१ कोरिन्‍थि 1:26 - बान्‍तावा राई

²⁶ ब़ब़, नाना खोन्‍कि निछाचि ओ, निनाम्‍हाङ्‌आ खानानिन ऩबुत्‍तिन्‌ओ ग़रिदा देत्‍नि त़मुन्‌येन, मो मित्‍तानुम। हेन्‍खामादाओ पोक्‌दावात्‍नि खानानिन्‌एदा ब़द्‍धेकापाङ खारु कातोक मान्‍मुत़दान्‌येन ब़द्‍धेकापाङ सावापोरिओ मान्‍मुत़दान्‌येन खोन्‍कि ब़द्‍धेकापाङ अ़च़वाङ खिम्‍लुम्‍पादाओ माआङ।

१ कोरिन्‍थि 1:26 ပူးပေါင်းရင်းမြစ်များ

लुका 1:3

सायाकातोक थियोफिलस ओ, खोन्‌ओसा अ़ङ्‌का ओ काचिचिओ अ़पुङ्‌मादाङ्‌काङा नुलोक लामुङ्‌युङ्‌सुङ। खोन्‌ओसा अ़ङ्‌काछाङ आम्‍नुओ निकि ओसोओ अ़तुक्‌वादा झारा य़ङ्‌चि अ़स़वा छाप्‍मा खान्‍नु हे नि मिनाङ।

लुका 10:21

मोन्‍ग़रिङा येसु सेङ्‌लावाआ म़भेप्‍ताकि ब़द्‍धे अ़चुऩङानुयाङ्‌सा म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म। उवा, आपो, देकिनालो ओवात्‍निङा च़मा खानानिन त़स़न।

छाम्‍माय़ङ 13:12

खोन्‍किना मो धिखाहुप्‌हाङ्‍आ एलुमास मोवात्‍नि लिसाओ खाकि हाङ्‌पादा साकोङ्‌छ़ङ मुवा, देकिनालो हाङ्‌पाओ अ़चुचिन्‍माय़ङ्‌ओ अ़तुक्‌वादा खो अ़न्‍नुनु दोम्‍तुदो।

छाम्‍माय़ङ 13:7

मो म़क्‍फेङ कामु धिखाहुप्‌हाङ सर्गियस पावलस्‌एनान युङाङा। सर्गियस पावलस खारु कातोक याआङा। खो निनाम्‍हाङ्‌ओ अ़चुय़ङ एन्‍मानि मिनाङाओसा सावल खोन्‍कि बारनाबास बुत्‍तुचि।

छाम्‍माय़ङ 17:34

खा-खाक्‍को म़नाचि खोलिप्‍पा म़वाङाकि येसुएदा साकोङ्‌छ़ङ म़मुवा। मोचिएदाओ अरियोपागस यायोक्‍खादाओ म़ना दियनुसियस खोन्‍कि दामारिस अ़ऩङ मुवाङाओ मेत्‍छामा युङाङा। खोन्‍कि निचिछाङ साकोङ्‌छ़ङ म़मुवा।

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

१ कोरिन्‍थि 1:20

खारु कातोक म़ना खादा युङ्‌याङ? य़ङ्‌हुप काचिन खादा युङ्‌याङ? ओ जुगाओ दुम्‍कातु खादा युङ्‌याङ? दि निनाम्‍हाङ्‌आ हेन्‍खामादाओ खारु खामान्‍सिन मान्‍मुअ़दाकि?

१ कोरिन्‍थि 2:13

ओ य़ङ्‌चि आन्‍कान्‍का खाएत्‍तुम्‍च़म्‍का, म़नाओ अ़खारुआ चिन्‍माय़ङ्‌ओ य़ङ्‌चिआ माआङ, मेन सेङ्‌लावाआ ऩचिन्‍तिन्‍काओवा आन्‍कान्‍का लावामि अ़छ़ङ्‌चि लावामि य़ङ्‌चिदा खालुसुम्‍च़म्‍का।

१ कोरिन्‍थि 2:8

ओ जुगादाओ हाङ्‌काचि कामुचि साङ्‌आछाङ ओ य़ङ मान्‍तुप्‌अ़दा। अ़तुप्‍ताओदे मोचिआ ऩङ्‌लोङ्‌मा खान्‍तुओ हाङ्‌पा क्रुस्‌दा मान्‍ख़न्‌अ़दाओ।

फिलिप्‍पि 4:22

झारा निनाम्‍हाङ्‌ओ अ़चुम़नाचिआ खोन्‍कि च़लोक्‌वा कैसर हाङ्‌ओ अ़हाङ्‌मुखादाओचिआ खानानिन सेवा अ़बान्‌याङ।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

२ युहन्‍ना 1:1

ताङ्‌पाएदाङ्‌का छेन्‍माय़ङ मेत्‍छामा खोन्‍कि अ़छाचि, अ़ङ्‌का खानानिन अ़नुछ्‍या सोमातुक्‍नाङ्‌नानिन खोन्‍कि अ़ङ्‌का ओन्‍ङा माआङ, मेन अ़छ़ङ कासिन निचिआछाङ खानानिन सोमाऩतुक्‍तिन्‌येन।