تْسَالُونِيكِي الثَّانْيَة 3:1 - العهد الجديد بالدارجة التونسية 2022

¹ وفِي الإِخِّرْ، يَا خْوَاتِي، إِدْعِيوْلْنَا بَاشْ كِلْمِةْ الرَّبْ تِتَعْرَفْ فِيسَعْ وتِتْكَرِّمْ كِيفْ مَا صَارْ عَنْدْكُمْ،

تْسَالُونِيكِي الثَّانْيَة 3:1 ပူးပေါင်းရင်းမြစ်များ

مَتَّى 9:38

مَالَا أُطْلْبُوا مِنْ مُولَى الصَّابَة يَبْعَثْ خَدَّامَة لْصَابْتُو».

لُوقَا 10:2

وقَالِلْهُمْ: «هَانِي بِشْ نِبْعَثْكُمْ كِيفْ الحَصَّادَة. الصَّابَة بَرْشَة، آمَا الخَدَّامَة شْوَيَّة. مَالَا أُطْلْبُوا مِنْ مُولَى الصَّابَة يَبْعَثْ خَدَّامَة لْصَابْتُو.

أَعْمَالْ 12:24

آمَا كَانِتْ كِلْمِةْ اللَّهْ مَاشْيَة وتِتِّنْشَرْ، وعْدَدْ المُؤْمْنِينْ مَاشِي ويُكْثُرْ.

أَعْمَالْ 19:20

وهَكَّا كَانِتْ كِلْمِةْ الرَّبْ تِتِنْشَرْ وتَأْثِيرْهَا يَقْوَى.

أَعْمَالْ 6:7

وكَانِتْ كِلْمِةْ اللَّهْ تِنْتَشِرْ فِيسَعْ، وعْدَدْ التْلَامْذَةْ فِي أُورْشَلِيمْ يْزِيدْ، وبَرْشَة كَهَنَة طَاعُوا وأَمْنُوا بْيَسُوعْ المَسِيحْ.

رُومَا 15:30

يَا خْوَاتِي، نُطْلُبْ مِنْكُمْ بْإِسْمْ رَبْنَا يَسُوعْ المَسِيحْ وبِمْحَبِّةْ الرُّوحْ القُدُسْ، تْجَاهْدُوا مْعَايَا بِصْلَاتْكُمْ لِلَّهْ عْلَى خَاطْرِي،

كُورِنْثُوسْ الأُولَى 16:9

عْلَى خَاطِرْ اتْحَلِّي بَابْ وَاسَعْ لِلْخِدْمَة، وزَادَا فَمَّة بَرْشَة مْعَارْضِينْ.

كُورِنْثُوسْ الثَّانْيَة 1:11

وإِنْتُومَا بِشْ تْعَاوْنُونَا بْصْلَاوَاتْكُمْ، وهَاذَا بِشْ يْخَلِّي بَرْشَة نَاسْ يُشْكْرُوا اللَّهْ عْلَى خَاطِرْنَا، وَقْتِلِّي يِقْبِلْ صْلَاوَاتْ بَرْشَة نَاسْ ويْبَارِكْنَا.

كُورِنْثُوسْ الثَّانْيَة 13:11

وفِي الإِخِّرْ يَا خْوَاتِي، إِفْرْحُوا وأَسْعَاوْ بَاشْ تْكُونُوا كَامْلِينْ، اتْشَجْعُوا وكُونُوا بْرَايْ وَاحِدْ وعِيشُوا فِي سَلَامْ، وإِلَاهْ المْحَبَّة والسَّلَامْ يْكُونْ مْعَاكُمْ.

كُولُوسِي 4:3

وإِدْعِيوْلْنَا أَحْنَا زَادَا بَاشْ اللَّهْ يْحِلِّلْنَا بَابْ بَاشْ نْوَصْلُوا الكِلْمَة ونْبَشْرُوا بْسِرْ المَسِيحْ، الِّي آنَا فِي الحَبْسْ عْلَى خَاطْرُو.

تْسَالُونِيكِي الأُولَى 1:5

عْلَى خَاطِرْ وَقْتِلِّي بَشَّرْنَاكُمْ، تَبْشِيرْنَا مَا كَانِشْ بِالكْلَامْ أَكَهَوْ، آمَا بْقُوَّة وبِالرُّوحْ القُدُسْ وبِإِقْتِنَاعْ، وإِنْتُومَا تَعْرْفُوا إِنُّو وَقْتِلِّي كُنَّا عَنْدْكُمْ تَصَرَّفْنَا بِلِّي فِيهْ الخِيْرْ لِيكُمْ.

تْسَالُونِيكِي الأُولَى 1:8

عْلَى خَاطِرْكُمْ نْشَرْتُوا كِلْمِةْ الرَّبْ مُشْ فِي مَقْدُونِيَّة وأَخَائِيَة أَكَهَوْ، آمَا خْبَرْ إِيمَانْكُمْ بِاللَّهْ تِعْرَفْ فِي البْلَايِصْ الكُلْ لِلِّي مَا عَادْ عَنَّا شَيْ نَحْكِيوِهْ عْلِيهْ.

تْسَالُونِيكِي الأُولَى 2:1

وتَعْرْفُوا، يَا خْوَاتِي، الِّي زْيَارِتْنَا لِيكُمْ مَا كَانِتْشْ بْلَا فَايْدَة،

تْسَالُونِيكِي الأُولَى 2:13

ودِيمَا نِحْمْدُوا اللَّهْ، عْلَى خَاطِرْ وَقْتِلِّي سْمَعْتُوا البْشَارَة الِّي وَصَّلْنَاهَالْكُمْ، قْبِلْتُوهَا مُشْ عْلَى إِنْهَا كْلَامْ بَشَرْ، آمَا كِيمَا هِيَّ فِي الحْقِيقَة: كْلَامْ اللَّهْ الِّي يِخْدِمْ فِي قْلُوبْكُمْ إِنْتُومَا المُؤْمْنِينْ.

تْسَالُونِيكِي الأُولَى 4:1

وفِي الإِخِّرْ يَا خْوَاتِي، نُطْلُبُوا مِنْكُمْ ونِتْرَجَّاوْكُمْ بْإِسْمْ الرَّبْ يَسُوعْ، إِنْكُمْ تْعِيشُوا بْمَا يُرْضِي اللَّهْ كِيمَا تْعَلَّمْتُوا مِنَّا، وكِيمَا قَاعْدِينْ تَعْمْلُوا، آمَا نْحِبُّوكُمْ تِتْقَدْمُوا أَكْثِرْ فِي هَاذَا.

تْسَالُونِيكِي الأُولَى 5:17

دَاوْمُوا عَالصَّلَاةْ،

تْسَالُونِيكِي الأُولَى 5:25

يَا خْوَاتِي، إِدْعِيوْلْنَا.

تِيمُوثَاوُسْ الثَّانْيَة 2:9

ولِّي نْقَاسِي فِي العْذَابْ عْلَى خَاطِرْهَا، حَتَّى إِنِّي تِرْبَطْتْ بِالسْلَاسِلْ كِيفْ المُجْرِمْ. آمَا كِلْمِةْ اللَّهْ مَا تِتْرْبَطْشْ.