الرُّؤْيَا 22:5 - العهد الجديد بالدارجة التونسية 2022

⁵ ومَا عَادِشْ بِشْ يْكُونْ فَمَّة لِيلْ، ومُشْ بِشْ يِسْتْحَقُّوا لْضَوْء فْنَارْ وَلَّا شَمْسْ، عْلَى خَاطِرْ الرَّبْ الإِلَاهْ يْضَوِّي عْلِيهُمْ. وهُومَا بِشْ يِمْلْكُوا لْأَبَدْ الآبِدِينْ.

الرُّؤْيَا 22:5 ပူးပေါင်းရင်းမြစ်များ

مَتَّى 19:28

جَاوِبْ يَسُوعْ: «نْقُلْكُمْ الحَقْ: فِي زْمَانْ تَجْدِيدْ كُلْ شَيْ، وَقْتِلِّي إِبْنْ الإِنْسَانْ يُقْعُدْ عْلَى عَرْشْ مَجْدُو، إِنْتُومَا زَادَا الِّي تَبَّعْتُونِي بِشْ تُقْعْدُوا عْلَى أَثْنَاشِنْ عَرْشْ وتُحْكْمُوا عْلَى قَبَائِلْ بَنِي إِسْرَائِيلْ الأَثْنَاشْ.

مَتَّى 25:34

ومْبَعِّدْ يْقُولْ المَلِكْ لِلِّي عْلَى يْمِينُو: "إِيجَاوْ، يَلِّي بَارِكْكُمْ بَابَا، أُورْثُوا المَمْلْكَة الِّي تْحَضْرِتِّلْكُمْ مِلِّي تْخَلْقِتْ الدِّنْيَا،

مَتَّى 25:46

وهَاذُوكُمْ يِمْشِيوْ لِلْعْذَابْ الِّي مَا يُوفَاشْ، والصَّالْحِينْ يِمْشِيوْ لِلْحَيَاةْ الأَبَدِيَّة».

رُومَا 5:17

إِذَا كَانْ بْخَطِيئِةْ إِنْسَانْ وَاحِدْ سَيْطِرْ المُوتْ عَالنَّاسْ الكُلْ بِسْبَبْ الإِنْسَانْ الوَاحِدْ هَاذَاكَا، مَالَا تَوَّا، الِّي رَدْهُمْ اللَّهْ صَالْحِينْ بْنِعْمْتُو العْظِيمَة، بِشْ يْعِيشُوا ويِمْلْكُوا عْلَى طْرِيقْ إِنْسَانْ وَاحِدْ، الِّي هُوَّ يَسُوعْ المَسِيحْ.

تِيمُوثَاوُسْ الثَّانْيَة 2:12

وإِذَا تْحَمَّلْنَا، بِشْ نِمْلْكُوا مْعَاهْ، وإِذَا نْكَرْنَاهْ هُوَّ زَادَا بِشْ يُنْكُرْنَا.

الرُّؤْيَا 11:15

ونْفَخْ المَلَاكْ السَّابَعْ فِي بُوقُو، وتْسَمْعِتْ أَصْوَاتْ عَالْيَة فِي السْمَاء تْقُولْ: «مُلْكْ العَالِمْ وَلَّى لْرَبْنَا ومَسِيحُو. هُوَّ بِشْ يِمْلِكْ لْأَبَدْ الآبِدِينْ».

الرُّؤْيَا 18:23

ضَوْء الفْنَارْ مَا عَادِشْ بِشْ يِضْوِي فِيكْ. وصُوتْ عْرِيسْ وعْرُوسَة مَا عَادِشْ بِشْ يِتْسْمَعْ فِيكْ. عْلَى خَاطِرْ تُجَّارِكْ كَانُوا أَعْظِمْ نَاسْ فِي الأَرْضْ، والأُمَمْ الكُلْ تْغَرُّوا بْسِحْرِكْ.

الرُّؤْيَا 20:4

ومْبَعِّدْ شُفْتْ عْرُوشْ، وتِعْطَاتْ لِلِّي قَاعْدِينْ عْلِيهُمْ السُّلْطَة بَاشْ يُحْكْمُوا. ورِيتْ زَادَا نْفُوسْ الِّي تْقَتْلُوا عْلَى خَاطِرْ شْهَادِتْهُمْ لْيَسُوعْ وعْلَى خَاطِرْ كِلْمِةْ اللَّهْ ولِّي مَا سِجْدُوشْ لِلْوَحْشْ وتِمْثَالُو ومَا قِبْلُوشْ أَمَارْتُو عْلَى جْبِينْهُمْ ويْدِيهُمْ. هَاذُوكُمْ رَجْعُوا حَيِّينْ ومِلْكُوا مْعَ المَسِيحْ 1 000 سْنَة.

الرُّؤْيَا 20:6

صَحَّة لِيهُمْ الِّي عَنْدْهُمْ بَايْ فِي القْيَامَة الأُولَى! وقَدَّاشْ هُومَا مِتْقَدْسِينْ! ومُشْ بِشْ يْكُونْ لِلْمُوتْ الثَّانِي سُلْطَة عْلِيهُمْ، آمَا بِشْ يْكُونُوا كَهَنَة لِلَّهْ والمَسِيحْ ويِمْلْكُوا مْعَاهْ 1 000 سْنَة.

الرُّؤْيَا 21:11

تِضْوِي بْمَجْدْ اللَّهْ، وتِلْمَعْ كِي الحْجَرْ الكْرِيمْ وتْشَبَّهْ لِلْيَشْبْ الصَّافِي كِي البِلَّارْ،

الرُّؤْيَا 3:21

الِّي يِغْلِبْ بِشْ نْقَعْدُو مْعَايَا عْلَى عَرْشِي، كِيمَا غْلِبْتْ آنَا وقْعَدْتْ مْعَ بَابَا عْلَى عَرْشُو.