الرُّؤْيَا 2:25 - العهد الجديد بالدارجة التونسية 2022

²⁵ آمَا خَلِّيكُمْ شَادِّينْ صْحِيحْ فِلِّي عَنْدْكُمْ حَتَّى لِينْ نْجِي.

الرُّؤْيَا 2:25 ပူးပေါင်းရင်းမြစ်များ

يُوحَنَّا 14:3

وكِي نِمْشِي نْحَضْرِلْكُمْ بْلَاصَة، نِرْجَعْ ونْهِزْكُمْ، بَاشْ تْكُونُوا وِينْ مَا نْكُونْ آنَا.

أَعْمَالْ 11:28

وْقِفْ وَاحِدْ مِنْهُمْ إِسْمُو أَغَابُوسْ، وتْنَبَّأْ بِالرُّوحْ الِّي بِشْ تْصِيرْ مَجَاعَة كْبِيرَة فِي العَالِمْ الكُلْ. والمَجَاعَة هَاذِي صَارِتْ بِالحَقْ فِي زْمَانْ القَيْصِرْ كْلُودْيُوسْ.

رُومَا 12:9

المْحَبَّة يِلْزِمْهَا تْكُونْ صَادْقَة. أَكْرْهُوا الشَّرْ، وشِدُّوا صْحِيحْ فِي الخِيرْ.

كُورِنْثُوسْ الأُولَى 11:26

مَالَا كُلْ مَا تَاكْلُوا الخُبْزْ هَاذَا وتُشْرْبُوا الكَاسْ هَاذَا، تْخَبْرُوا بْمُوتْ الرَّبْ، حَتَّى لِينْ يْجِي.

كُورِنْثُوسْ الأُولَى 4:5

مَالَا مَا تُحْكْمُوا عْلَى حَتَّى شَيْ قْبَلْ الوَقْتْ، قْبَلْ مَا يْجِي الرَّبْ الِّي بِشْ يِكْشِفْ المْخُبِّي فِي الظْلَامْ، ويْظَهِّرْ نِيَّاتْ القْلُوبْ. وَقْتْهَا كُلْ وَاحِدْ يَاخُو المَدْحْ الِّي يِسْتْحَقُّو مِنْ عَنْدْ اللَّهْ.

تْسَالُونِيكِي الأُولَى 5:21

آمَا إِمْتَحْنُوا كُلْ شَيْ، وشِدُّوا فِي البَاهِي،

العِبْرَانِيِّينْ 10:23

وخَلِّينَا نْشِدُّوا صْحِيحْ فِي الرْجَى الِّي نِعْتَرْفُوا بِيهْ، عْلَى خَاطِرْ اللَّهْ الِّي وْعِدْ هُوَّ أَمِينْ.

العِبْرَانِيِّينْ 3:6

آمَا المَسِيحْ، هُوَّ أَمِينْ بْصِيفْتُو إِبْنْ مَسْؤُولْ عْلَى بِيتْ اللَّهْ. والبِيتْ هَاذَا هُوَّ أَحْنَا، هَاذَا إِذَا كَانْ شَدِّينَا صْحِيحْ فِي الثِّيقَة الِّي عَنْدْنَا والرْجَى الِّي نِتْفَخْرُوا بِيهْ.

العِبْرَانِيِّينْ 4:14

ومَادَامْ عَنْدْنَا كَاهِنْ كْبِيرْ، يَسُوعْ إِبْنْ اللَّهْ الِّي طْلَعْ ودْخَلْ السْمَاء، خَلِّينَا نْشِدُّوا صْحِيحْ فِي إِيمَانَّا الِّي نِشْهْدُوا بِيهْ.

بُطْرُسْ الثَّانْيَة 3:10

بِشْ يْجِي نْهَارْ الحْسَابْ كِيفْ السَّارِقْ، تِفْنَى فِيهْ السْمَاوَاتْ وكُلْ مَاهُو فِي العَالِمْ بِشْ يِتْحْرَقْ بِالنَّارْ، وتِدَّمِرْ الأَرْضْ بِلِّي فِيهَا

الرُّؤْيَا 1:7

هَاوْ جَايْ عَالسْحَابْ! وبِشْ تْشُوفُو كُلْ عِينْ، حَتَّى الِّي ضَرْبُوهْ بِالرُّمْحْ، وبِشْ تْنَوَّحْ عْلَى خَاطْرُو قْبَايِلْ الأَرْضْ الكُلْ. إِيْ نْعَمْ، آمِينْ.

الرُّؤْيَا 22:20

ولِّي يِشْهِدْ بِالأُمُورْ هَاذِي يْقُولْ: «إِيْ نْعَمْ! آنَا جَايْ فِيسَعْ». آمِينْ! إِيجَا يَا الرَّبْ يَسُوعْ!

الرُّؤْيَا 22:7

«هَانِي جَايْ فِيسَعْ! صَحَّة لِيهْ الِّي يَعْمِلْ بِكْلَامْ النُّبُوَّة الِّي فِي الكْتَابْ هَاذَا!».

الرُّؤْيَا 3:11

هَانِي جَايْ عْلَى قْرِيبْ، شِدْ صْحِيحْ فِلِّي عَنْدِكْ، بَاشْ حَتَّى حَدْ مَا يْفُكْلِكْ تَاجِكْ.

الرُّؤْيَا 3:3

تْذَكِّرْ الِّي تْعَلَّمْتُو وسْمَعْتُو مِنْ قْبَلْ، وشِدْ صْحِيحْ فِي الحَاجَاتْ هَاذِي الِّي أَمَّنْتْ بِيهَا وتُوبْ. رَاهُو كَانْ مَا تْكُونِشْ فَايِقْ، نْجِيكْ كِيمَا يْجِي السَّارِقْ، ومَاكِشْ بِشْ تَعْرِفْ السَّاعَة الِّي بِشْ نْجِيكْ فِيهَا.