الرُّؤْيَا 13:13 - العهد الجديد بالدارجة التونسية 2022

¹³ وعْمَلْ مُعْجْزَاتْ كْبِيرَة وخَلَّى حَتَّى النَّارْ تَهْبِطْ مِالسْمَاء عَالأَرْضْ قُدَّامْ عِينِينْ النَّاسْ،

الرُّؤْيَا 13:13 ပူးပေါင်းရင်းမြစ်များ

مَتَّى 16:1

وجَاوَهْ الفِرِّيسِيِّينْ والصَّدُّوقِيِّينْ بَاشْ يْجَرْبُوهْ، وطَلْبُوا مِنُّو بَاشْ يْوَرِّيهُمْ مُعْجْزَة مِالسْمَاء.

مَتَّى 24:24

عْلَى خَاطِرْ بِشْ يُظْهْرُوا أَكْثِرْ مِنْ مَسِيحْ دَجَّالْ وبَرْشَة أَنْبِيَاءْ كَذَّابِينْ، ويَعْمْلُوا مُعْجْزَاتْ وعْجَايِبْ بَاشْ يْحَاوْلُوا يْغَلْطُوا بِيهُمْ حَتَّى النَّاسْ الِّي إِخْتَارْهُمْ اللَّهْ.

مُرْقُسْ 13:22

خَاطِرْ بِشْ يُظْهْرُوا أَكْثِرْ مِنْ مَسِيحْ دَجَّالْ وبَرْشَة أَنْبِيَاءْ كَذَّابِينْ، وبِشْ يَعْمْلُوا مُعْجْزَاتْ وعْجَايِبْ يْحَاوْلُوا يْغَلْطُوا بِيهُمْ حَتَّى النَّاسْ الِّي اخْتَارْهُمْ اللَّهْ.

تِيمُوثَاوُسْ الثَّانْيَة 3:8

وكِيفْ مَا يَنِّيسْ ويَمْبْرِيسْ جَاوْ ضِدْ مُوسَى، النَّاسْ هَاذُومَا زَادَا يْجِيوْ ضِدْ الحَقْ، نَاسْ عْقُولْهُمْ فَاسْدَة، ومَاهُمِشْ أَهْلْ لِلْإِيمَانْ،

الرُّؤْيَا 11:5

إِذَا حَاوِلْ حَدْ يْضُرْهُمْ، تُخْرُجْ مِنْ أَفَّامْهُمْ نَارْ وتَاكِلْ أَعْدَاهُمْ. كُلْ مِنْ يْحَاوِلْ يْضُرْهُمْ، يِتْقْتَلْ بْنَفْسْ الطَرِيقَة.

الرُّؤْيَا 16:14

هُومَا أَرْوَاحْ شْوَاطِنْ يَعْمْلُوا فِي مُعْجْزَاتْ، ويِمْشِيوْ لْمُلُوكْ العَالِمْ الكُلْ يْلِمُّوهُمْ لِلْحَرْبْ الِّي بِشْ تْصِيرْ فِي هَاكِ النْهَارْ العْظِيمْ، نْهَارْ اللَّهْ القَادِرْ عْلَى كُلْ شَيْ.

الرُّؤْيَا 19:20

وتْشَدْ الوَحْشْ هُوَّ والنَّبِيْ الكَذَّابْ الِّي عْمَلْ قُدَّامُو مُعْجْزَاتْ وغَرْ بِيهُمْ النَّاسْ الِّي قِبْلُوا أَمَارِةْ الوَحْشْ وسِجْدُوا لْتِمْثَالُو. واطَّيْشُوا الزُّوزْ حَيِّينْ فِي بُحَيْرِةْ النَّارْ الشَاعْلَة بِالكِبْرِيتْ.

الرُّؤْيَا 20:9

يَاخِي زَحْفُوا عَالأَرْضْ الكُلْ، وحَصْرُوا جَيْشْ القِدِّيسِينْ والمْدِينَة المَحْبُوبَة مِنْ كُلْ شِيرَة، آمَا هَبْطِتْ عْلِيهُمْ نَارْ مِالسْمَاء كْلَاتْهُمْ.