الرُّؤْيَا 19:1 - العهد الجديد بالدارجة التونسية 2022

¹ بَعْدْ هَاذَا، سْمَعْتْ صُوتْ عَالِي كَايِنُّو صُوتْ جُمْهُورْ كْبِيرْ فِي السْمَاء يْقُولْ: «هَلِّلُويَا! النْجَاةْ والمَجْدْ والقُدْرَة لْإِلَاهْنَا،

الرُّؤْيَا 19:1 ပူးပေါင်းရင်းမြစ်များ

مَتَّى 6:13

مَا ادَّخَّلْنَاشْ فِي تَجْرْبَة، آمَا نَجِّينَا مِالشِّرِيرْ. عْلَى خَاطِرْ لِيكْ المُلْكْ والقُوَّة والمَجْدْ، لِلْأَبَدْ. آمِينْ.

الرُّؤْيَا 11:15

ونْفَخْ المَلَاكْ السَّابَعْ فِي بُوقُو، وتْسَمْعِتْ أَصْوَاتْ عَالْيَة فِي السْمَاء تْقُولْ: «مُلْكْ العَالِمْ وَلَّى لْرَبْنَا ومَسِيحُو. هُوَّ بِشْ يِمْلِكْ لْأَبَدْ الآبِدِينْ».

الرُّؤْيَا 12:10

وبَعْدْ سْمَعْتْ صُوتْ عَالِي فِي السْمَاء يْقُولْ: «اليُومْ تَمِّتْ النْجَاةْ، القُوَّة والمُلْكْ لْإِلَاهْنَا، والسُّلْطَة لْمَسِيحُو، عْلَى خَاطِرْ الِّي كَانْ يِتْهِمْ فِي خْوَاتْنَا قُدَّامْ إِلَاهْنَا لِيلْ ونْهَارْ إِطَّيِّشْ.

الرُّؤْيَا 19:6

ومْبَعِّدْ سْمَعْتْ صُوتْ يْشَبَّهْ لْصُوتْ جُمْهُورْ كْبِيرْ، وَلَّا شَلَّالْ مَاءْ هَرْهَارْ، وَلَّا رْعَدْ قْوِيْ، يْقُولْ: «هَلِّلُويَا! المُلْكْ لِلرَّبْ الإِلَاهْ القَادِرْ عْلَى كُلْ شَيْ،