الرُّؤْيَا 8:10 - العهد الجديد بالدارجة التونسية 2022

¹⁰ ونْفَخْ المَلَاكْ الثَّالِثْ فِي بُوقُو يَاخِي طَاحِتْ مِالسْمَاء نِجْمَة كْبِيرَة كَايِنْهَا مِشْعَلْ مِنْ نَارْ، وطَاحِتْ عْلَى ثْلُثْ الوِدْيَانْ وعْيُونْ المَاء.

الرُّؤْيَا 8:10 ပူးပေါင်းရင်းမြစ်များ

مَتَّى 25:1

«فِي الوَقْتْ هَاذَاكَا، تْشَبَّهْ مَمْلَكْةْ السْمَاوَاتْ لْعَشْرَة ضْيُوفْ صْبَايَا هَزُّوا فْنَارَاتْهُمْ ومْشَاوْ بَاشْ يْعَرْضُوا لِلْعْرُوسْ.

لُوقَا 10:18

يَاخِي قَالِلْهُمْ: «شُفْتْ الشِّيطَانْ طَايَحْ مِالسْمَاء كِيمَا البْرَقْ.

يَهُوذَا 1:13

يِطْلَعْ مِنْهُمْ العَارْ كِيمَا مُوجْ البْحَرْ الهَايِجْ يْطَلَّعْ الوْسَخْ. هُومَا كِيمَا نْجُومْ ضَايْعَة فِي السْمَاء، مْصِيرْهَا فِي قَلْبْ الظْلَامْ لِلْأَبَدْ.

الرُّؤْيَا 1:20

وهَاذَا هُوَّ سِرْ السَّبْعَة نْجُومْ الِّي شُفْتْهَا فِي يِدِّي اليْمِينْ والسَّبْعَة فْنَارَاتْ الذْهَبْ: السَّبْعَة نْجُومْ هُومَا مْلَايِكْةْ الكْنَايِسْ السَّبْعَة، والسَّبْعَة فْنَارَاتْ هُومَا الكْنَايِسْ السَّبْعَة بِيدْهَا».

الرُّؤْيَا 12:4

جْبِدْ بْذِيلُو ثْلُثْ نْجُومْ السْمَاء، ورْمَاهُمْ عَالأَرْضْ. ووْقِفْ التِّنِّينْ قُدَّامْ المْرَا الِّي شَادْهَا الحِسْ بَاشْ يِبْلَعْ صْغِيرْهَا دُوبْ مَا يِتْوْلِدْ.

الرُّؤْيَا 14:7

وقَالْ بْصُوتْ عَالِي: «خَافُوا اللَّهْ ومَجْدُوهْ، خَاطِرْ جَاتْ سَاعِةْ الحْسَابْ. إِسْجْدُوا لِلِّي خْلَقْ السْمَاء والأَرْضْ والبْحَرْ وعْيُونْ المَاء».

الرُّؤْيَا 16:4

وصَبْ المَلَاكْ الثَّالِثْ كَاسُو فِي الوِدْيَانْ وعْيُونْ المَاء، يَاخِي وَلَّاوْ الكُلْهُمْ دَمْ.

الرُّؤْيَا 6:13

وبْدَاتْ نْجُومْ السْمَاء اطِّيحْ عَالأَرْضْ، كِيمَا يْطِيحْ الكَرْمُوسْ مِالشَّجْرَة وَقْتِلِّي تْهِبْ رِيحْ قْوِيَّة،

الرُّؤْيَا 8:7

نْفَخْ المَلَاكْ الأُوِّلْ فِي بُوقُو يَاخِي هْبَطْ عَالأَرْضْ تَبْرُورِي ونَارْ مْخَلْطِينْ بِالدَّمْ، وتِحْرَقْ ثْلُثْ الأَرْضْ وثْلُثْ الشْجَرْ والحْشِيشْ الأَخْضِرْ الكُلْ.

الرُّؤْيَا 9:1

ونْفَخْ المَلَاكْ الخَامِسْ فِي بُوقُو، وشُفْتْ نِجْمَة طَايْحَة مِالسْمَاء لِلْأَرْضْ، وتِعْطَالْهَا مِفْتَاحْ بِيرْ الهَاوْيَة.

الرُّؤْيَا 9:15

وتْسَيْبُوا المْلَايْكَة الأَرْبْعَة الِّي كَانُوا مُسْتْعَدِّينْ لِلسَّاعَة واليُومْ والشْهَرْ والعَامْ، بَاشْ يُقْتْلُوا ثْلُثْ البَشَرْ.

الرُّؤْيَا 9:18

ومَاتُوا ثْلُثْ النَّاسْ بِالبْلَاوَاتْ الثْلَاثَة الخَارْجَة مِنْ أَفَّامْ الحْصُنَّة: النَّارْ والدُّخَّانْ والكِبْرِيتْ.