لُوقَا 5:4 - العهد الجديد بالدارجة التونسية 2022

⁴ وكِي كَمِّلْ كْلَامُو قَالْ لْسِمْعَانْ: «أُدْخُلْ لِلْغْرِيقْ، وإِرْمِيوْ شْبَاكُّمْ واصْطَادُوا».

لُوقَا 5:4 ပူးပေါင်းရင်းမြစ်များ

مَتَّى 17:27

آمَا بَاشْ مَا نَعْمْلُولْهُمْشْ مُشْكْلَة، إِمْشِي لِلْبُحَيْرَة، وأَرْمِي الصُّنَّارَة، والحُوتَة الأُولَى الِّي تْشِدْهَا، حِلِّلْهَا فُمْهَا تَوْ تَلْقَى بْيَاسَة قِيمِتْهَا تِكْفِي بَاشْ تِدْفَعْ الضَّرِيبَة. خُوذْهَا وادْفَعْ الضَّرِيبَة عْلِيَّا وعْلِيكْ».

لُوقَا 5:5

يَاخِي جَاوْبُو سِمْعَانْ: «يَا سِيدْنَا رَانَا تْعِبْنَا اللِّيلْ بْكُلُّو ومَا اصْطَدْنَا شَيْ، آمَا عْلَى كِلْمْتِكْ هَانِي بِشْ نَرْمِي الشْبَاكْ».

يُوحَنَّا 21:6

قَالِلْهُمْ: «إِرْمِيوْ الشَّبْكَة عْلَى يْمِينْ الفْلُوكَة وتَوَّا تَلْقَاوْ الحُوتْ». رْمَاوْ الشَّبْكَة ومِنْ كُثْرِةْ مَا كَانِتْ مْعِبْيَة بِالحُوتْ، مَا نَجْمُوشْ يْخَرْجُوهَا.