الرُّؤْيَا 12:4 - العهد الجديد بالدارجة التونسية 2022

⁴ جْبِدْ بْذِيلُو ثْلُثْ نْجُومْ السْمَاء، ورْمَاهُمْ عَالأَرْضْ. ووْقِفْ التِّنِّينْ قُدَّامْ المْرَا الِّي شَادْهَا الحِسْ بَاشْ يِبْلَعْ صْغِيرْهَا دُوبْ مَا يِتْوْلِدْ.

الرُّؤْيَا 12:4 ပူးပေါင်းရင်းမြစ်များ

يُوحَنَّا 8:44

إِنْتُومَا وْلَادْ إِبْلِيسْ، وتْحِبُّوا تَعْمْلُوا شْهَاوِي بُوكُمْ. هُوَّ كَانْ قَتَّالْ أَرْوَاحْ مِنْ أُوْلُو. مَا ثْبِتْشْ فِي الحَقْ، عْلَى خَاطِرْ مَافِيهِشْ حَقْ. وهُوَّ يِكْذِبْ والكِذِبْ فِي طْبِيعْتُو، عْلَى خَاطْرُو كَذَّابْ وبُو الكِذْبْ.

بُطْرُسْ الأُولَى 5:8

رُدُّوا بَالْكُمْ وفِيقُوا، رَاهُو عْدُوكُمْ إِبْلِيسْ، قَاعِدْ يْدُورْ ويِزْئِرْ كِيفْ الصِّيدْ ويْلَوِّجْ عْلَى شْكُونْ يِبْلْعُو.

الرُّؤْيَا 12:7

وصَارِتْ حَرْبْ فِي السْمَاء: مِيخَائِيلْ ومْلَايِكْتُو حَارْبُوا التِّنِّينْ، والتِّنِّينْ حَارِبْهُمْ مْعَ مْلَايِكْتُو،

الرُّؤْيَا 12:9

واطَّيِّشْ التِّنِّينْ العْظِيمْ لِلْأَرْضْ. هَاذَا هُوَّ اللَّفْعَى القْدِيمَة، ويِتْسَمَّى إِبْلِيسْ وَلَّا الشِّيطَانْ، الِّي يْغُرْ بِالعَالِمْ الكُلْ. واطَّيْشِتْ مْعَاهْ مْلَايِكْتُو.

الرُّؤْيَا 13:2

والوَحْشْ الِّي شُفْتُو كَانْ يْشَبَّهْ لِلنِّمْرْ، وسَاقِيهْ كِي سَاقِينْ الدِّبْ وفُمُّو كِي فُمْ الصِّيدْ. وعْطَاهْ التِّنِّينْ قُوْتُو وعَرْشُو وسُلْطَة كْبِيرَة.

الرُّؤْيَا 13:4

والنَّاسْ سِجْدُوا لِلتِّنِّينْ عْلَى خَاطْرُو عْطَى سُلْطَتُو لِلْوَحْشْ، وعِبْدُوا الوَحْشْ وقَالُوا: «شْكُونْ كِيفْ هَا الوَحْشْ؟ وشْكُونْ يْنَجِّمْ يْحَارْبُو؟».

الرُّؤْيَا 16:13

وشُفْتْ ثْلَاثَة أَرْوَاحْ شِرِّيرَة يْشَبْهُوا لِلجْرَانْ خَارْجِينْ مِنْ فُمْ التِّنِّينْ، ومِنْ فُمْ الوَحْشْ، ومِنْ فُمْ النَّبِيْ الكَذَّابْ.

الرُّؤْيَا 17:18

والمْرَا هَاذِيكَا الِّي شُفْتْهَا، هِيَّ المْدِينَة العْظِيمَة الِّي تُحْكُمْ فِي مُلُوكْ الأَرْضْ».

الرُّؤْيَا 20:2

ورْبَطْ التِّنِّينْ، الِّي هُوَّ اللَّفْعَى القْدِيمَة، وهُوَّ بِيدُو إِبْلِيسْ وَلَّا الشِّيطَانْ، وحَبْسُو لْمُدِّةْ 1 000 سْنَة.

الرُّؤْيَا 8:10

ونْفَخْ المَلَاكْ الثَّالِثْ فِي بُوقُو يَاخِي طَاحِتْ مِالسْمَاء نِجْمَة كْبِيرَة كَايِنْهَا مِشْعَلْ مِنْ نَارْ، وطَاحِتْ عْلَى ثْلُثْ الوِدْيَانْ وعْيُونْ المَاء.

الرُّؤْيَا 8:11

والنِّجْمَة اسْمْهَا عَلْقَمْ. يَاخِي ثْلُثْ المَاء وَلَّى مُرْ كِيفْ العَلْقَمْ، وبَرْشَة نَاسْ مَاتُوا مِنْ مْرَارِةْ المَاء.

الرُّؤْيَا 8:12

ونْفَخْ المَلَاكْ الرَّابَعْ فِي بُوقُو، يَاخِي تِضْرَبْ ثْلُثْ الشَّمْسْ وثْلُثْ الڨَمْرَة وثْلُثْ النْجُومْ، حَتَّى لِينْ ظَلِّمْ ثْلُثْ ضَوْهُمْ، ووَلَّى ثْلُثْ النْهَارْ ظْلَامْ وثْلُثْ اللِّيلْ زَادَا.

الرُّؤْيَا 8:7

نْفَخْ المَلَاكْ الأُوِّلْ فِي بُوقُو يَاخِي هْبَطْ عَالأَرْضْ تَبْرُورِي ونَارْ مْخَلْطِينْ بِالدَّمْ، وتِحْرَقْ ثْلُثْ الأَرْضْ وثْلُثْ الشْجَرْ والحْشِيشْ الأَخْضِرْ الكُلْ.

الرُّؤْيَا 8:8

ونْفَخْ المَلَاكْ الثَّانِي فِي بُوقُو، وحَاجَة كَايِنْهَا جْبَلْ عْظِيمْ شَاعِلْ بِالنَّارْ طَاحِتْ فِي البْحَرْ، وثْلُثْ البْحَرْ وَلَّى دَمْ،

الرُّؤْيَا 8:9

ومَاتِتْ ثْلُثْ المَخْلُوقَاتْ الِّي فِي البْحَرْ، وادَّمْرِتْ ثْلُثْ البَابُورَاتْ.

الرُّؤْيَا 9:10

وذْيُولْهُمْ فِيهَا أَبَارِي كِيمَا ذْيُولْ العْقَارِبْ، عَنْدْهُمْ القُدْرَة يْضُرُّوا بِيهَا النَّاسْ لْمُدِّةْ خَمْسَة شْهُرْ.

الرُّؤْيَا 9:19

وقُوِّةْ الحْصُنَّة كَانِتْ فِي أَفَّامْهُمْ وفِي ذْيُولْهُمْ. وكَانِتْ ذْيُولْهُمْ تْشَبَّهْ لِلْحْنُوشَة، وعَنْدْهَا رْيُوسْ ضَارَّة.