يُوحَنَّا 7:7 - العهد الجديد بالدارجة التونسية 2022

⁷ العَالِمْ مَا يْنَجِّمْشْ يَكْرَهْكُمْ إِنْتُومَا، آمَا يَكْرَهْنِي آنَا عْلَى خَاطِرْنِي نِشْهِدْ عْلِيهْ الِّي أَعْمَالُو شِرِّيرَة.

يُوحَنَّا 7:7 ပူးပေါင်းရင်းမြစ်များ

لُوقَا 6:26

يَا وِيلْكُمْ إِذَا النَّاسْ الكُلْ مَدْحُوكُمْ. رَاهُو جْدُودْهُمْ عَمْلُوا نَفْسْ الشَّيْ مْعَ الأَنْبِيَاءْ الكَذَّابِينْ».

يُوحَنَّا 17:14

آنَا وَصَّلْتِلْهُمْ كْلَامِكْ والعَالِمْ كْرَهْهُمْ عْلَى خَاطِرْهُمْ مَاهُمْشْ مِالعَالِمْ، كِيمَا آنَا مَانِيشْ مِالعَالِمْ.

يُوحَنَّا 3:19

«وهَاذَا هُوَّ الحُكْمْ: النُّورْ جَاء لِلْعَالِمْ، آمَا النَّاسْ حَبُّوا الظْلَامْ أَكْثِرْ مِالنُّورْ، عْلَى خَاطِرْهُمْ يَعْمْلُوا فِي الشَّرْ.

رُومَا 8:7

ولِّي يْحِبْ يْرَضِّي الطْبِيعَة البَشَرِيَّة الفَاسْدَة هُوَّ عْدُو اللَّهْ، عْلَى خَاطِرْ مَا يْطِيعِشْ شَرِيعِةْ اللَّهْ. وفِي الحْقِيقَة مَا يْنَجِّمْشْ يْطِيعْهَا.

غَلَاطْيَة 4:16

يَاخِي تَوَّا وَلِّيتْ عْدُوكُمْ عْلَى خَاطِرْنِي قُلْتِلْكُمْ الحَقْ؟

يَعْقُوبْ 4:4

يَا خَايْنِينْ، يَاخِي مَا تَعْرْفُوشْ الِّي مْحَبِّةْ أُمُورْ الدِّنْيَا تْخَلِّيكُمْ تْعَادِيوْ اللَّهْ؟ إِيْ نْعَمْ الِّي يْحِبْ أُمُورْ الدِّنْيَا يْوَلِّي عْدُوْ لِلَّهْ.

يُوحَنَّا الأُولَى 4:5

وهُومَا مِالعَالِمْ هَاذَا ويِتْكَلْمُوا بْأَفْكَارْ العَالِمْ، هَاذَاكَا عْلَاشْ النَّاسْ الِّي تَابْعِينْ العَالِمْ هَاذَا يِسْمْعُولْهُمْ.