१ कोरिन्‍थि 10:14 - बान्‍तावा राई

¹⁴ खोन्‌ओसा, सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, सेम्‍पोक ब़क्‍मादाङ्‌का अ़थाया युङानिन।

१ कोरिन्‍थि 10:14 ပူးပေါင်းရင်းမြစ်များ

छाम्‍माय़ङ 15:20

मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

रोमि 12:19

निछाचि ओ, देम्‍खाछाङ आप्‍पि अ़फान मान्‍लात्‌दानिन, मेन निनाम्‍हाङ्‌ओ अ़चुमाइसुङ्‌दा लेत्‍तापुवानुम। देकिनालो छाप्‍तायुङ्‌सा, “अ़फान कालात अ़ङ्‌का ओ, अ़ङ्‌का अ़फान लात्‍तुङ।” नि निनाम्‍हाङ म़य़ङायुङ्‌सा।

१ कोरिन्‍थि 10:15

अ़ङ्‌का खारु कातोक म़नाचिएनान्‌वा चेप्‍ङाङा, खानानिन्‌ङा अ़ङ्‌का य़ङ्‌ङाओदा छ़ङ्‌छेन्‍तानुम।

१ कोरिन्‍थि 10:19

अ़ङ्‌का दे य़ङ्‌ङाङा म़ल़क? सेम्‍पोक हेन्‍खोक्‌वा प़माओ अ़काचि याक्‌याङ? माङ्‌लो सेम्‍पोक अ़नुछ्‍याओ माङ्‌चि ओ?

१ कोरिन्‍थि 10:7

मोचिएदाओ देम्‌कापाङ्‌चिवात्‍नि खानानिन सेम्‍पोक काब़क्‌चि मान्‍लिदानिन। देकिनालो ओवात्‍नि छाप्‌याङ, “म़नाचि म़युङाकि म़चा म़दुङा, खोन्‍किना म़पुवालोन्‍ताकि म़थोमा।”

१ कोरिन्‍थि 5:11

अ़ङ्‌का छाप्‍तुङ्‌कि लोमा लाप्‍नाङ्‌नानिन्‌ओ य़ङ दिओनालो, साङ आप्‍पि साकोङ्‌छ़ङ कामुनि लोनान्‍चिन, मेन खो ताङ्‌लान कामु माङ्‌लो च़क्‍ख़य़ कामु माङ्‌लो सेम्‍पोक काब़क माङ्‌लो कासुङ माङ्‌लो खाबात सेत्‍चावा माङ्‌लो काङाप्‍खात ओ। ओवाको म़नाएनान चासिछाङ मान्‌युङ्‌दानिन।

२ कोरिन्‍थि 11:11

देकि खानानिन्‌एदाङ्‌का छेन्‍बि अ़लोक्‍ऩङ? दि अ़ङ्‌का खानानिन सोमाअ़तुक्‍नान्‍निमिन निकिना ओ? निनाम्‍हाङ्‌आ अ़सिन्‌याङ, अ़ङ्‌का खानानिन सोमातुक्‍नानिन!

२ कोरिन्‍थि 12:15

अ़ङ्‌का आम्‍नुओ निम्‍पाङ अ़न्‍नुनु अ़ङ्‌ऩङानुयाङ्‌सा अ़ङ्‌सामाचि याङुङ्‌च़ङ, खोन्‍कि अ़ङ्‌का आप्‍पि अ़ङ्‌ह़ङ्‌म़ङ्‌छाङ प़नानिन। अ़ङ्‌का खानानिन च़लोक सोमातुक्‍नानिन्‌नालो दि खानानिन्‌आ अ़ङ्‌का चुक्‍लो सोमात़तुक्‍ङाऩङ?

२ कोरिन्‍थि 12:19

दि खानानिन त़मित्‍तुम्‌युङ्‌सुम्‌योम, ओन्‌तारि आन्‍कान्‍का आम्‍नुओ बुदा आन्‍कान्‍का आप्‍पि रात्‍तिन्‌येन्‍चिन्‍का ओ? सोमातुक्‍नाङ्‌नानिन्‌ओ यावाचि ओ, आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुपाङ्‌आ चेविन्‌येन्‍का, खोन्‍कि झारा खानानिन काछो मुमा निम्‍पाङ ओ।

२ कोरिन्‍थि 6:17

खोन्‌ओसा निनाम्‍हाङ म़य़ङ्‌याङ, ‘मोचिओ अ़चुरादाङ्‌का लोन्‍ताबानानिन, खोन्‍कि मोचिएदाङ्‌का खानानिन फेआनिन्‍चिन, अ़सेङ्‌निनिन्‌ओ दित्‍छाङ मान्‍नोप्‌दानुम, खोन्‍कि अ़ङ्‌का खानानिन लोक्‍नानिन।’

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

फिलेमोन 1:1

येसु ख्रिस्‍तओ निकि छेक्‍ङाङाओ अ़ङ्‌का पावल खोन्‍कि तिमोथि निछाएदाङ्‌का ओ छाप्‍लावा आन्‍कान सोमातुक्‍तुम्‌ओ अ़क्‍निओ आन्‌यावा फिलेमोन, आन्‍कान निछा अप्‍फिया, आन्‍कान काफा रात्‍खामि अर्खिप्‍पस खोन्‍कि आम्‍को आम्‍खिम्‌दा कातुप साम्‍भुङ्‌ओ निकिना ओ।

हिब्रु 6:9

सोमातुक्‍निङ्‌निओ यावाचि ओ, आन्‍कान्‍का ओवात्‍नि आम्‍नुओ तुक्‌वादा य़ङिन्‍कानुछाङ आम्‍नुओ लेन्‍माएनान च़लोक अ़नुवाक य़ङ्‌चि खानानिन्‌एदा म़तानि आन्‍कान्‍का सोम्‍कुवा मुन्‍का।

१ पत्रुस 2:11

ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।

१ युहन्‍ना 5:21

अ़चुप्‍पो छाचि ओ, सेम्‍पोक्‌चिदाङ्‌का खानानिन अ़थाया युङानिन।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।