أَفَسُسْ 5:16 - العهد الجديد بالدارجة التونسية 2022

¹⁶ واسْتْغَلُّوا الوَقْتْ أَحْسِنْ إِسْتِغْلَالْ، عْلَى خَاطِرْ نْعِيشُوا فِي أَيَّامْ شِرِّيرَة.

أَفَسُسْ 5:16 ပူးပေါင်းရင်းမြစ်များ

مَتَّى 25:17

ولِّي خْذَا الزُّوزْ صْرُرْ عْمَلْ كِيفُو، ورْبِحْ زُوزْ صْرُرْ أُخْرِينْ.

يُوحَنَّا 12:35

قَالِلْهُمْ يَسُوعْ: «النُّورْ بِشْ يْزِيدْ يِبْقَى مْعَاكُمْ مُدَّة قْصِيرَة، مَالَا إِمْشِيوْ مَادَامْ عَنْدْكُمْ النُّورْ، بَاشْ مَا يَهْبِطْشْ عْلِيكُمْ الظْلَامْ. خَاطِرْ الِّي يِمْشِي فِي الظْلَامْ مَا يَعْرِفْشْ عْلَى رُوحُو وِينْ مَاشِي.

رُومَا 13:11

وخَاصَّةً إِنْكُمْ تَعْرْفُوا الوَقْتْ الِّي أَحْنَا عَايْشِينْ فِيهْ، تَوَّا جَاتْ السَّاعَة بَاشْ تْفِيقُوا مِنْ نُومْكُمْ، رَاهِي نْجَاتْنَا أَقْرْبِلْنَا تَوَّا مِلِّي كَانِتْ وَقْتِلِّي أَمَّنَّا.

كُورِنْثُوسْ الأُولَى 7:26

وبِسْبَبْ الظُّرُوفْ الصْعِيبَة الِّي مَوْجُودَة تَوَّا، نْظُنْ إِنُّو مِالْأَحْسِنْ كُلْ وَاحِدْ يُقْعُدْ فِي الحَالَة الِّي هُوَّ عْلِيهَا.

غَلَاطْيَة 1:4

الِّي ضَحَّى بْنَفْسُو عْلَى خَاطِرْ ذْنُوبْنَا، بَاشْ يْمَنَّعْنَا مِالعَالِمْ الشِّرِّيرْ هَاذَا، كِيفْ مَا حَبْ إِلَاهْنَا وبُونَا،

غَلَاطْيَة 6:10

ومَادَامْ عَنْدْنَا الفُرْصَة، خَلِّينَا نَعْمْلُوا الخِيرْ لِلنَّاسْ الكُلْ، وبِالأَخَصْ لِخْوَاتْنَا فِي الإِيمَانْ.

أَفَسُسْ 6:13

هَاذَاكَا عْلَاشْ تْسَلْحُوا بِسْلَاحْ اللَّهْ الكَامِلْ، بَاشْ تْنَجْمُوا تْقَاوْمُوا نْهَارِةْ الِّي يْهَاجِمْكُمْ الشَّرْ، وبَعْدْمَا تَعْمْلُوا اللَّازِمْ الكُلْ إِثْبْتُوا لِلِّخِّرْ.

أَفَسُسْ 6:15

وخَلِّيوْ سَاقِيكُمْ دِيمَا حَاضْرَة بَاشْ تِمْشِي تُنْشِرْ بْشَارِةْ السَّلَامْ.

كُولُوسِي 4:5

تْصَرْفُوا بْحِكْمَة مْعَ الِّي مَاهُمْشْ مُؤْمْنِينْ، واسْتْغَلُّوا كُلْ فُرْصَة تْجِيكُمْ.