الرُّؤْيَا 11:7 - العهد الجديد بالدارجة التونسية 2022

⁷ وكِي يْكَمْلُوا شْهَادِتْهُمْ، الوَحْشْ الطَّالَعْ مِالهَاوْيَة بِشْ يِحَارِبْهُمْ ويِغْلِبْهُمْ ويُقْتُلْهُمْ.

الرُّؤْيَا 11:7 ပူးပေါင်းရင်းမြစ်များ

لُوقَا 13:32

يَاخِي قَالِلْهُمْ: «إِمْشِيوْ قُولُوا لْهَاكْ الثَّعْلِبْ: "هَانِي نْخَرِّجْ فِي الشْوَاطِنْ ونِشْفِي فِي المُرْضَى اليُومْ وغُدْوَة، وفِي النْهَارْ الثَّالِثْ نْكَمِّلْ كُلْ شَيْ".

لُوقَا 8:31

وتْشَحْتُوهْ بَاشْ مَا يَبْعَثْهُمْشْ لِلْهَاوْيَة.

يُوحَنَّا 17:4

آنَا مَجَّدْتِكْ فِي الأَرْضْ، كِي كَمَّلْتْ الخِدْمَة الِّي كَلَّفْتْنِي بِيهَا.

يُوحَنَّا 19:30

ووَقْتِلِّي ذَاقْ يَسُوعْ الخَلْ قَالْ: «كُلْ شَيْ كْمِلْ!» وهَبَّطْ رَاسُو وطَلَّعْ الرُّوحْ.

أَعْمَالْ 20:24

آنَا حْيَاتِي مَا تْهِمْنِيشْ، الِّي يْهِمْنِّي هُوَّ إِنِّي نْقُومْ بْمُهِمْتِي ونْكَمِّلْ الخِدْمَة الِّي كَلَّفْنِي بِيهَا الرَّبْ يَسُوعْ، وهِيَّ إِنِّي نْخَبِّرْ بِبْشَارِة نِعْمِةْ اللَّهْ.

تِيمُوثَاوُسْ الثَّانْيَة 4:7

جَاهِدْتْ الجِهَادْ البَاهِي، كَمَّلِتْ السِّبَاقْ، حَافِظْتْ عْلَى الإِيمَانْ،

الرُّؤْيَا 11:3

وبِشْ نِبْعَثْ شْهُودِي الزُّوزْ، وبِشْ يِتْنَبْؤُوا 1 260 يُومْ، وهُومَا لَابْسِينْ خْيِشْ».

الرُّؤْيَا 12:17

يَاخِي تْغَشِّشْ التِّنِّينْ عَالمْرَا، ومْشَى يْحَارِبْ فِي بَاقِي ذُرِّيِّتْهَا الِّي يْطِيعُوا فِي وْصَايَا اللَّهْ ويِشْهْدُوا لْيَسُوعْ.

الرُّؤْيَا 13:11

ومْبَعِّدْ شُفْتْ وَحْشْ آخِرْ طَالَعْ مِالأَرْضْ، عَنْدُو زُوزْ ڨْرُونْ كِيمَا خَرُوفْ، آمَا يِتْكَلِّمْ كِيفْ التِّنِّينْ.

الرُّؤْيَا 13:7

وتِعْطَاتْلُو قُوَّة بَاشْ يْحَارِبْ القِدِّيسِينْ ويِغْلِبْهُمْ، وتِعْطَاتْلُو سُلْطَة عْلَى كُلْ عَرْشْ وشَعْبْ ولُوغَة وأُمَّة،