فِيلِپِّي 3:17 - العهد الجديد بالدارجة التونسية 2022

¹⁷ يَا خْوَاتِي، خُوذُونِي قُدْوَة لِيكُمْ، وخَلِّيوْ عِينِيكُمْ عَالنَّاسْ الِّي يِتْصَرْفُوا كِيفْنَا.

فِيلِپِّي 3:17 ပူးပေါင်းရင်းမြစ်များ

رُومَا 16:17

ونُطْلُبْ مِنْكُمْ يَا خْوَاتِي تْرُدُّوا بَالْكُمْ مِلِّي يْفَرْقُوا بِينَاتْكُمْ، ولِّي بِسْبَبْهُمْ النَّاسْ قَاعْدِينْ يِبْعْدُوا عَالإِيمَانْ، ويْعَلْمُوا بْعَكْسْ التَّعْلِيمْ الِّي تْعَلِّمْتُوهْ. إِبْعْدُوا عْلِيهُمْ.

كُورِنْثُوسْ الأُولَى 10:32

مَا تْكُونُوشْ إِنْتُومَا سْبَبْ عَثْرَة لِلْيْهُودْ ولَا لِلْمُشْ يْهُودْ ولَا لِكْنِيسِةْ اللَّهْ،

كُورِنْثُوسْ الأُولَى 11:1

خُوذُونِي مِثَالْ اتَّبْعُوهْ كِيفْ مَا آنَا مِثَالِي المَسِيحْ.

كُورِنْثُوسْ الأُولَى 4:16

هَاذَاكَا عْلَاشْ نُطْلُبْ مِنْكُمْ تْعِيشُوا كِيفْ مَا نْعِيشْ آنَا،

فِيلِپِّي 4:9

وأَعْمْلُوا بِلِّي عَلَّمْتْهُولْكُمْ وخْذِيتُوهْ عْلِيَّا، ولِّي سْمَعْتُوهْ مِنِّي ورِيتُوهْ فِيَّا، وإِلَاهْ السَّلَامْ يْكُونْ مْعَاكُمْ.

تْسَالُونِيكِي الأُولَى 1:6

وإِنْتُومَا خْذِيتُونَا أَحْنَا والرَّبْ يَسُوعْ مِثَالْ لِيكُمْ، وقْبِلْتُوا كِلْمِةْ اللَّهْ بْفَرْحِةْ الرُّوحْ القُدُسْ رَغْمِلِّي كُنْتُوا تْعَانِيوْ بَرْشَة.

تْسَالُونِيكِي الثَّانْيَة 3:14

وكَانْ فَمَّة شْكُونْ مَا يْطِيعِشْ الِّي قُلْنَاهْ فِي الرِّسَالَة هَاذِي، إِكْشْفُوهْ ومَا تِتْعَامْلُوشْ مْعَاهْ بَاشْ يِحْشِمْ عْلَى رُوحُو.

تْسَالُونِيكِي الثَّانْيَة 3:7

إِنْتُومَا تَعْرْفُوا كِيفَاشْ يِلْزِمْكُمْ تِعْتَبْرُونَا قُدْوَة. وأَحْنَا مَا كُنَّاشْ بَطَّالَة وَقْتِلِّي كُنَّا مْعَاكُمْ،

تْسَالُونِيكِي الثَّانْيَة 3:9

مُشْ عْلَى خَاطِرْ مَا عَنْدْنَاشْ الحَقْ بَاشْ تْعَاوْنُونَا، آمَا بَاشْ نْكُونُوا قُدْوَة لِيكُمْ ومِثَالْ إِتَّبْعُوهْ.

تِيمُوثَاوُسْ الأُولَى 4:12

مَا تْخَلِّيشْ حَتَّى حَدْ يَحْقْرِكْ عْلَى خَاطْرِكْ صْغِيرْ فِي العْمُرْ، آمَا كُونْ قُدْوَةْ لِلْمُؤْمْنِينْ فِي الكْلَامْ والتَّصَرُّفْ والمْحَبَّة والإِيمَانْ والطْهَارَة.

العِبْرَانِيِّينْ 13:7

تْذَكْرُوا قَادِتْكُمْ الِّي وَجْهُوكُمْ بْكِلْمِةْ اللَّهْ. شُوفُوا كِيفَاشْ عَاشُوا حْيَاتْهُمْ حَتَّى لِلِّخِّرْ، وخَلِّيوْ إِيمَانْهُمْ يْكُونْ مِثَالْ لِيكُمْ.

بُطْرُسْ الأُولَى 5:3

ومَا تِتْحَكْمُوشْ فِي النَّاسْ الِّي حَطْهُمْ اللَّهْ أَمَانَة بِينْ يْدِيكُمْ، آمَا كُونُوا قُدْوَة لِيهُمْ.