الرُّؤْيَا 8:3 - العهد الجديد بالدارجة التونسية 2022

³ وجَاء مَلَاكْ آخِرْ هَازِزْ مَبْخْرَة ذْهَبْ ووْقِفْ بَحْذَا المَذْبَحْ، وتِعْطَالُو بَرْشَة بْخُورْ بَاشْ يْقَدْمُو مْعَ صْلَاوَاتْ القِدِّيسِينْ عْلَى مَذْبَحْ الذَهَّبْ الِّي قُدَّامْ العَرْشْ.

الرُّؤْيَا 8:3 ပူးပေါင်းရင်းမြစ်များ

لُوقَا 1:10

والشَّعْبْ الكُلْ كَانْ لْبَرَّة يْصَلِّي وَقْتْ حَرْقَانْ البْخُورْ.

رُومَا 8:34

وشْكُونْ الِّي يْنَجِّمْ يُحْكُمْ عْلِينَا؟ رَاهُو يَسُوعْ المَسِيحْ مَاتْ وزَادَا قَامْ مِالمُوتْ، وهُوَّ عْلَى يْمِينْ اللَّهْ، يِشْفَعْ فِينَا.

العِبْرَانِيِّينْ 7:25

هَاذَاكَا عْلَاشْ هُوَّ قَادِرْ يْنَجِّي بِالكَامِلْ الِّي يِتْقَرْبُوا بِيهْ لِلَّهْ، عْلَى خَاطْرُو دِيمَا حَيْ بَاشْ يِشْفَعْ فِيهُمْ.

العِبْرَانِيِّينْ 9:4

وفِيهَا المَبْخْرَة الذْهَبْ، وصَنْدُوقْ العَهْدْ المْغَلِّفْ بِالذْهَبْ، وفِي الصَّنْدُوقْ فَمَّة جَرَّة ذْهَبْ فِيهَا المَنْ، وعْصَاةْ هَارُونْ الِّي نَبْتِتْ أَوْرَاقْ، ولَوْحْتِينْ حْجَرْ مَكْتُوبْ عْلِيهُمْ وْصَايَا العَهْدْ.

الرُّؤْيَا 10:1

ومْبَعِّدْ شُفْتْ مَلَاكْ آخِرْ قْوِيْ هَابِطْ مِالسْمَاء مَلْفُوفْ بْغِيمَة، وفُوقْ رَاسُو قَوْسْ قُزَحْ، ووِجْهُو كِيفْ الشَّمْسْ، وسَاقِيهْ كِي زُوزْ عْرُصْ نَارْ،

الرُّؤْيَا 14:18

ومْبَعِّدْ، خْرَجْ مَلَاكْ آخِرْ مِالمَذْبَحْ عَنْدُو سُلْطَة عَالنَّارْ، وعَيِّطْ بْصُوتْ عَالِي لِلْمَلَاكْ الِّي عَنْدُو المِنْجِلْ المَاضِي وقَالْ: «هِزْ مِنْجْلِكْ المَاضِي وأَحْصِدْ عْنَاقِدْ عْنِبْ الأَرْضْ، رَاهُو عْنِبْهَا طَابْ».

الرُّؤْيَا 5:8

ووَقْتِلِّي خْذَا الكْتَابْ، سِجْدُوا المَخْلُوقَاتْ الأَرْبْعَة والشْيُوخْ الـ24 قُدَّامْ الخَرُوفْ. وكَانْ كُلْ وَاحِدْ فِيهُمْ عَنْدُو قِيثَارَة وكِيسَانْ ذْهَبْ مِلْيَانِينْ بِالبْخُورْ، الِّي هُوَّ صْلَاوَاتْ القِدِّيسِينْ.

الرُّؤْيَا 6:9

وكِي حَلْ الخَرُوفْ الخِتْمْ الخَامِسْ، شُفْتْ تَحْتْ المَذْبَحْ أَرْوَاحْ الِّي تْقَتْلُوا عْلَى خَاطِرْ كِلْمِةْ اللَّهْ، ولِّي شِهْدُوا بِيهْ.

الرُّؤْيَا 7:2

ومْبَعِّدْ شُفْتْ مَلَاكْ آخِرْ جَايْ مِالشَّرْقْ هَازِزْ خِتْمْ اللَّهْ الحَيْ، وعَيِّطْ بْصُوتْ عَالِي لِلأَرْبْعَة مْلَايْكَة الِّي مِتْكَلْفِينْ بَاشْ يْضُرُّوا البَرْ والبْحَرْ،

الرُّؤْيَا 8:4

يَاخِي طْلَعْ مِنْ يِدْ المَلَاكْ دُخَّانْ البْخُورْ ومْعَاهْ صْلَاوَاتْ القِدِّيسِينْ قُدَّامْ اللَّهْ.

الرُّؤْيَا 8:5

ومْبَعِّدْ هَزْ المَلَاكْ المَبْخْرَة، وعَبَّاهَا بِجْمَرْ مِالمَذْبَحْ، ورْمَاهَا عَالأَرْضْ، يَاخِي صَارِتْ أَصْوَاتْ وبَرْشَة بْرَقْ ورْعَدْ وزْلَازِلْ.

الرُّؤْيَا 9:13

ونْفَخْ المَلَاكْ السَّادِسْ فِي بُوقُو، وسْمَعْتْ صُوتْ خَارِجْ مِالأَرْبْعَة ڨْرُونْ مْتَاعْ مَذْبَحْ الذْهَبْ الِّي قُدَّامْ اللَّهْ،