تِيمُوثَاوُسْ الثَّانْيَة 3:3 - العهد الجديد بالدارجة التونسية 2022

³ لَا عَنْدْهُمْ لَا رَحْمَةْ ولَا شَفْقَةْ، مَا يْسَامْحُوشْ، يْهَتْكُوا فِي أَعْرَاضْ النَّاسْ، مِتْهَوْرِينْ، مِتْوَحْشِينْ، مَا يْحِبُّوشْ الخِيرْ،

تِيمُوثَاوُسْ الثَّانْيَة 3:3 ပူးပေါင်းရင်းမြစ်များ

مَتَّى 10:21

والخُو يْهِزْ خُوهْ لِلْمُوتْ، والبُو يْهِزْ وِلْدُو، والوْلَادْ يْدُورُوا عْلَى وَالْدِيهُمْ ويُقْتْلُوهُمْ،

مَتَّى 4:1

وهَزْ الرُّوحْ القُدُسْ يَسُوعْ لِلْخْلَاء بَاشْ إِبْلِيسْ يْجَرْبُو.

لُوقَا 10:16

«الِّي يِسْمَعْكُمْ، يِسْمَعْنِي، ولِّي يُرْفُضْكُمْ، يُرْفُضْنِي، ولِّي يُرْفُضْنِي يُرْفُضْ الِّي بْعَثْنِي».

لُوقَا 16:14

والفِرِّيسِيِّينْ كَانُوا يِسْمْعُوا فِي هَاذَا الكُلْ ويِتْمَسْخْرُوا عْلِيهْ، عْلَى خَاطِرْهُمْ كَانُوا يْحِبُّوا الفْلُوسْ.

يُوحَنَّا 6:70

جَاوِبْهُمْ يَسُوعْ: «مُشْ آنَا الِّي خْتَرْتْكُمْ إِنْتُومَا الأَثْنَاشْ؟ ومْعَ هَاذَا وَاحِدْ مِنْكُمْ شِيطَانْ!»

رُومَا 1:29

وَلَّاوْ مِلْيَانِينْ بْكُلْ أَنْوَاعْ الفْسَادْ والشَّرْ والطْمَعْ والنْجَاسَة، ومِلْيَانِينْ بِالحُسْدْ والقَتْلْ والعَرْكْ والغَشَّة والخْبَاثَة. ولَاهِينْ بِالقِيلْ والقَالْ،

رُومَا 1:31

لَا عَنْدْهُمْ فَهْمْ ولَا أَمَانَة ولَا حَنَانْ ولَا رَحْمَة.

كُورِنْثُوسْ الأُولَى 7:5

مَا تِحْرْمُوشْ بْعَضْكُمْ مِالعَلَاقَة الزَّوْجِيَّة، إِلَّا إِذَا كَانْ تْفَاهِمْتُوا عْلَى هَاذَا، ولْمُدَّة قْصِيرَة، بَاشْ تْعَدِّيوْ وَقْتْ فِي الصْلَاة. ومْبَعِّدْ، إِرْجْعُوا لْعَلَاقِتْكُمْ، عْلَى خَاطِرْ مُمْكِنْ تْوَلِّيوْ مَا تْنَجْمُوشْ تْشِدُّوا رْوَاحْكُمْ، وهَكَّا تَعْطِيوْ فُرْصَة لِلشِّيطَانْ بَاشْ يْغُرْكُمْ.

كُورِنْثُوسْ الأُولَى 7:9

آمَا إِذَا كَانْ مَا يْنَجْمُوشْ يِتْحَكْمُوا فِي رْوَاحْهُمْ، خَلِّيهُمْ يْعَرْسُوا، عْلَى خَاطِرْ خِيرْ الوَاحِدْ يْعَرِّسْ مِلِّي يُقْعُدْ يِتْحْرَقْ بْشَهْوْتُو.

تْسَالُونِيكِي الأُولَى 4:8

مَالَا أَيْ وَاحِدْ يُرْفُضْ التَّعْلِيمْ هَاذَا، هُوَّ مُشْ يُرْفُضْ فِي إِنْسَانْ، آمَا يُرْفُضْ فِي اللَّهْ الِّي عْطَاكُمْ رُوحُو القُدُّوسْ.

تِيمُوثَاوُسْ الأُولَى 3:11

وزَادَا النْسَاء يِلْزِمْهُمْ يْكُونُوا مُحْتَرْمِينْ، مَا يْقَطْعُوشْ ويْرَيْشُوا، صَاحِينْ، وثِيقَة فِي كُلْ شَيْ.

تِيطُسْ 1:8

آمَا يِلْزْمُو يْكُونْ مِضْيَافْ ويْحِبْ الخِيرْ ورْزِينْ وصَالَحْ وتَقِيْ ويِتْحَكَّمْ فِي رُوحُو،

تِيطُسْ 2:3

وعَلِّمْ النْسَاء العْزَايِزْ زَادَا يِتْصَرْفُوا بِإِحْتِرَامْ، مَا يْقَطْعُوشْ النَّاسْ ويْرَيْشُوهُمْ ومَا يْكُونُوشْ مُدْمْنِينْ عَالشْرَابْ آمَا يِهْدِيوْ لِلْخِيرْ،

يَعْقُوبْ 2:6

آمَا إِنْتُومَا تَحْقْرُوا الفْقِيرْ! وشْكُونْهُمْ الِّي يُظْلْمُوا فِيكُمْ ويْهِزُّوا فِيكُمْ لِلْمْحَاكِمْ؟ مُشْ الغْنِيِّينْ؟

بُطْرُسْ الثَّانْيَة 2:14

عِينِيهُمْ مِلْيَانَة بِالزْنَى، مَا يِشْبْعُوشْ مِالذْنُوبْ، يْغُرُّوا بِالضْعَافْ وقْلُوبْهُمْ سْتَانْسِتْ بِالطْمَعْ. هَاذُومَا بِالحَقْ مَلْعُونِينْ.

بُطْرُسْ الثَّانْيَة 2:19

يُوعْدُوهُمْ بِالحُرِّيَّة، وهُومَا بِيدْهُمْ عَبِيدْ لِلْفْسَادْ. عْلَى خَاطِرْ الإِنْسَانْ يْوَلِّي عَبْدْ لْكُلْ حَاجَة تِتْسَلِّطْ عْلِيهْ وتِغْلْبُو.

بُطْرُسْ الثَّانْيَة 3:3

قْبَلْ كُلْ شَيْ، يِلْزِمْكُمْ تَعْرْفُوا الِّي فِي آخِرْ الزْمَانْ، بِشْ يْجِيوْ نَاسْ يِتْمَسْخْرُوا عَالحَقْ وعَايْشِينْ يْتَبْعُوا فِي شْهَاوِيهُمْ،

يَهُوذَا 1:16

هُومَا دِيمَا يِتْشَكَّاوْ ويِتْبَكَّاوْ، ويْتَبْعُوا شْهَاوِيهُمْ. يِتْكَلْمُوا كْلَامْ كْبِيرْ بْفُخْرَة، ويْجَامْلُوا النَّاسْ بَاشْ يَقْضِيوْ بِيهُمْ مْصَالَحْهُمْ.

يَهُوذَا 1:18

إِنُّو فِي آخِرْ الزْمَانْ بِشْ يِطْلْعُوا نَاسْ يِتْمَسْخْرُوا عْلَى الرَّبْ ويْتَبْعُوا شْهَاوِيهُمْ الفَاسْدَة،

الرُّؤْيَا 13:15

وتِعْطَاتْلُو السُّلْطَة بَاشْ يَبْعَثْ الرُّوحْ فِي تِمْثَالْ الوَحْشْ ويْخَلِّي التِمْثَالْ يَنْطَقْ، ويُقْتُلْ الِّي مَا حَبُّوشْ يِسْجْدُولُو الكُلْ.

الرُّؤْيَا 13:17

بَاشْ مَا يْنَجِّمْ حَتَّى حَدْ لَا يْبِيعْ ولَا يِشْرِي إِلَّا إِذَا كَانْ عَنْدُو الأَمَارَة، الِّي هِيَّ إِسْمْ الوَحْشْ، وَلَّا الرَّقْمْ الِّي يُرْمُزْ لْإِسْمُو!

الرُّؤْيَا 16:6

عْلَى خَاطِرْ الِّي سَيْحُوا دَمْ القِدِّيسِينْ والأَنْبِيَاءْ، إِنْتِ عْطِيتْهُمْ دَمْ بَاشْ يُشْرْبُوهْ! وهَاذَا الِّي يِسْتَاهْلُوهْ!».

الرُّؤْيَا 17:6

ورِيتْ المْرَا سُكْرَانَة مِنْ كُثْرْ مَا شَرْبِتْ مِنْ دَمْ القِدِّيسِينْ، ودَمْ الِّي إِسْتَشْهْدُوا عْلَى خَاطِرْ يَسُوعْ. وقْعَدْتْ بَاهِتْ كِي شُفْتْهَا.