१ कोरिन्‍थि 1:23 - बान्‍तावा राई

²³ मेन आन्‍कान्‍काआ ना क्रुस्‌दा ख़न्‍माय़ङ्‌ओ ख्रिस्‍त खालुसुम्‍का। यहुदिचिओ निम्‍पाङ अ़चुधुङ्‌खा खोन्‍कि ग्रिक्‌चिओ निकिना खामान्‍सिन लिसा।

१ कोरिन्‍थि 1:23 ပူးပေါင်းရင်းမြစ်များ

मत्‍ति 11:6

अ़ङ्‌तुक्‌वादा मान्‍केङ मान्‍मुकादा म़ना अ़नुछ्‍याङा आसिखा कातोक ओ।”

मत्‍ति 13:57

खोन्‌ओसा मोचिआ खोक्‍को अ़सुङ्‌ता खोन्‍कि साकोङ्‌छ़ङ मान्‍मुअ़दा। मेन येसुआ मोचि म़लोचि, “निनाम्‍हाङ्‌य़ङ खाकालु अ़तेन्‌दा खोन्‍कि आप्‍पि अ़खिम्‌दा साया ऩमेत्‍तुन, मेन नि झारादा साया अ़मेत।”

लुका 2:34

खोन्‍कि सिमियोन्‌आ खोचि आसिखा प़चिकि नुनुओ अ़मा मरियम लो, “एनु, ओक्‍को नुनुआ इस्राएल्‌दाओ ब़द्‍धे म़नाचि सिम्‍धाइसि खोन्‍कि झोन्‍लोइसि निनाम्‍हाङ्‌आ अ़छेन्‍तायुङ्‌सा। खोक्‍कोसाआ म़नाचि चाप्‍म़चेत्‍तुचि, मेन म़नाचि खोक्‍कोसोओ अ़चुय़ङ लोक्‍मा म़छुन।

१ कोरिन्‍थि 1:18

देकिनालो क्रुस्‌ओ नुय़ङ्‌खान म़लुक्‌याङ्‌ओचिओ निम्‍पाङ खामान्‍सिन य़ङ ओ, मेन आन्‍कान म़लेन्‌याङ्‌ओचिओ निम्‍पाङ ओक्‍को ना निनाम्‍हाङ्‌ओ अ़चुसावा ओ।

१ कोरिन्‍थि 1:21

हेन्‍खामादाओ म़नाचिआ आप्‍पि अ़चुतायाआ निनाम्‍हाङ सिन्‍मा मान्‍ऱअ़दाओसाआ निनाम्‍हाङ्‌ओ अ़चुतायालाम्‍पा आन्‍कान्‍का खालुसुम्‍काओ नुय़ङ्‌खान्‌ओ खामान्‍सिन्‌लाम्‍पा साकोङ्‌छ़ङ कामुचि लेन्‍मा निनाम्‍हाङ्‌आ अ़छ़ङ अ़मुवा।

१ कोरिन्‍थि 1:28

हेन्‍खामादाओ अ़मुलोनि कान्‍माय़ङ य़ङ्‌चि सोज्‍जे मुमाचि निम्‍पाङ हेन्‍खामाआ अ़चुप्‍पो खोन्‍कि चिप्‍मा म़कात्‍तुओ य़ङ्‌चि खोन्‍कि अ़काचि मात्‍द़ङ्‌ओ य़ङ्‌चि निनाम्‍हाङ्‌आ म़छेन्‍तुचि।

१ कोरिन्‍थि 2:14

मान्‍लावामि म़नाआ निनाम्‍हाङ्‌ओ अ़चुलावादाङ्‌का म़ताओ य़ङ्‌चि अ़लोउन्‍चिन। देकिनालो ओ य़ङ्‌चि मोसोओ निम्‍पाङ खामान्‍सिन मु, खोन्‍कि खोसाआ मोचि तुप्‍मा अ़ऱन्‍चिन। देकिनालो ओचि लावालाम्‍पा ओन्‍ङा तुप्‍मा ऱम्‍च़म।

१ कोरिन्‍थि 2:2

खानानिन्‌एनान युङाङ्‌याङ्‌हिदा अ़ङ्‌का येसु ख्रिस्‍त खोन्‍कि क्रुस्‌दा खोक्‍को ख़न्‍मासेत्‍मादाङ्‌का नि दित्‍छाङ मान्‍सिन्‍दामा अ़ङ्‌का अ़छ़ङ मुङ।

१ कोरिन्‍थि 4:10

ख्रिस्‍तओ निम्‍पाङ आन्‍कान्‍का खामान्‍सिन मुन्‌येन्‍का, मेन खानानिन ना ख्रिस्‍तएदा खारु कातोक त़मुन्‌येन। आन्‍कान्‍का मान्‍ऱकादा मुन्‌येन्‍का, मेन खानानिन त़छोसिन्‌येन। खानानिन साऩङ्‌वा ऩमेत्‍तिन, मेन आन्‍कान्‍का ऩसुङ्‌तिन्‍का।

२ कोरिन्‍थि 4:5

आन्‍कान्‍का आन्‍काओ तुक्‌वादा खाअ़लुसिमिन्‍का, मेन येसुओ निम्‍पाङ आन्‍कान्‍का आम्‍नुओ हारुक्‌चिवा लिसिन्‍काकिना येसु ख्रिस्‍तङा हाङ्‌पा म़युङ्‌याङ्‌नि खालुसुम्‍का।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।

गलाति 5:11

ब़ब़, नाना खोन्‍कि निछाचि ओ, अ़ङ्‌का सिप्‍मायाम्‍बुन मुमादोत निकिना हान्‍छाङ खालुङाङाओ खाङ्‌देना अ़ङ्‌का यहुदिचिआ दुखा मान्‍प़ऩदाङ्‌ओ। मोवात्‍नि क्रुस्‌ओ अ़तुक्‌वादा खाअ़लुऩङ्‌ओ खाङ्‌दे ना अ़ङ्‌का फित्‍चि ऩमुऩङ्‍ओ।

गलाति 6:14

मेन आन्‍हाङ्‌पा येसु ख्रिस्‍तओ अ़चुक्रुस्‌दाङ्‌का नि खाक्‍कोछाङ य़ङ्‌दा तोक्‍पो लिमा अ़ङ्‌काएदाङ्‌का अ़थाया लिने। मो क्रुस्‌लाम्‍पा हेन्‍खामाओ अ़तुक्‌वादा अ़ङ्‌का सुवाङ। हेन्‍खामा अ़ङ्‌काएदा अ़सावा मात्‍द़ङ लिसायुङ्‌सा।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

१ पत्रुस 2:8

खोन्‍कि, “मोक्‍को अ़क्‍ताक लुङ्‌ताक्‌आङा म़नाचि धुङ्‌म़मेत्‍तुचि, खोन्‍कि मोक्‍को लुङ्‌छ़ङ्‌आङा म़नाचि काधाम म़मुचि।” देकिनालो मोचि निनाम्‍हाङ्‌ओ अ़चुय़ङ ऩङाअ़छित, मोचिओ निकि ओवात्‍नि लिमाङा निनाम्‍हाङ्‌ओ अ़चुमिन्‍मा याआङा।