الرُّؤْيَا 9:2 - العهد الجديد بالدارجة التونسية 2022

² ووَقْتِلِّي النِّجْمَة حَلِّتْ البِيرْ، خْرَجْ دُخَّانْ كَايِنُّو دُخَّانْ حْرِيقَة كْبِيرَة، وظْلَامُو الشَّمْسْ والهْوَاء مِالدُّخَّانْ الِّي طَالَعْ.

الرُّؤْيَا 9:2 ပူးပေါင်းရင်းမြစ်များ

أَعْمَالْ 2:19

وبِشْ نَعْمِلْ عْجَايِبْ لْفُوقْ فِي السْمَاء، وعَلَامَاتْ لُوطَا عَالأَرْضْ دَمْ ونَارْ وبَرْشَة دُخَّانْ.

الرُّؤْيَا 14:11

ودُخَّانْ عْذَابْهُمْ بِشْ يُقْعُدْ طَالَعْ لْأَبَدْ الآبِدِينْ. مَا فَمَّاشْ رَاحَة لَا فِي اللِّيلْ ولَا فِي النْهَارْ لِلِّي عِبْدُوا الوَحْشْ وسِجْدُوا لْتِمْثَالُو وقِبْلُوا أَمَارِةْ إِسْمُو».

الرُّؤْيَا 16:10

وبَعْدْ صَبْ المَلَاكْ الخَامِسْ كَاسُو عْلَى عَرْشْ الوَحْشْ الأُوِّلْ، يَاخِي ظْلَامِتْ مَمْلَكْتُو، ووَلَّاوْ النَّاسْ يِڨْدِمُوا فِي لْسَانَاتْهُمْ مِالوْجِيعَة.

الرُّؤْيَا 8:12

ونْفَخْ المَلَاكْ الرَّابَعْ فِي بُوقُو، يَاخِي تِضْرَبْ ثْلُثْ الشَّمْسْ وثْلُثْ الڨَمْرَة وثْلُثْ النْجُومْ، حَتَّى لِينْ ظَلِّمْ ثْلُثْ ضَوْهُمْ، ووَلَّى ثْلُثْ النْهَارْ ظْلَامْ وثْلُثْ اللِّيلْ زَادَا.

الرُّؤْيَا 9:1

ونْفَخْ المَلَاكْ الخَامِسْ فِي بُوقُو، وشُفْتْ نِجْمَة طَايْحَة مِالسْمَاء لِلْأَرْضْ، وتِعْطَالْهَا مِفْتَاحْ بِيرْ الهَاوْيَة.

الرُّؤْيَا 9:11

ومَلِكْهُمْ هُوَّ مَلَاكْ الهَاوْيَة، وإِسْمُو بِالعِبْرِيَّة «أَبَدُّونْ»، وبِاليُونَانِي «أَبُولِّيُونْ».

الرُّؤْيَا 9:17

وفِي الرُّؤْيَا، شُفْتْ الحْصُنَّة والفُرْسَانْ الرَّاكْبِينْ عْلِيهُمْ لَابْسِينْ دْرُوعْ لُونْهُمْ أَحْمِرْ كِي النَّارْ وأَزْرَقْ كِي اليَاقُوتْ وأَصْفِرْ كِي الكِبْرِيتْ. والحْصُنَّة رْيُوسْهُمْ كِي رْيُوسْ الصْيُودَا، وتْخَرِّجْ مِنْ أَفَّامْهَا فِي نَارْ ودُخَّانْ وكِبْرِيتْ.