الرُّؤْيَا 8:9 - العهد الجديد بالدارجة التونسية 2022

⁹ ومَاتِتْ ثْلُثْ المَخْلُوقَاتْ الِّي فِي البْحَرْ، وادَّمْرِتْ ثْلُثْ البَابُورَاتْ.

الرُّؤْيَا 8:9 ပူးပေါင်းရင်းမြစ်များ

الرُّؤْيَا 12:4

جْبِدْ بْذِيلُو ثْلُثْ نْجُومْ السْمَاء، ورْمَاهُمْ عَالأَرْضْ. ووْقِفْ التِّنِّينْ قُدَّامْ المْرَا الِّي شَادْهَا الحِسْ بَاشْ يِبْلَعْ صْغِيرْهَا دُوبْ مَا يِتْوْلِدْ.

الرُّؤْيَا 16:3

وصَبْ المَلَاكْ الثَّانِي كَاسُو فِي البْحَرْ، يَاخِي المَاء وَلَّى دَمْ، كِيفْ دَمْ المِيِّتْ، ومَاتِتْ المَخْلُوقَاتْ الحَيَّة الِّي فِيهْ الكُلْ.

الرُّؤْيَا 8:10

ونْفَخْ المَلَاكْ الثَّالِثْ فِي بُوقُو يَاخِي طَاحِتْ مِالسْمَاء نِجْمَة كْبِيرَة كَايِنْهَا مِشْعَلْ مِنْ نَارْ، وطَاحِتْ عْلَى ثْلُثْ الوِدْيَانْ وعْيُونْ المَاء.

الرُّؤْيَا 8:12

ونْفَخْ المَلَاكْ الرَّابَعْ فِي بُوقُو، يَاخِي تِضْرَبْ ثْلُثْ الشَّمْسْ وثْلُثْ الڨَمْرَة وثْلُثْ النْجُومْ، حَتَّى لِينْ ظَلِّمْ ثْلُثْ ضَوْهُمْ، ووَلَّى ثْلُثْ النْهَارْ ظْلَامْ وثْلُثْ اللِّيلْ زَادَا.

الرُّؤْيَا 8:7

نْفَخْ المَلَاكْ الأُوِّلْ فِي بُوقُو يَاخِي هْبَطْ عَالأَرْضْ تَبْرُورِي ونَارْ مْخَلْطِينْ بِالدَّمْ، وتِحْرَقْ ثْلُثْ الأَرْضْ وثْلُثْ الشْجَرْ والحْشِيشْ الأَخْضِرْ الكُلْ.

الرُّؤْيَا 9:15

وتْسَيْبُوا المْلَايْكَة الأَرْبْعَة الِّي كَانُوا مُسْتْعَدِّينْ لِلسَّاعَة واليُومْ والشْهَرْ والعَامْ، بَاشْ يُقْتْلُوا ثْلُثْ البَشَرْ.

الرُّؤْيَا 9:18

ومَاتُوا ثْلُثْ النَّاسْ بِالبْلَاوَاتْ الثْلَاثَة الخَارْجَة مِنْ أَفَّامْ الحْصُنَّة: النَّارْ والدُّخَّانْ والكِبْرِيتْ.