الرُّؤْيَا 15:3 - العهد الجديد بالدارجة التونسية 2022

³ ويْغَنِّيوْ فِي تَرْنِيمِةْ مُوسَى عَبْدْ اللَّهْ وتَرْنِيمِة الخَرُوفْ ويْقُولُوا: «عْظِيمَة وعْجِيبَة أَعْمَالِكْ يَا رَبْ إِلَاهْنَا القَادِرْ عْلَى كُلْ شَيْ! عَادْلَة ومِسْتْوِيَّة الثْنَايَا مْتَاعِكْ، يَا مَلِكْ الشُّعُوبْ.

الرُّؤْيَا 15:3 ပူးပေါင်းရင်းမြစ်များ

يُوحَنَّا 1:17

عْلَى خَاطِرْ اللَّهْ عْطَانَا الشَّرِيعَة عْلَى طْرِيقْ مُوسَى، آمَا الحَقْ والنِّعْمَة جَاوْ عْلَى طْرِيقْ يَسُوعْ المَسِيحْ.

تِيمُوثَاوُسْ الأُولَى 1:17

الكَرَامَة والمَجْدْ لِلْمَلِكْ الِّي مُلْكُو مَا يُوفَاشْ، الإِلَاهْ الوَاحِدْ الدَّايِمْ الِّي مَا تْشُوفُوشْ العِينْ. آمِينْ.

العِبْرَانِيِّينْ 3:5

ومُوسَى كَانْ أَمِينْ فِي خِدْمِةْ بِيتْ اللَّهْ الكُلْ بْصِيفْتُو خَادِمْ، يِشْهِدْ عَلِّي بِشْ يْقُولُو اللَّهْ فِي المُسْتَقْبِلْ.

الرُّؤْيَا 1:8

«آنَا الأَلِفْ واليَاءْ، البِدَايَة والنِّهَايَة» يْقُولْ الرَّبْ الإِلَاهْ، المَوْجُودْ تَوَّا، ولِّي كَانْ مَوْجُودْ، ولِّي بِشْ يْجِي، القَادِرْ عْلَى كُلْ شَيْ.

الرُّؤْيَا 11:17

وقَالُوا: «نُشْكْرُوكْ يَا رَبْنَا، يَا إِلَاهْنَا القَادِرْ عْلَى كُلْ شَيْ، المَوْجُودْ تَوَّا ولِّي مَوْجُودْ مِنْ قْبَلْ، عْلَى خَاطْرِكْ وَرِّيتْ قُدْرْتِكْ العْظِيمَة ومْلِكْتْ.

الرُّؤْيَا 14:3

وكَانُوا يْرَنْمُوا فِي تَرْنِيمَة جْدِيدَة قُدَّامْ العَرْشْ وقُدَّامْ المَخْلُوقَاتْ الحَيَّة الأَرْبْعَة وقُدَّامْ الشْيُوخْ. وحَتَّى حَدْ مَا نَجِّمْ يِتْعَلَّمْ التَّرْنِيمَة هَاذِيكَا كَانْ الـ144 000 الِّي تِفْدَاوْ مِالأَرْضْ.

الرُّؤْيَا 14:8

وتَبْعُو مَلَاكْ ثَانِي وقَالْ: «طَاحِتْ! طَاحِتْ مْدِينِةْ بَابِلْ العْظِيمَة! الِّي سْقَاتْ الشُّعُوبْ الكُلْ مِنْ شْرَابْ زْنَاهَا الِّي يْجِيبْ الغَضَبْ!».

الرُّؤْيَا 17:14

وبِشْ يْحَارْبُوا الخَرُوفْ، آمَا هُوَّ بِشْ يِغْلِبْهُمْ، عْلَى خَاطْرُو رَبْ الأَرْبَابْ ومَلِكْ المُلُوكْ، وبِشْ يِغْلْبُوا مْعَاهْ الأُمَنَاءْ الِّي دْعَاهُمْ واخْتَارْهُمْ».

الرُّؤْيَا 19:16

ومَكْتُوبْ عْلَى جِبْتُو وعْلَى فَخْذُو: «مَلِكْ المُلُوكْ ورَبْ الأَرْبَابْ».

الرُّؤْيَا 19:2

عْلَى خَاطِرْ أَحْكَامُو صْحِيحَة وعَادْلَة. حْكُمْ عَالزَّانْيَة الكْبِيرَة، الِّي فَسْدِتْ الأَرْضْ بِزْنَاهَا، وإِنْتَقَمْ مِنْهَا عْلَى خَاطِرْ دَمْ عَبِيدُو».

الرُّؤْيَا 4:8

وكُلْ وَاحِدْ مِالمَخْلُوقَاتْ الأَرْبْعَة هَاذُومَا عَنْدُو سِتَّة جْوَانَحْ، مْعَبِّينْ بِالعِينِينْ مِالبَرَّة ومِنْ دَاخِلْ. ولِيلْ ونْهَارْ وهُومَا يْسَبْحُوا مِنْ غِيرْ مَا يَاقْفُوا: «قُدُّوسْ! قُدُّوسْ! قُدُّوسْ! الرَّبْ الإِلَاهْ، القَادِرْ عْلَى كُلْ شَيْ، الِّي كَانْ مَوْجُودْ ولِّي مَوْجُودْ تَوَّا، ولِّي بِشْ يْجِي».