الرُّؤْيَا 4:6 - العهد الجديد بالدارجة التونسية 2022

⁶ وقُدَّامْ العَرْشْ فَمَّة كِيمَا البْحَرْ، شَفَّافْ كَايِنُّو بِلَّارْ، وفِي وِسْطْ العَرْشْ ودَايِرْ بِيهْ أَرْبْعَة مَخْلُوقَاتْ مْعَبِّينْ بِالعِينِينْ مِنْ قُدَّامْ ومِنْ تَالِي:

الرُّؤْيَا 4:6 ပူးပေါင်းရင်းမြစ်များ

الرُّؤْيَا 14:3

وكَانُوا يْرَنْمُوا فِي تَرْنِيمَة جْدِيدَة قُدَّامْ العَرْشْ وقُدَّامْ المَخْلُوقَاتْ الحَيَّة الأَرْبْعَة وقُدَّامْ الشْيُوخْ. وحَتَّى حَدْ مَا نَجِّمْ يِتْعَلَّمْ التَّرْنِيمَة هَاذِيكَا كَانْ الـ144 000 الِّي تِفْدَاوْ مِالأَرْضْ.

الرُّؤْيَا 15:2

وشُفْتْ زَادَا حَاجَة تْشَبَّهْ لِبْحَرْ مِنْ بِلَّارْ مْخَلِّطْ بِالنَّارْ، وَاقْفِينْ عْلِيهْ النَّاسْ الِّي غِلْبُوا الوَحْشْ وتِمْثَالُو ورَقْمْ إِسْمُو، وهَازِّينْ فِي يْدِيهُمْ قِيثَارَاتْ اللَّهْ،

الرُّؤْيَا 15:7

وعْطَى وَاحِدْ مِالمَخْلُوقَاتْ الحَيَّة الأَرْبْعَة سَبْعَة كِيسَانْ ذْهَبْ لِلْمْلَايْكَة السَّبْعَة، كِيسَانْ مِلْيَانِينْ بْغَضَبْ اللَّهْ الحَيْ لْأَبَدْ الآبِدِينْ.

الرُّؤْيَا 19:4

وهَبْطُوا الـ24 شِيخْ والمَخْلُوقَاتْ الحَيَّة الأَرْبْعَة عْلَى رْكَايِبْهُمْ وسِجْدُوا لِلَّهْ القَاعِدْ عَالعَرْشْ وهُومَا يْقُولُوا: «آمِينْ. هَلِّلُويَا!».

الرُّؤْيَا 21:11

تِضْوِي بْمَجْدْ اللَّهْ، وتِلْمَعْ كِي الحْجَرْ الكْرِيمْ وتْشَبَّهْ لِلْيَشْبْ الصَّافِي كِي البِلَّارْ،

الرُّؤْيَا 21:18

المْدِينَة كَانِتْ مِبْنِيَّة بِالذْهَبْ الخَالِصْ كَايِنُّو بِلَّارْ صَافِي، وسُورْهَا كَانْ مِاليَشْبْ.

الرُّؤْيَا 21:21

والأَثْنَاشِنْ بَابْ كَانُوا أَثْنَاشِنْ كَعْبَة لُولِي، كُلْ بَابْ مَصْنُوعْ مِنْ كَعْبَة وَحْدَة. وسَاحِةْ المْدِينَة ذْهَبْ صَافِي كِيمَا البِلَّارْ الشَّفَّافْ.

الرُّؤْيَا 22:1

ومْبَعِّدْ وَرَّانِي المَلَاكْ وَادْ مَاء الحَيَاةْ صَافِي كِي البِلَّارْ، المَنْبَعْ مْتَاعُو عَرْشْ اللَّهْ والخَرُوفْ،

الرُّؤْيَا 4:4

وكَانْ دَايِرْ بِالعَرْشْ 24 عَرْشْ، قَاعْدِينْ عْلِيهُمْ 24 شِيخْ، لَابْسِينْ لِبْسَة بِيضَة وعْلَى رُوسْهُمْ تِيجَانْ ذْهَبْ.

الرُّؤْيَا 5:11

وبَعْدْ خْزَرْتْ، وسْمَعْتْ أَصْوَاتْ بَرْشَة مْلَايْكَة دَايْرِينْ بِالعَرْشْ وبِالمَخْلُوقَاتْ الأَرْبْعَة والشْيُوخْ، وعْدَدْهُمْ كَانْ بِالمْلَايِنْ، مَا يِتْحِسْبُوشْ مِنْ كُثْرِتْهُمْ،

الرُّؤْيَا 5:14

والمَخْلُوقَاتْ الأَرْبْعَة جَاوْبُوا: «آمِينْ!» والشْيُوخْ رَكْعُوا وسِجْدُوا.

الرُّؤْيَا 5:6

وبَعْدْ شُفْتْ خَرُوفْ فِي الوِسْطْ، مَا بِينْ العَرْشْ والمَخْلُوقَاتْ الأَرْبْعَة والشْيُوخْ، وَاقِفْ كَايِنُّو مَذْبُوحْ. عَنْدُو سَبْعَة ڨْرُونْ وسَبْعَة عِينِينْ الِّي هُومَا أَرْوَاحْ اللَّهْ السَّبْعَة الِّي بْعَثْهُمْ لِلْأَرْضْ الكُلْ.

الرُّؤْيَا 5:8

ووَقْتِلِّي خْذَا الكْتَابْ، سِجْدُوا المَخْلُوقَاتْ الأَرْبْعَة والشْيُوخْ الـ24 قُدَّامْ الخَرُوفْ. وكَانْ كُلْ وَاحِدْ فِيهُمْ عَنْدُو قِيثَارَة وكِيسَانْ ذْهَبْ مِلْيَانِينْ بِالبْخُورْ، الِّي هُوَّ صْلَاوَاتْ القِدِّيسِينْ.

الرُّؤْيَا 6:1

وشُفْتْ الخَرُوفْ يْحِلْ فِي أَوِّلْ خِتْمْ مِالخْتُومْ السَّبْعَة، وسْمَعْتْ وَاحِدْ مِالمَخْلُوقَاتْ الأَرْبْعَة يْقُولْ بْصُوتْ كِيفْ الرْعَدْ: «إِيجَا شُوفْ!»

الرُّؤْيَا 6:6

وسْمَعْتْ كِيمَا صُوتْ خَارِجْ مِنْ بِينْ المَخْلُوقَاتْ الأَرْبْعَة يْقُولْ: «حَفْنِةْ قَمْحْ بْحَقْ نْهَارْ خِدْمَة، وثْلَاثَة حَفْنَاتْ شْعِيرْ بْنَفْسْ السُّومْ، آمَا الزِّيتْ والشْرَابْ مَا تْفَسَّدْهُمْشْ».

الرُّؤْيَا 7:11

ودَارُوا المْلَايْكَة الكُلْ بِالعَرْشْ ومْعَاهُمْ الشْيُوخْ والمَخْلُوقَاتْ الأَرْبْعَة، ورَكْعُوا قُدَّامْ العَرْشْ وسِجْدُوا لِلَّهْ،

الرُّؤْيَا 7:17

عْلَى خَاطِرْ الخَرُوفْ الِّي فِي وِسْطْ العَرْشْ يِتْلْهَى بِيهُمْ كِيمَا الرَّاعِي، ويْوَصَّلْهُمْ لِعْيُونْ المَاء الحَيْ، واللَّهْ بِشْ يِمْسَحْ كُلْ دَمْعَة مِنْ عِينِيهُمْ».