بُطْرُسْ الثَّانْيَة 3:2 - العهد الجديد بالدارجة التونسية 2022

² وبَاشْ تِتْفَكْرُوا الأَقْوَالْ الِّي قَالُوهَا الأَنْبِيَاءْ الصَّالْحِينْ مِنْ قْبَلْ، وتِتْفَكْرُوا زَادَا وْصِيِّةْ الرَّبْ المُنَجِّي، الِّي وَصْلُوهَالْكُمْ الرُّسُلْ.

بُطْرُسْ الثَّانْيَة 3:2 ပူးပေါင်းရင်းမြစ်များ

لُوقَا 1:70

كِيمَا وْعِدْ مِنْ قْدِيمْ الزْمَانْ عْلَى لْسَانْ أَنْبِيَاؤُو القِدِّيسِينْ،

لُوقَا 24:27

وبْدَالْهُمْ مِنْ تَوْرَاةْ مُوسَى حَتَّى لِكْتُبْ الأَنْبِيَاءْ الكُلْ، يْفَسْرِلْهُمْ فِلِّي تِكْتِبْ عْلِيهْ فِي الكْتُبْ المُقَدْسَة.

لُوقَا 24:44

ومْبَعِّدْ قَالِلْهُمْ: «هَاذَا هُوَّ الكْلَامْ الِّي قُلْتْهُولْكُمْ كِي كُنْتْ مْعَاكُمْ: إِنُّو لَازِمْ يْتِمْ كُلْ الِّي تِكْتِبْ عْلِيَّا فِي تَوْرَاةْ مُوسَى وكْتُبْ الأَنْبِيَاءْ والمَزَامِيرْ».

أَعْمَالْ 10:43

والأَنْبِيَاءْ الكُلْ يِشْهْدُولُو الِّي كُلْ وَاحِدْ يَأَمِّنْ بِيهْ تِتْغْفِرْ ذْنُوبُو بْإِسْمُو».

أَعْمَالْ 28:23

وتْفَاهْمُوا عْلَى نْهَارْ آخِرْ بَاشْ يِتْقَابْلُوا فِيهْ. وجَاوْ لْدَارُو مْعَ بَرْشَة نَاسْ، وقْعَدْ بُولِسْ مِالصْبَاحْ لِلعْشِيَّة وهُوَّ يْفَسْرِ ويِشْهِدْ عْلَى مَمْلِكْةْ اللَّهْ، ويِقْنَعْ فِيهُمْ بَحْقِيقِةْ يَسُوعْ مِنْ شَرِيعَةْ مُوسَى وكْتُبْ الأَنْبِيَاءْ.

أَعْمَالْ 3:18

آمَا هَكَّا، تَمِّمْ اللَّهْ الِّي وْحَى بِيهْ مِنْ قْبَلْ لِلأَنْبِيَاءْ الكُلْ، الِّي المَسِيحْ بِشْ يِتْعَذَّبْ.

أَعْمَالْ 3:21

آمَا تَوَّا، لَازْمُو يُقْعُدْ فِي السْمَاء حَتَّى يْجِي الوَقْتْ الِّي يِتْصَلَّحْ فِيهْ كُلْ شَيْ، كِيمَا وْحَى اللَّهْ لِلأَنْبِيَاءْ الصَّالْحِينْ، مِنْ قْدِيمْ الزْمَانْ.

غَلَاطْيَة 6:2

هِزُّوا أَحْمَالْ بْعَضْكُمْ، وهَكَّا إِطَّبْقُوا شَرِيعِةْ المَسِيحْ.

أَفَسُسْ 2:20

مِبْنِيِّينْ عْلَى السَّاسْ الِّي حَطُّوهْ الرُّسُلْ والأَنْبِيَاءْ، ويَسُوعْ المَسِيحْ هُوَّ بِيدُو حَجْرِةْ السَّاسْ

أَفَسُسْ 3:5

السِّرْ هَاذَا، مَا كِشْفُوشْ اللَّهْ لْحَتَّى حَدْ فِي الأَجْيَالْ الِّي قْبَلْنَا، آمَا تَوَّا كِشْفُو بْرُوحُو لِلرُّسُلْ القِدِّيسِينْ والأَنْبِيَاءْ مْتَاعُو.

تِيمُوثَاوُسْ الأُولَى 6:14

إِنِّكْ تْحَافِظْ عَالوْصِيَّة بَاشْ تْكُونْ بْلَا لُومْ ولَا عِيبْ حَتَّى لِلنْهَارْ الِّي يِرْجَعْ فِيهْ رَبْنَا يَسُوعْ المَسِيحْ.

بُطْرُسْ الثَّانْيَة 2:21

وفِي الحْقِيقَة، كَانْ مَا عَرْفُوشْ طْرِيقْ الصَّلَاحْ خِيرِلْهُمْ مِلِّي بَعْدْمَا يَعْرْفُوهْ، يْسَلْمُوا فِي الوْصِيَّة المُقَدْسَة الِّي خْذَاوْهَا.

بُطْرُسْ الثَّانْيَة 3:15

وإِحْسْبُوا صَبْرْ الرَّبْ فُرْصَة بَاشْ تِنْجَاوْ، كِيفْ مَا كْتِبِّلْكُمْ خُونَا المَحْبُوبْ بُولِسْ، بِالحِكْمَة الِّي عْطَاهَالُو الرَّبْ.

بُطْرُسْ الثَّانْيَة 3:16

وهَاذَا الِّي دِيمَا يِكْتْبُو فِي رَسَايْلُو الكُلْ وَقْتِلِّي يَحْكِيلْنَا عَالأُمُورْ هَاذِي. الرَّسَايِلْ هَاذُمْ فِيهُمْ زَادَا حَاجَاتْ فَهْمْهَا صْعِيبْ، يْفَسْرُوهَا الجُهَّالْ وضْعَافْ النْفُوسْ تَفْسِيرْ غَالِطْ كِيمَا يَعْمْلُوا مْعَ الكْتُبْ المُقَدْسَة الأُخْرَى: وهَكَّا يْجِيبُوا البْلَاء والفْنَى لِرْوَاحْهُمْ.

يُوحَنَّا الأُولَى 4:6

آمَا أَحْنَا تَابْعِينْ اللَّهْ ولِّي يَعْرِفْ اللَّهْ يِسْمْعِلْنَا ولِّي مُشْ تَابَعْ اللَّهْ مَا يِسْمْعِلْنَاشْ. وهَكَّا انَّجْمُوا نَعْرْفُوا رُوحْ الحَقْ مِنْ رُوحْ البَاطِلْ.

يَهُوذَا 1:17

آمَا إِنْتُومَا يَا حْبَابِي، تْذَكْرُوا الِّي سْبَقْ وقَالُوهْ رُسُلْ رَبْنَا يَسُوعْ المَسِيحْ،

الرُّؤْيَا 19:10

يَاخِي تِرْمِيتْ قُدَّامْ سَاقِيهْ بَاشْ نِسْجِدْلُو، آمَا هُوَّ قَالِّي: «لَا! رُدْ بَالِكْ! آنَا خْدِيمْ كِيفِكْ وكِيفْ خْوَاتِكْ المُؤْمْنِينْ الِّي شَادِّينْ صْحِيحْ فِي شْهَادِةْ يَسُوعْ. إِسْجِدْ لِلَّهْ! عْلَى خَاطِرْ شْهَادِةْ يَسُوعْ هِيَّ وَحْيْ لِلنُّبُوَّة».