الرُّؤْيَا 18:6 - العهد الجديد بالدارجة التونسية 2022

⁶ أَعْمْلُوا مْعَاهَا كِيمَا عَمْلِتْ مْعَاكُمْ، وجَازِيوْهَا بْمَرْتِينْ قَدْ الِّي عَمْلِتُّو. وفِي الكَاسْ صَبِّتْ فِيهْ لِلْأُخْرِينْ، صُبُّولْهَا بَايْ مْتَاعْ إِثْنِينْ.

الرُّؤْيَا 18:6 ပူးပေါင်းရင်းမြစ်များ

تِيمُوثَاوُسْ الثَّانْيَة 4:14

إِسْكَنْدَرْ النَّحَّاسْ ضَرْنِي بَرْشَة، والرَّبْ بِشْ يْحَاسْبُو عْلَى عْمَايْلُو.

الرُّؤْيَا 13:10

الِّي مْصِيرُو الحَبْسْ بِشْ يِتْحْبِسْ، ولِّي مْصِيرُو السِّيفْ بِشْ يْمُوتْ بْسِيفْ! هْنَا يُظْهُرْ صَبْرْ القِدِّيسِينْ وإِيمَانْهُمْ.

الرُّؤْيَا 14:10

بِشْ يُشْرُبْ مِنْ شْرَابْ غَضَبْ اللَّهْ الِّي يْصُبْهُولُو شْرَابْ صَافِي فِي كَاسْ الغَضَبْ مْتَاعُو، وبِشْ يِتْعَذَّبْ بِالنَّارْ والكِبْرِيتْ قُدَّامْ المْلَايْكَة القِدِّيسِينْ والخَرُوفْ،

الرُّؤْيَا 16:19

وتْقِسْمِتْ المْدِينَة العْظِيمَة عْلَى ثْلَاثَة، وادَّمْرِتْ مُدُنْ الأُمَمْ. ومَا نْسَاشْ اللَّهْ بَاشْ يْشَرَّبْ بَابِلْ العْظِيمَة الكَاسْ المْعَبْيَة بِشْرَابْ الغَضَبْ مْتَاعُو.

الرُّؤْيَا 17:2

الِّي زْنَاوْ مْعَاهَا مُلُوكْ الدِّنْيَا، وسِكْرُوا بِشْرَابْ زْنَاهَا سُكَّانْ الأَرْضْ».

الرُّؤْيَا 17:4

والمْرَا كَانِتْ لَابْسَة بِالبَنَفْسَجِي والأَحْمِرْ ومْزَيْنَة بِالذْهَبْ والحْجَرْ الكْرِيمْ واللُّولِي، وهَازَّة فِي يِدْهَا كَاسْ ذْهَبْ مِلْيَانْ بِالفْسَادْ والنْجَاسَة مِنْ زْنَاهَا،

الرُّؤْيَا 18:20

إِفْرَحْ لِخْرَابْهَا يَا سْمَاء! إِفْرْحُوا يَا قِدِّيسِينْ ويَا رُسُلْ ويَا أَنْبْيَاءْ، عْلَى خَاطِرْ اللَّهْ عَاقِبْهَا عَلِّي عَمْلِتُو فِيكُمْ».