أَفَسُسْ 4:32 - العهد الجديد بالدارجة التونسية 2022

³² وكُونُوا سِيْسِينْ مْعَ بْعَضْكُمْ وأَرْحْمُوا وسَامْحُوا بْعَضْكُمْ كِيمَا سَامَحْكُمْ اللَّهْ فِي المَسِيحْ.

أَفَسُسْ 4:32 ပူးပေါင်းရင်းမြစ်များ

مَتَّى 6:12

إِغْفْرِلْنَا ذْنُوبْنَا، كِيمَا أَحْنَا نِغْفْرُوا لِلِّي يُغْلْطُوا فِينَا.

مُرْقُسْ 11:25

ووَقْتِلِّي تَاقْفُوا بَاشْ تْصَلِّيوْ، إِغْفْرُوا لِلِّي غْلُطْ فِي حَقْكُمْ، بَاشْ بُوكُمْ الِّي فِي السْمَاء يِغْفْرِلْكُمْ أَغْلَاطْكُمْ.

لُوقَا 1:78

عْلَى خَاطِرْ إِلَاهْنَا رَحْمْتُو عْظِيمَة، خَلَّى كَوْكِبْ الفَجْرْ يْزُورْنَا مِالسْمَاء ويِضْوِي عْلِينَا،

لُوقَا 11:4

إِغْفْرِلْنَا ذْنُوبْنَا، عْلَى خَاطِرْ أَحْنَا نِغْفْرُوا لِلِّي يُغْلْطُوا فِي حَقْنَا. ومَا ادَّخَّلْنَاشْ فِي تَجْرْبَة، آمَا نَجِّينَا مِالشِّرِيرْ».

لُوقَا 17:4

وكَانْ غْلُطْ فِي حَقِّكْ سَبْعَة مَرَّاتْ فِي النْهَارْ ورْجَعْلِكْ فِي كُلْ مَرَّة وقَالْ "آنَا تُبْتْ" سَامْحُو».

لُوقَا 6:35

آمَا حِبُّوا أَعْدَاءْكُمْ وأَعْمْلُوا مْعَاهُمْ البَاهِي، وسَلْفُوا مِنْ غِيرْ مَا تِسْتَنَّاوْ إِنُّو الحَاجَة تِرْجْعِلْكُمْ، وهَكَّا يْكُونْ أَجْرْكُمْ عْظِيمْ وتْكُونُوا وْلَادْ العَالِي، الِّي يِنْعِمْ حَتَّى عْلَى نَاكِرْ الجْمِيلْ والشِّرِّيرْ.

لُوقَا 6:37

«مَا تِتْهْمُوشْ النَّاسْ بَاشْ مَا يِتْهْمُوكُمْشْ، مَا تُحْكْمُوشْ عَالنَّاسْ بَاشْ مَا يِتْحْكَمْشْ عْلِيكُمْ، إِغْفْرُوا يِتْغْفِرِّلْكُمْ،

أَعْمَالْ 28:2

وامَّالِيهَا كَانُوا بَاهِينْ مْعَانَا بَرْشَة. فَرْحُوا بِينَا وشَعْلُولْنَا النَّارْ عْلَى خَاطِرْ الطَّقْسْ كَانْ بَارِدْ والمْطَرْ تْصُبْ.

رُومَا 12:10

حِبُّوا بْعَضْكُمْ كِيمَا الإِخْوَاتْ، وكُلْ وَاحِدْ يِكْرِمْ الآخِرْ ويْبَجْلُو أَكْثِرْ مِنْ رُوحُو.

كُورِنْثُوسْ الأُولَى 13:4

المْحَبَّة تُصْبُرْ وتْحِنْ، المْحَبَّة مَا تِحْسِدْشْ، المْحَبَّة مَا تِتْفُوخِرْشْ ومَا تِتْكَبَّرْشْ.

كُورِنْثُوسْ الثَّانْيَة 2:10

الِّي تْسَامْحُوهْ آنَا زَادَا نْسَامْحُو، وإِذَا كَانْ فَمَّة حَاجَة سَامَحْتْ عْلِيهَا تِسْتْحَقْ السْمَاحْ، رَانِي سَامَحْتْ قُدَّامْ المَسِيحْ عْلَى خَاطِرْكُمْ إِنْتُومَا،

كُورِنْثُوسْ الثَّانْيَة 2:7

وتَوَّا مِالأَحْسِنْ كَانْ تْسَامْحُوهْ وتْشَجْعُوهْ بَاشْ مَا يُغْرُقْشْ فِي الحُزْنْ.

كُورِنْثُوسْ الثَّانْيَة 6:6

نْبَيْنُوا هَاذَا زَادَا بِالطُّهْرْ والمَعْرْفَة والصَّبِرْ والسْيَاسَة، وبِالرُّوحْ القُدُسْ والمْحَبَّة الصَّادْقَة،

أَفَسُسْ 5:1

خَلِّيوْ اللَّهْ يْكُونْ قُدْوِتْكُمْ مَادَامْكُمْ أَوْلَادُو المَحْبُوبِينْ،

يَعْقُوبْ 5:11

أَحْنَا نْقُولُوا: «صَحَّة لِيهُمْ الِّي صُبْرُوا». سْمَعْتُوا بْصَبْرْ أَيُّوبْ وشُفْتُوا كِيفَاشْ الرَّبْ بَارْكُوا فِي الإِخِّرْ. وهَاذَا يْوَرِّي الِّي الرَّبْ رَؤُوفْ ورَحِيمْ.

بُطْرُسْ الثَّانْيَة 1:7

ولِلتَّقْوَى مْعَزِّةْ الإِخْوَة، ولِمْعَزِّةْ الإِخْوَة المْحَبَّة.

يُوحَنَّا الأُولَى 1:9

آمَا كَانْ إِسْتَعْرِفْنَا بِذْنُوبْنَا، هُوَّ أَمِينْ وعَادِلْ بَاشْ يِغْفْرِلْنَا ذْنُوبْنَا ويْطَهِّرْنَا مِنْ كُلْ شَرْ.

يُوحَنَّا الأُولَى 2:12

يَا وْلَادِي نِكْتْبِلْكُمْ فِي هَاذَا الكُلْ، عْلَى خَاطِرْ اللَّهْ غْفِرِّلْكُمْ ذْنُوبْكُمْ عْلَى خَاطِرْ إِسْمْ المَسِيحْ.