الرُّؤْيَا 2:14 - العهد الجديد بالدارجة التونسية 2022

¹⁴ «"آمَا عَنْدِي عْلِيكْ لُومْ، عْلَى خَاطِرْ خَلِّيتْ عَنْدِكْ جْمَاعَة يْتَبْعُوا فِي تَعْلِيمْ بَلْعَامْ، الِّي وَرَّى المَلِكْ بَالَاقْ كِيفَاشْ يْحَصِّلْ بَنِي إِسْرَائِيلْ ويْخَلِّيهُمْ يَاكْلُوا مِالمَاكْلَة الِّي تِتْعْطَى لِلصْنَبْ، ويِزْنَاوْ،

الرُّؤْيَا 2:14 ပူးပေါင်းရင်းမြစ်များ

مَتَّى 18:7

يَا وِيلُو العَالِمْ مِالحَاجَاتْ الِّي تْخَلِّي النَّاسْ تُغْلُطْ! الغْلَطْ لَازِمْ بِشْ يْصِيرْ، آمَا يَا وِيلُو الِّي يْكُونْ هُوَّ السْبَبْ فِيهْ!

أَعْمَالْ 15:29

تْبَطْلُوا مَاكِلْةْ الذْبَايِحْ المَذْبُوحَة لِلصْنَبْ، والدَّمْ ولْحَمْ الحَيَوَانَاتْ المَخْنُوقَة والزْنَى. بَاهِي كَانْ تِبْعْدُوا عَالحَاجَاتْ هَاذِي. «وتَوَّا نْخَلِيوْكُمْ فِي وْدِيعِةْ رَبِّي».

أَعْمَالْ 21:25

آمَا الِّي أَمْنُوا وهُومَا مُشْ يْهُودْ، آهَاوْكَا بْعَثْنَالْهُمْ ووَصِّينَاهُمْ بَاشْ مَا يَاكْلُوشْ مِالذْبَايَحْ المَذْبُوحَة لِلأَصْنَامْ، الدَّمْ، لْحَمْ الحَيَوَانَاتْ المَخْنُوقَة، ويِبْعْدُوا عَالزْنَى».

رُومَا 11:9

ويْقُولْ دَاوِدْ: «يِجْعِلْ طَاوْلِتْهُمْ تْوَلِّيلْهُمْ مَصْيْدَة وشَبْكَة وحَجْرَة اطَّيَّحْهُمْ وعِقَابْ.

رُومَا 14:13

خَلِّينَا مَا عَادِشْ نُحْكْمُوا عْلَى بْعَضْنَا، بِالعَكْسْ نْقَرْرُوا بِشْ مَا نَعْمْلُوشْ حَاجَة تْخَلِّي وَاحِدْ مِنْ خْوَاتْنَا يَعْثِرْ وَلَّا يْطِيحْ،

رُومَا 14:21

ومِالأَحْسِنْ إِنِّكْ لَا تَاكِلْ لْحَمْ ولَا تُشْرِبْ شْرَابْ ولَا تَعْمِلْ أَيْ حَاجَة تْخَلِّي خُوكْ يِتْعَثِّرْ،

رُومَا 9:32

وعْلَاشْ؟ عْلَى خَاطِرْهُمْ مَا سْعَاوِشْ لِلصَّلَاحْ بِالإِيمَانْ، آمَا بِالأَعْمَالْ الِّي تُفْرُضْهَا الشَّرِيعَة، يَاخِي عَثْرُوا فِي الحَجْرَة الِّي تْعَثِّرْ،

كُورِنْثُوسْ الأُولَى 1:23

آمَا أَحْنَا نْبَشْرُوا بِالمَسِيحْ الِّي تِصْلَبْ. وهَاذَا عَنْدْ اليْهُودْ مُشْ مَقْبُولْ، وعَنْدْ الِّي مُشْ يْهُودْ مُشْ مَعْقُولْ،

كُورِنْثُوسْ الأُولَى 7:2

آمَا، بَاشْ مَا يْطِيحُوشْ فِي الزْنَى، خَلِّي كُلْ رَاجِلْ تْكُونْ عَنْدُو مَرْتُو وكُلْ مْرَا يْكُونْ عَنْدْهَا رَاجِلْهَا،

العِبْرَانِيِّينْ 13:4

إِحْتَرْمُوا الحْيَاةْ الزَّوْجِيَّة، وخَلِّيوْ العَلَاقَة الزَّوْجِيَّة تْكُونْ طَاهْرَة، رَاهُو اللَّهْ بِشْ يُحْكُمْ عَالفُجَّارْ والزَّانِينْ.

بُطْرُسْ الأُولَى 2:8

وهِيَّ زَادَا: «الحَجْرَة الِّي تْخَلِّيهُمْ يَعْثْرُوا، والصَّخْرَة الِّي تْخَلِّيهُمْ يْطِيحُوا». هُومَا يَعْثْرُوا عْلَى خَاطِرْ مَا يْطِيعُوشْ كِلْمِةْ اللَّهْ. وهَاذَا هُوَّ مَصِيرْهُمْ.

بُطْرُسْ الثَّانْيَة 2:15

خَلَّاوْ الطْرِيقْ المُسْتَقِيمْ، وضَاعُوا ومْشَاوْ فِي طْرِيقْ بَلْعَامْ وِلْدْ بَعُورْ الِّي عْمَلْ الشَّرْ عْلَى خَاطِرْ الفْلُوسْ،

يَهُوذَا 1:11

يَا وِيلْهُمْ! عْلَى خَاطِرْهُمْ مْشَاوْ فِي طْرِيقْ قَايِينْ وعَمْلُوا غَلْطِةْ بَلْعَامْ كِي طَمْعُوا فِي الفْلُوسْ، وتْمَرْدُوا كِيمَا قُورَحْ، يَاخِي إِدَّمْرُوا.

الرُّؤْيَا 2:20

«"آمَا عَنْدِي عْلِيكْ لُومْ ، إِنِّكْ مِتْسَاهِلْ مْعَ إِيزَابِيلْ المْرَا الِّي عَامْلَة رُوحْهَا نَبِيَّة، ومْخَلِّيهَا تْحَصِّلْ فِي خُدَّامِي وتْعَلَّمْ فِيهُمْ يِزْنَاوْ ويَاكْلُوا مِالمَاكْلَة الِّي تِتْعْطَى لِلصْنَبْ.

الرُّؤْيَا 2:4

«"آمَا نْلُومْ عْلِيكْ الِّي إِنْتِ سَلَّمْتْ فِي مْحَبْتِكْ الأُوْلَى.

الرُّؤْيَا 21:8

آمَا الجُبَنَاءْ ولِّي مُشْ مُؤْمْنِينْ والفُسَّادْ وقَتَّالِينْ الأَرْوَاحْ والفُجَّارْ والسَّحَّارَة ولِّي يِعْبْدُوا فِي الصْنَبْ والكَذَّابِينْ الكُلْ، بِشْ يْكُونْ مَصِيرْهُمْ البُحَيْرَة الشَّاعْلَة بِالنَّارْ والكِبْرِيتْ. وهَاذَا هُوَّ المُوتْ الثَّانِي».

الرُّؤْيَا 22:15

آمَا الكْلَابْ والسَّحَّارِينْ والفُجَّارْ وقَتَّالِينْ الأَرْوَاحْ ولِّي يِعْبْدُوا فِي الصْنَبْ وكُلْ الِّي يِكْذِبْ ويْحِبْ الكِذْبْ، هُومَا لْبَرَّة مِالمْدِينَة.