تْسَالُونِيكِي الثَّانْيَة 3:4 - العهد الجديد بالدارجة التونسية 2022

⁴ وعَنْدْنَا ثِيقَة فِي الرَّبْ الِّي إِنْتُومَا قَاعْدِينْ تَعْمْلُوا، وبِشْ تُقْعْدُوا تَعْمْلُوا الِّي وَصِّينَاكُمْ بِيهْ.

تْسَالُونِيكِي الثَّانْيَة 3:4 ပူးပေါင်းရင်းမြစ်များ

مَتَّى 28:20

وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ».

رُومَا 15:14

آنَا بِيدِي يَا خْوَاتِي مِتْأَكِّدْ الِّي إِنْتُومَا مِلْيَانِينْ بِالصَّلَاحْ وبِالمَعْرْفَة، وقَادْرِينْ بَاشْ تْعَلْمُوا بْعَضْكُمْ.

رُومَا 15:18

ومَا نِتْجَرَّأْ نِتْكَلِّمْ كَانْ عَلِّي عَمْلُو المَسِيحْ عْلَى يْدَيَّا بَاشْ يْخَلِّي غِيرْ اليْهُودْ يْطِيعُوا اللَّهْ. عْمَلْ هَاذَا عْلَى طْرِيقْ كْلَامِي وأَفْعَالِي،

رُومَا 2:7

ولِّي يِجْتَهْدُوا فِي فِعْلْ الخِيرْ، ويِسْعَاوْ لِلْمَجْدْ والكَرَامَة والخُلُودْ، بِشْ يَعْطِيهُمْ الحَيَاةْ الأَبَدِيَّة.

كُورِنْثُوسْ الأُولَى 14:37

إِذَا وَاحِدْ يِحْسِبْ رُوحُو نَبِيْ وَلَّا عَنْدُو هِيبَة رُوحِيَّة، يِلْزْمُو يَعْرِفْ إِنُّو الِّي كْتِبْتْهُولْكُمْ هُوَّ وْصِيَّة مِنْ عَنْدْ الرَّبْ،

كُورِنْثُوسْ الأُولَى 7:19

مَا يْهِمِّشْ مْطَهَّرْ وإِلَّا مُشْ مْطَهَّرْ، المُهِمْ إِنُّو الوَاحِدْ يْطَبَّقْ وْصَايَا اللَّهْ.

كُورِنْثُوسْ الثَّانْيَة 2:3

وكْتِبْتِلْكُمْ الِّي كْتِبْتُو، عْلَى خَاطِرْ وَقْتِلِّي نْجِيكُمْ مَا نْحِبِّشْ نِحْزِنْ بِسْبَبْ الِّي مِالمَفْرُوضْ يْفَرْحُونِي. وآنَا نَاثِقْ إِنُّو الِّي يْفَرَّحْنِي يْفَرَّحْكُمْ الكُلْ.

كُورِنْثُوسْ الثَّانْيَة 2:9

وهَاذَا عْلَاشْ كْتِبْتِلْكُمْ، بَاشْ نْجَرَّبْكُمْ ونْشُوفْ إِذَا كَانْ اطِّيعُونِي فِي كُلْ شَيْ.

كُورِنْثُوسْ الثَّانْيَة 8:22

وزَادَا بْعَثْنَا مْعَاهُمْ خُونَا الِّي جَرِّبْنَاهْ بَرْشَة مَرَّاتْ وشُفْنَا الِّي هُوَّ مِتْحَمِّسْ فِي كُلْ شَيْ، وهُوَّ تَوَّا مِتْحَمِّسْ أَكْثِرْ عْلَى خَاطْرُو يَاثَقْ فِيكُمْ بَرْشَة.

غَلَاطْيَة 5:10

وآنَا عَنْدِي ثِيقَة مِنْ عَنْدْ الرَّبْ الِّي إِنْتُومَا مُشْ بِشْ تِقْبْلُوا بْرَايْ آخَرْ. ولِّي قَاعِدْ يْغَلِّطْ فِيكُمْ بِشْ يِتْعَاقِبْ مَهْمَا كَانِتْ صِيفْتُو.

فِيلِپِّي 1:6

وآنَا مِتْأَكِّدْ إِنُّو اللَّهْ الِّي بْدَا فِيكُمْ الخِدْمَة الصَّالْحَة هَاذِي، بِشْ يُقْعِدْ يْكَمِّلْ فِيهَا حَتَّى لِلنْهَارْ الِّي يِرْجَعْ فِيهْ يَسُوعْ المَسِيحْ.

فِيلِپِّي 2:12

مَالَا يَا حْبَابِي، كِيمَا كُنْتُوا دِيمَا اطِّيعُوا وآنَا حَاضِرْ مْعَاكُمْ، طِيعُوا أَكْثِرْ تَوَّا وآنَا غَايِبْ عْلِيكُمْ، وإِسْعَاوْ بَاشْ تْكَمْلُوا نْجَاتْكُمْ بْخُوفْ ورَهْبَة،

تْسَالُونِيكِي الأُولَى 4:10

وبِالحَقْ إِنْتُومَا تِتْعَامْلُوا بِمْحَبَّة مْعَ الإِخْوَة الكُلْ فِي مَنْطَقْةْ مَقْدُونِيَّة، آمَا نْشَجْعُوكُمْ تْزِيدُوا تْحِبُّوهُمْ أَكْثِرْ وأَكْثِرْ،

تْسَالُونِيكِي الثَّانْيَة 3:12

النَّاسْ هَاذُومَا نْوَصِّيوْهُمْ ونُطْلْبُوا مِنْهُمْ بْسُلْطِةْ الرَّبْ يَسُوعْ المَسِيحْ، بَاشْ يِخْدْمُوا بِرْيَاضْ، ويِكْسْبُوا رِزْقْهُمْ بِعْرَقْ جْبِينْهُمْ.

تْسَالُونِيكِي الثَّانْيَة 3:6

يَا خْوَاتْنَا، نْوَصِّيوْكُمْ، بْإِسْمْ رَبْنَا يَسُوعْ المَسِيحْ، بَاشْ تِتْجَنْبُوا كُلْ خُو مَا يْحِبِّشْ يِخْدِمْ عْلَى رُوحُو ومُشْ قَاعِدْ يْعِيشْ بْحَسْبْ التَعْلِيمْ الِّي عَلِّمْنَاهُولْكُمْ.

فِلِيمُونْ 1:21

كْتِبْتْلِكْ الرِّسَالَة هَاذِي وآنَا مِتْأَكِّدْ الِّي إِنْتِ بِشْ تِسْمَعْ كْلَامِي وعَارِفْ الِّي بِشْ تَعْمِلْ أَكْثِرْ مِلِّي نُطْلْبُو مِنِّكْ.