सि 3:18

खिम्‍हाङ्‌माचि ओ, हाङ्‌पाओ अ़चुबुदा त़खान्‍तिन्‍लो अ़धुन आम्‍नुओ खिम्‍हाङ्‌पाचिओ अ़चुक़म्‍मादा युङानिन।

१ पत्रुस 3:1

मोवात्‍निङा खिम्‍हाङ्‌माचि ओ, खानानिन्‌छाङ आम्‍नुओ खिम्‍हाङ्‌पाचिओ अ़चुक़म्‍मादा युङानिन। खोन्‍नालो मोचि निनाम्‍हाङ्‌ओ अ़चुय़ङ्‌दा साकोङ्‌छ़ङ ऩमुनिन्‌नुछाङ, आम्‍नुओ च़माथाङ्‌माआ मोचि देत्‍छाङ मान्‍लोमाङ फान्‍मा त़ऱम्‍च़म।