१ कोरिन्‍थि 11:17 - बान्‍तावा राई

¹⁷ मेन ओवात्‍नि अ़ङ्‌का लोनाङ्‌नानिन्‌हिदा अ़ङ्‌का अ़चोन्‍नानिमिन, देकिनालो आम्‍नुओ कोप्‍मान्‍चिन्‌आ अ़नुवाक्‌दाङ्‌का च़लोक अ़त्‍लो लि।

१ कोरिन्‍थि 11:17 ပူးပေါင်းရင်းမြစ်များ

रोमि 13:3

देकिनालो अ़नुवाक काचिओ निम्‍पाङ माआङ, मेन अ़अ़त्‍पा काचि कामुचिआ हाङ्‌काचि कामुचि कित्‍तुम्‍च़म। दि खाना हाङ्‌काचि कामुचिओ कित्‍मादा युङ्‌मा त़स़नानान? खोन्‍नालो अ़नुवाक काचि मुवा खोन्‍कि खाना खोसाआ त़चोन।

१ कोरिन्‍थि 11:2

अ़ङ्‌का खानानिन चोन्‍नाङ्‌नानिन, देकिनालो झारा य़ङ्‌दा खानानिन्‌आ अ़ङ्‌का त़मित्‍ताङ्‌ऩङ खोन्‍कि अ़ङ्‌का खानानिन प़नानिन्‌ओ च़माथाङ्‌माचि त़मुम्‌युङ्‌सुम्‍च़म।

१ कोरिन्‍थि 11:20

खानानिन अ़क्‍नि त़कोइन्‍चिन्‌कि त़चाम्‌ओ मो हाङ्‌पाओ अ़चुखाबाचा माआङ।

१ कोरिन्‍थि 11:22

चामा खोन्‍कि दुङ्‌माओ निकिना दि आम्‍नुओ खिम्‌चि मात्‍द़ङ्‌चि कि? माङ्‌लो दि खानानिन निनाम्‍हाङ्‌ओ अ़चुसाम्‍भुङ्‌चि त़सुङुम्‍च़म खोन्‍कि मान्‍तोक्‍कादाचि अ़चुसाया त़पेप्‍तुम्‍च़म? अ़ङ्‌का खानानिन दे लोमा? दि अ़ङ्‌का खानानिन ओसोओ निम्‍पाङ चोन्‍मा? माआङ, अ़ङ्‌का अ़चोन्‍नानिमिन।

१ कोरिन्‍थि 11:34

साङ सास़याङ्‌नालो मोसाआ अ़खिम्‌दाङा चाने, माङ्‌नालोना अ़क्‍नि त़कोइन्‍चिन्‌हिदा छ़ङ्‌छेन्‍मादा त़छुक्‍तिन। खोन्‍कि अ़ङ्‌का बान्‍ङाहिदा नि य़ङ्‌चिओ अ़चुतुक्‌वादा लोनानिन।

१ कोरिन्‍थि 14:23

मोवात्‍नि झारा साम्‍भुङ म़कोप्‍नान्‍चिन खोन्‍कि झारा निय़ङ्‌दा म़चेप, खोन्‍कि साकोङ्‌छ़ङ मान्‍मुकादाचि खोन्‍कि मान्‍तुप्‍कादाचि म़तानालो दि मोचिआ खानानिन हिम्‍साले नि ऩलोन्‍मिन कि?

१ कोरिन्‍थि 14:26

खोन्‍नालो ब़ब़, नाना खोन्‍कि निछाचि ओ, आन्‍कान्‍का दे य़ङिन्‍का? खानानिन अ़क्‍नि त़कोविन्‍चिन्‌हिदा झाराकापाङ्‌एनान साम्‍ऱङ लुमा, चिन्‍मा, कोङ्‌दुम खालुमा, निय़ङ चेप्‍मा खोन्‍कि य़ङ्‌फान्‍मा लावामि सावा याक। ओ झारा य़ङ्‌चि साम्‍भुङ पोन्‍माओ निम्‍पाङ म़मुने।

हिब्रु 10:25

खा-खाक्‍कोचिओ अ़चुच़मावा आन्‍कान यावायोक्‌दा अ़क्‍नि कोप्‍मान्‍चिन अ़छिरिमिन्‍ने। मेन हाङ्‌पाओ अ़चुलेन च़क्‌दा तायाङ्‌ओ खानानिन त़खाम्‌ओसा अ़क्‍छाआ नि च़लोक राक प़काप़ मुवानिन।

१ पत्रुस 2:14

माङ्‌लो हाङ्‌कामुचिङाने, निनाम्‍हाङ्‌आ मोचि अ़अ़त्‍पा काचि कामुचि दन्‍दा प़सि खोन्‍कि अ़नुवाक काचि कामुचि चोइसि म़छुत्‍तुचिओ।