الرُّؤْيَا 2:9 - العهد الجديد بالدارجة التونسية 2022

⁹ آنَا نَعْرِفْ الِّي تْقَاسِي فِيهْ مِنْ ضِيقْ وفَقْرْ، وإِنْتِ فِي الحْقِيقَة غْنِيْ. ونَعْرِفْ كِيفَاشْ يِتْبَلَّاوْ عْلِيكْ الجْمَاعَة الِّي يْقُولُوا عْلَى رْوَاحْهُمْ يْهُودْ آمَا هُومَا مَاهُمْشْ يْهُودْ: هُومَا مَجْمَعْ الشِّيطَانْ.

الرُّؤْيَا 2:9 ပူးပေါင်းရင်းမြစ်များ

مَتَّى 4:10

يَاخِي جَاوْبُو يَسُوعْ: «إِبْعِدْ عْلِيَّا يَا شِيطَانْ! عْلَى خَاطِرْ مَكْتُوبْ فِي الكْتُبْ المُقَدْسَة: "إِسْجِدْ لِلرَّبْ إِلَاهِكْ، واعْبْدُو هُوَّ وَحْدُو"».

لُوقَا 12:21

وهَاذَا حَالْ الِّي يِكْنِزْ لْرُوحُو، ومَا يْكُونِشْ غْنِيْ لِلَّهْ».

لُوقَا 22:65

وقَعْدُوا يْسِبُّوا فِيهْ إِبَّرْشَة كْلَامْ خَايِبْ.

لُوقَا 4:18

«رُوحْ الرَّبْ عْلِيَّا، عْلَى خَاطْرُو إِخْتَارْنِي بَاشْ نْبَشِّرْ المْسَاكِنْ، وبْعَثْنِي بَاشْ انَّادِي لِلْمَرْبُوطِينْ بِالحُرِّيَة، والعِمْيَانْ يْوَلِّيوْ يْشُوفُوا، ونْحَرِّرْ المَظْلُومِينْ،

لُوقَا 6:20

وهَزْ يَسُوعْ عِينِيهْ وخْزَرْ لِتْلَامِذْتُو وقَالْ: «صَحَّة لِيكُمْ يَا مْسَاكِنْ، عْلَى خَاطِرْ مَمْلَكْةْ اللَّهْ هِيَّ لِيكُمْ.

يُوحَنَّا 16:33

قُلْتِلْكُمْ الكْلَامْ هَاذَا بَاشْ يْوَلِّي عَنْدْكُمْ السَّلَامْ فِيَّا. فِي العَالِمْ بِشْ تْعَانِيوْ مِالمْحَايِنْ، آمَا تْشَجْعُوا، رَانِي آنَا غْلِبْتْ العَالِمْ».

أَعْمَالْ 14:22

وكَانُوا يْقَوِّيوْ فِي عَزِيمِةْ التْلَامْذَة ويْشَجْعُوا فِيهُمْ بَاشْ يِثْبْتُوا فِي الإِيمَانْ ويْقُولُولْهُمْ: «لَازِمْ نْعَانِيوْ ونِتْعَذْبُوا بَاشْ نُدْخْلُوا لْمَمْلَكْةْ اللَّهْ».

أَعْمَالْ 26:11

وعَذَّبْتْهُمْ بَرْشَة فِي المْعَابِدْ الكُلْ فَمَّاشْ مَا يَكْفْرُوا، وكُنْتْ نَاقِمْ عْلِيهُمْ لْدَرْجِة إِنِّي وَلِّيتْ شَادِدْ جُرِّتْهُمْ حَتَّى لْبَرَّا مِالبْلَادْ».

رُومَا 12:12

إِفْرْحُوا فِي الرْجَى، أُصْبْرُوا فِي الضِّيقْ، ودَاوْمُوا عَالصَّلَاةْ.

رُومَا 2:17

وإِنْتِ، الِّي تْسَمِّي فِي رُوحِكْ يْهُودِي، ومْعَمِّلْ عَالشَّرِيعَة وتِتْفُوخِرْ بِاللَّهْ،

رُومَا 5:3

وأَكْثِرْ مِنْ هَكَّا، نِفْرْحُوا زَادَا فِي أَوْقَاتْ الضِّيقْ، عْلَى خَاطِرْ نَعْرْفُوا الِّي الضِّيقْ يْعَلَّمْنَا الصَّبْرْ.

رُومَا 8:35

شْكُونْ بِشْ يُفْصُلْنَا عْلَى مْحَبِّةْ المَسِيحْ؟ زَعْمَة الشْقَى وَلَّا الضِّيقْ وَلَّا الإِضْطِهَادْ وَلَّا الجُوعْ وَلَّا العْرَى وَلَّا الخْطَرْ وَلَّا السِّيفْ؟

رُومَا 9:6

وهَاذَا مُشْ مَعْنَاهْ الِّي وَعْدْ اللَّهْ مَا تَمِّشْ. عْلَى خَاطِرْ مُشْ كُلْ بَنِي إِسْرَائِيلْ هُومَا شَعْبْ اللَّهْ بِالحَقْ،

كُورِنْثُوسْ الثَّانْيَة 6:10

حْزَانَى وأَحْنَا دِيمَا فَرْحَانِينْ، فْقَارَى وأَحْنَا نِغْنِيوْ بَرْشَة نَاسْ، مَا عَنَّا حَتَّى شَيْ وأَحْنَا نِمْلْكُوا كُلْ شَيْ.

كُورِنْثُوسْ الثَّانْيَة 8:2

رَغْمِلِّي كَانُوا فِي مِحْنَة صْعِيبَة، فَرْحِتْهُمْ الكْبِيرَة وفَقْرْهُمْ خَلَّاوْهُمْ يَعْطِيوْ بْكَرَمْ كْبِيرْ.

كُورِنْثُوسْ الثَّانْيَة 8:9

وإِنْتُومَا تَعْرْفُوا نِعْمِةْ رَبْنَا يَسُوعْ المَسِيحْ: كِيفَاشْ هُوَّ الغْنِيْ وَلَّى فْقِيرْ عْلَى خَاطِرْكُمْ، بَاشْ إِنْتُومَا تِسْتَغْنَاوْ بْفَقْرُو.

تْسَالُونِيكِي الأُولَى 3:4

ووَقْتِلِّي كُنَّا بَحْذَاكُمْ قُلْنَالْكُمْ الِّي أَحْنَا بِشْ نْعَانِيوْ، وكِيمَا تَعْرْفُوا، هَاذَاكَا هُوَّ الِّي صَارْ.

تِيمُوثَاوُسْ الأُولَى 1:13

آنَا الِّي قْبَلْ كْفَرْتْ بِيهْ وجِيتْ ضِدُّو وسَبِّيتُو، آمَا اللَّهْ رْحَمْنِي عْلَى خَاطِرْ مَا كَانِشْ عَنْدِي إِيمَانْ ومَا كُنْتِشْ وَاعِي بِلِّي نَعْمِلْ فِيهْ،

تِيمُوثَاوُسْ الأُولَى 6:18

ووَصِّيهُمْ بَاشْ يَعْمْلُوا الخِيرْ، ويْكُونُوا غْنِيِّينْ بِأَعْمَالْهُمْ الصَّالْحَة، وكُرَمَاءْ ويْشَارْكُوا غِيرْهُمْ بْخِيرَاتْهُمْ.

الرُّؤْيَا 1:9

آنَا يُوحَنَّا، خُوكُمْ وشْرِيكُّمْ فِي المِحْنَة وفِي المَمْلْكَة والثَّبَاتْ فِي يَسُوعْ، كُنْتْ مِنْفِي فِي الجَزِيرَة الِّي إِسْمْهَا بَطْمُسْ، عْلَى خَاطِرْنِي شْهِدِتْ لْكِلْمِةْ اللَّهْ ولْيَسُوعْ.

الرُّؤْيَا 2:13

آنَا نَعْرِفْ الِّي إِنْتِ تُسْكُنْ وِينْ عَرْشْ الشِّيطَانْ. آمَا إِنْتِ شَدِّيتْ فِيَّا صْحِيحْ ومَا نْكَرْتِشْ إِيمَانِكْ بِيَّا حَتَّى فِي الأَيَّامَاتْ الِّي تِقْتَلْ فِيهَا أَنْتِيبَاسْ، الِّي شْهِدْلِي بْأَمَانَة ولِّي تِقْتَلْ فِي وِسْطْكُمْ، وِينْ يُسْكُنْ الشِّيطَانْ.

الرُّؤْيَا 2:2

آنَا نَعْرِفْ أَعْمَالِكْ وتَعْبِكْ وصَبْرِكْ، ونَعْرِفْ الِّي إِنْتِ مَا تِحْمِلْشْ النَّاسْ الِّي تَعْمِلْ فِي الشَّرْ، وجَرَّبْتْ الِّي يْسَمِّيوْ فِي رْوَاحْهُمْ رُسُلْ، وظْهُرْ الِّي هُومَا يِكْذْبُوا ومَاهُمْشْ رُسُلْ.

الرُّؤْيَا 2:24

«"آمَا إِنْتُومَا البْقِيَّة الِّي فِي ثِيَاتِيرَا، الِّي مَا تَبَّعْتُوشْ التَّعْلِيمْ هَاذَا، ومَا تْعَلَّمْتُوشْ الِّي يْسَمِّيوِهْ أَسْرَارْ الشِّيطَانْ الكْبِيرَة، رَانِي نْقُلْكُمْ الِّي مَانِيشْ بِشْ نْحُطْ عْلِيكُمْ حْمِلْ آخِرْ.

الرُّؤْيَا 3:9

آمَا الِّي هُومَا مِنْ مَجْمَعْ إِبْلِيسْ، ومْسَمِّينْ رْوَاحْهُمْ يْهُودْ وهُومَا يِكْذْبُوا، بِشْ نْخَلِّيهُمْ يْجِيوْ ويِسْجْدُوا قُدَّامْ سَاقِيكْ، ويَعْرْفُوا الِّي آنَا حَبِّيتِكْ.

الرُّؤْيَا 7:14

جَاوِبْتُو: «يَا سِيدِي، إِنْتِ تَعْرِفْ». يَاخِي قَلِّي: «هَاذُومَا الِّي جَاوْ مِالمِحْنَة العْظِيمَة، ولِّي غَسْلُوا جْبَايِبْهُمْ ورَدُّوهُمْ بْيُضْ بْدَمْ الخَرُوفْ.