الرُّؤْيَا 9:14 - العهد الجديد بالدارجة التونسية 2022

¹⁴ قَالْ لِلْمَلَاكْ السَّادِسْ الِّي عَنْدُو البُوقْ: «سَيِّبْ الأَرْبْعَة مْلَايْكَة الِّي مَرْبُوطِينْ فِي نَهْرْ الفُرَاتْ الكْبِيرْ».

الرُّؤْيَا 9:14 ပူးပေါင်းရင်းမြစ်များ

الرُّؤْيَا 16:12

وصَبْ المَلَاكْ السَّادِسْ كَاسُو عْلَى وَادْ الفُرَاتْ الكْبِيرْ يَاخِي مَاهْ شَاحْ، بَاشْ يِتْحَلْ الطْرِيقْ لِلْمُلُوكْ الجَايِينْ مِالشَّرْقْ.

الرُّؤْيَا 7:1

وبَعْدْهَا شُفْتْ أَرْبْعَة مْلَايْكَة وَاقْفِينْ فِي أَطْرَافْ الأَرْضْ الأَرْبْعَة، شَادِّينْ أَرْيَاحْ الأَرْضْ الأَرْبْعَة بَاشْ مَا يْقُومْ حَتَّى رِيحْ عَالبَرْ ولَا عَالبْحَرْ ولَا عَالشْجَرْ.

الرُّؤْيَا 7:2

ومْبَعِّدْ شُفْتْ مَلَاكْ آخِرْ جَايْ مِالشَّرْقْ هَازِزْ خِتْمْ اللَّهْ الحَيْ، وعَيِّطْ بْصُوتْ عَالِي لِلأَرْبْعَة مْلَايْكَة الِّي مِتْكَلْفِينْ بَاشْ يْضُرُّوا البَرْ والبْحَرْ،

الرُّؤْيَا 8:2

وشُفْتْ المْلَايْكَة السَّبْعَة الِّي وَاقْفِينْ قُدَّامْ اللَّهْ، تِعْطَالْهُمْ سَبْعَة أَبْوَاقْ.

الرُّؤْيَا 8:6

والسَّبْعَة مْلَايْكَة، الِّي عَنْدْهُمْ الأَبْوَاقْ السَّبْعَة، حَضّْرُوا رْوَاحْهُمْ بَاشْ يُنْفْخُوا فِيهَا.

الرُّؤْيَا 9:15

وتْسَيْبُوا المْلَايْكَة الأَرْبْعَة الِّي كَانُوا مُسْتْعَدِّينْ لِلسَّاعَة واليُومْ والشْهَرْ والعَامْ، بَاشْ يُقْتْلُوا ثْلُثْ البَشَرْ.