الرُّؤْيَا 11:13 - العهد الجديد بالدارجة التونسية 2022

¹³ وفِي نَفْسْ الوَقْتْ، صَارْ زِلْزَالْ كْبِيرْ، وادَّمِّرْ عْشُرْ المْدِينَة، ومَاتُو 7 000 وَاحِدْ، ولِّي مَنْعُوا تْرِعْبُوا وبْدَاوْ يْمَجْدُوا فِي إِلَاهْ السْمَاء.

الرُّؤْيَا 11:13 ပူးပေါင်းရင်းမြစ်များ

يُوحَنَّا 9:24

ومْبَعِّدْ سْتَدْعَاوْا الفِرِّيسِيِّينْ الرَّاجِلْ الِّي كَانْ أَعْمَى مَرَّة أُخْرَى وقَالُولُو: «قُولْ الحَقْ قُدَّامْ اللَّهْ! أَحْنَا نَعْرْفُوا الِّي الرَّاجِلْ هَاذَا مُذْنِبْ».

أَعْمَالْ 1:15

وفِي الأَيَّامَاتْ هَاذُوكُمْ، وْقِفْ بُطْرُسْ قُدَّامْ أَخْوْتُو المُؤْمْنِينْ، الِّي كَانْ عْدَدْهُمْ قْرِيبْ لْـ120، وقَالِلْهُمْ:

الرُّؤْيَا 11:11

وبَعْدْ ثْلَاثَة أَيَّامْ ونُصْفْ، رَجَّعْ اللَّهْ الرُّوحْ فِي الزُّوزْ أَنْبِيَاءْ، ووِقْفُوا عْلَى سَاقِيهُمْ. ولِّي شَافُوهُمْ مْكِنْهُمْ خُوفْ كْبِيرْ.

الرُّؤْيَا 11:19

وتْحَلْ هَيْكِلْ اللَّهْ فِي السْمَاء، وظْهُرْ تَابُوتْ العَهْدْ فِي الهَيْكِلْ، وصَارْ بَرْشَة بْرَقْ وأَصْوَاتْ وبَرْشَة رْعَدْ وزِلْزَالْ، وتَبْرُورِي قْوِيْ.

الرُّؤْيَا 14:7

وقَالْ بْصُوتْ عَالِي: «خَافُوا اللَّهْ ومَجْدُوهْ، خَاطِرْ جَاتْ سَاعِةْ الحْسَابْ. إِسْجْدُوا لِلِّي خْلَقْ السْمَاء والأَرْضْ والبْحَرْ وعْيُونْ المَاء».

الرُّؤْيَا 15:4

شْكُونْ الِّي مَا يْخَافِكْشْ ومَا يْمَجِّدْشْ إِسْمِكْ يَا رَبْ؟ رَاكْ إِنْتِ وَحْدِكْ قُدُّوسْ! وكُلْ الأُمَمْ بِشْ يْجِيوْ ويِسْجْدُولِكْ، عْلَى خَاطِرْ أَحْكَامِكْ العَادْلَة ظُهْرِتْ لِلْكُلْ».

الرُّؤْيَا 19:7

هَيَّا نِفْرْحُوا ونَزْهَاوْ ونْمَجْدُوهْ، عْلَى خَاطِرْ وَقْتْ عِرْسْ الخَرُوفْ جَاء، وعْرُوسْتُو حَضّْرِتْ رُوحْهَا،

الرُّؤْيَا 3:4

آمَا عَنْدِكْ شْوَيَّة نَاسْ فِي سَارْدِسْ مَا مَسْخُوشْ حْوَايِجْهُمْ، بِشْ يِمْشِيوْ مْعَايَا، لَابْسِينْ حْوَايِجْ بْيُضْ عْلَى خَاطِرْهُمْ يِسْتَاهْلُوا.

الرُّؤْيَا 6:12

وخْزَرْتْ وَقْتِلِّي حَلْ الخَرُوفْ الخِتْمْ السَّادِسْ، وإِذَا بْزِلْزَالْ كْبِيرْ يْصِيرْ، والشَّمْسْ وَلَّاتْ كَحْلَة كِيمَا لِبْسِةْ العْزَاء، والڨَمْرَة حْمَارِتْ ووَلَّاتْ كِيفْ الدَّمْ،

الرُّؤْيَا 8:5

ومْبَعِّدْ هَزْ المَلَاكْ المَبْخْرَة، وعَبَّاهَا بِجْمَرْ مِالمَذْبَحْ، ورْمَاهَا عَالأَرْضْ، يَاخِي صَارِتْ أَصْوَاتْ وبَرْشَة بْرَقْ ورْعَدْ وزْلَازِلْ.