الرُّؤْيَا 18:3 - العهد الجديد بالدارجة التونسية 2022

³ عْلَى خَاطِرْ الشُّعُوبْ الكُلْ شَرْبُوا مِنْ شْرَابْ زْنَاهَا، ومْلُوكْ الأَرْضْ زْنَاوْ مْعَاهَا، وتُجَّارْ الدِّنْيَا إِسْتِغْنَاوْ مِنْ كُثْرْ مَا صَرْفِتْ!».

الرُّؤْيَا 18:3 ပူးပေါင်းရင်းမြစ်များ

لُوقَا 7:25

شْنُوَّة خْرَجْتُوا بَاشْ تْشُوفُوا؟ رَاجِلْ لَابِسْ لِبْسَة مِذْخْمَة؟ الِّي يِلْبْسُوا اللِّبْسَة الغَالْيَة ولِّي لَابَاسْ عْلِيهُمْ هُومَا فِي قْصُورْ المُلُوكْ!

تِيمُوثَاوُسْ الأُولَى 5:11

والهَجَّالَاتْ الصْغَارْ فِي العْمُرْ مَا تْقَيْدُوهُمِشْ فِي الدُّوسِي، رَاوْ كِي تِتْحَرِّكْ فِيهُمْ الشَّهْوَة يْنَجْمُوا يِسْتَغْنَاوْ عَالمَسِيحْ ويْوَلِّيوْ يْحِبُّوا يْعَرْسُوا.

الرُّؤْيَا 14:8

وتَبْعُو مَلَاكْ ثَانِي وقَالْ: «طَاحِتْ! طَاحِتْ مْدِينِةْ بَابِلْ العْظِيمَة! الِّي سْقَاتْ الشُّعُوبْ الكُلْ مِنْ شْرَابْ زْنَاهَا الِّي يْجِيبْ الغَضَبْ!».

الرُّؤْيَا 17:2

الِّي زْنَاوْ مْعَاهَا مُلُوكْ الدِّنْيَا، وسِكْرُوا بِشْرَابْ زْنَاهَا سُكَّانْ الأَرْضْ».

الرُّؤْيَا 18:19

وحَطُّوا التْرَابْ عْلَى رْيُوسْهُمْ وبْكَاوْ ونَوْحُوا وصَاحُوا: «يَا وِيلْهَا! يَا وِيلْهَا! المْدِينَة العْظِيمَة الِّي مِنْ ثَرْوِتْهَا إِسْتَغْنَاوْ إِمَّالِي البَابُورَاتْ الكُلْ! فِي سَاعَة وَحْدَة تْخِرْبِتْ!

الرُّؤْيَا 18:23

ضَوْء الفْنَارْ مَا عَادِشْ بِشْ يِضْوِي فِيكْ. وصُوتْ عْرِيسْ وعْرُوسَة مَا عَادِشْ بِشْ يِتْسْمَعْ فِيكْ. عْلَى خَاطِرْ تُجَّارِكْ كَانُوا أَعْظِمْ نَاسْ فِي الأَرْضْ، والأُمَمْ الكُلْ تْغَرُّوا بْسِحْرِكْ.

الرُّؤْيَا 18:7

عَذْبُوهَا وشَقِّيوْهَا عْلَى قَدْ مَا مَجْدِتْ رُوحْهَا وشَاخِتْ. هِيَّ تْقُولْ فِي قَلْبْهَا: "آنَا مَلِكَة عَالعَرْشْ! ومَانِيشْ هَجَّالَة، وعُمْرِي مَا بِشْ نْذُوقْ الحُزْنْ".

الرُّؤْيَا 18:9

وبِشْ يِبْكِيوْ عْلِيهَا مُلُوكْ الأَرْضْ الِّي زْنَاوْ مْعَاهَا وشَاخُوا فِي جُرِّتْهَا، وبِشْ يْنَوْحُوا وَقْتِلِّي يْشُوفُوا دُخَّانْ حْرِيقِتْهَا،