فِيلِپِّي 3:5 - العهد الجديد بالدارجة التونسية 2022

⁵ كَانِكْ عَالطْهُورْ مْطَهَّرْ مِلِّي عُمْرِي ثْمَنْيَة أَيَّامْ، وآنَا مِنْ بَنِي إِسْرَائِيلْ، مِنْ عَرْشْ بِنْيَامِينْ، عِبْرَانِي بُو عِالجِّدْ! ومِنْ جِيهِةْ الشَّرِيعَة فِرِّيسِي،

فِيلِپِّي 3:5 ပူးပေါင်းရင်းမြစ်များ

لُوقَا 1:59

وفِي النْهَارْ الثَّامِنْ جَاوْ بَاشْ يْطَهْرُوا الطْفُلْ، وحَبُّوا يْسَمِّيوَهْ زَكَرِيَّا عْلَى إِسْمْ بُوهْ.

لُوقَا 2:21

وبَعْدْ ثْمَنْيَة أَيَّامْ، جَاء الوَقْتْ الِّي يْطَهْرُوا فِيهْ الطْفُلْ، وسَمَّاوَهْ يَسُوعْ كِيمَا سَمَّاهْ المَلَاكْ قْبَلْ مَا تِحْبِلْ بِيهْ مَرْيِمْ.

لُوقَا 5:38

آمَا الشْرَابْ الجْدِيدْ يِتْحَطْ فِي ڨِرْبَة جْدِيدَة.

أَعْمَالْ 22:3

«آنَا يْهُودِي تُولِدْتْ فِي طَرْسُوسْ الِّي فِي كِيلِيكِيَّة، آمَا تْرَبِّيتْ هُونِي فِي أُورْشَلِيمْ وكُنْتْ تِلْمِيذْ عَنْدْ غَمَالَائِيلْ وتْعَلِّمْتْ شَرِيعِةْ جْدُودْنَا عْلَى قَاعْدَة صْحِيحَة. وكُنْتْ مِتْحَمِّسْ لْخِدْمِةْ اللَّهْ، كِيفْ مَا إِنْتُومَا اليُومْ.

أَعْمَالْ 23:6

وكِي عْرَفْ بُولِسْ الِّي المَجْلِسْ فِيهْ جْمَاعَة صَدُّوقِيِّينْ وجْمَاعَة فِرِّيسِيِّينْ، صَاحْ وقَالْ: «يَا خْوَاتِي، آنَا فِرِّيسِي وِلْدْ فِرِّيسِي، وقَاعِدْ نِتْحَاكِمْ تَوَّا عْلَى خَاطِرْ عَنْدِي رْجَى فِي قْيَامَة المُوتَى».

أَعْمَالْ 6:1

وفِي الأَيَّامَاتْ هَاذُوكُمْ، كِي زَادُوا كُثْرُوا التْلَامْذَة، تْشَكَّاوْ المُؤْمْنِينْ اليُونَانِيِّينْ مِالمُؤْمْنِينْ العِبْرَانِيِّينْ، عْلَى خَاطِرْ هَجَّالَاتْهُمْ مَا كَانُوشْ يَاخْذُوا فِي بَايْهُمْ مِالإِعَانَاتْ الِّي تِتْفَرَّقْ كُلْ يُومْ.

رُومَا 11:1

وهُونِي نِسْإِلْ: يَاخِي اللَّهْ رْفَضْ شَعْبُو؟ بِالطْبِيعَة لَا! آنَا بِيدِي مِنْ بَنِي إِسْرَائِيلْ، مِنْ ذُرِّيِّةْ إِبْرَاهِيمْ، ومِنْ عَرْشْ بِنْيَامِينْ.

كُورِنْثُوسْ الثَّانْيَة 11:22

كَانْ هُومَا عِبْرَانِيِّينْ حَتَّى آنَا زَادَا عِبْرَانِي، وكَانْهُمْ مِنْ بَنِي إِسْرَائِيلْ حَتَّى آنَا زَادَا مِنْ بَنِي إِسْرَائِيلْ، وكَانْهُمْ مِنْ ذُرِيِّةْ إِبْرَاهِيمْ حَتَّى آنَا زَادَا مِنْ ذُرِيِّةْ إِبْرَاهِيمْ.