१ कोरिन्‍थि 10:20 - बान्‍तावा राई

²⁰ खोवात्‍नि माआङ, मेन अ़ङ्‌का ओवात्‍नि य़ङ्‌ङाङा, सेम्‍पोक काब़क्‌चिआ चाकावालावाचि हेन्‍खोक्‌वा अ़प़, निनाम्‍हाङ माआङ। खोन्‍कि खानानिन चाकावालावाचिएनान त़होलिन्‍चिन्‍नेनि अ़ङ्‌का अ़मिन्‍ऩङ।

१ कोरिन्‍थि 10:20 ပူးပေါင်းရင်းမြစ်များ

मत्‍ति 4:9

खोन्‍कि मोसाआ येसु लो, “खानानिन त़बोम्‍सिन्‍चिन्‌कि अ़ङ्‌का त़ब़क्‍ङाऩङ्‌नालो ओ झारा अ़ङ्‌का खानानिन प़नानिन।”

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

गलाति 4:8

बुया, खानानिन्‌आ निनाम्‍हाङ मान्‍सिन्‍त़युक्‍तुम, मोन्‍ग़रि खानानिन माङ्‌चिओ अ़चुहारुक त़मुन्‌येन, मोचि अ़ह़ङ माङ्‌चि माआङ।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।

खाङ्‌मुमा 9:20

ओ अ़चाअ़त्‍मादाङ्‌का काह़ङ म़नाचिआ चाकावालावाचि खोन्‍कि आप्‍पि अ़चुछुक्‌आ म़मुचिओ सेम्‍पोक्‌चि ब़त्‍मा मान्‍छित्‌अ़दा। खोन्‍कि खामान्‍खाङ्‌कादा, खामान्‌एन्‍कादा खोन्‍कि कोन्‍मा मान्‍ऱकादा, हाराक्‌वा, रुपा, कासा, लुङ खोन्‍कि स़ङ्‌ओ सेम्‍पोक्‌चिएदा बोम्‍मान्‍चिदाङ्‌का अ़चुमिन्‍मा मान्‍लाअ़दा।