كُورِنْثُوسْ الثَّانْيَة 7:8 - العهد الجديد بالدارجة التونسية 2022

⁸ وإِذَا كَانْ حَزَّنْتْكُمْ بْرِسَالْتِي، رَانِي مَانِيشْ نَادِمْ. وحَتَّى كَانْ نْدِمْتْ، وَقْتِلِّي شُفْتْ الِّي هِيَّ خَلَّاتْكُمْ تِحْزْنُوا حَتَّى ولَوْ شْوَيَّة،

كُورِنْثُوسْ الثَّانْيَة 7:8 ပူးပေါင်းရင်းမြစ်များ

يُوحَنَّا 16:6

آمَا وَقْتِلِّي قُلْتِلْكُمْ الكْلَامْ هَاذَا، قْلُوبْكُمْ تِمْلَاتْ بِالحُزْنْ.

يُوحَنَّا 21:17

وسِأْلُو مَرَّة ثَالْثَة: «يَا سِمْعَانْ يَا وِلْدْ يُونَا، يَاخِي تْحِبْنِي؟». حْزِنْ بُطْرُسْ عْلَى خَاطِرْ يَسُوعْ سِأْلُو مَرَّة ثَالْثَة: «يَاخِي تْحِبْنِي؟». قَالُّو: «يَا رَبْ، إِنْتِ تَعْرِفْ كُلْ شَيْ، وتَعْرِفْ الِّي آنَا نْحِبِّكْ». قَالُّو يَسُوعْ: «أَرْعَى الغْنَمْ مْتَاعِي.

كُورِنْثُوسْ الثَّانْيَة 7:11

شُوفُوا آشْ عْمَلْ فِيكُمْ الحُزْنْ الِّي كِيمَا يْحِبُّو اللَّهْ: خَلَّاكُمْ تَاخْذُوا المَوْضُوعْ بْجِدِّيَّة، وزِيدْ طْلَبْتُوا السْمَاحْ عَلِّي صَارْ، وتْغَشَّشْتُوا وتْقَلَّقْتُوا، وبَيَّنْتُوا الِّي إِنْتُومَا تْحِبُّونِي وتْوَحَّشْتُونِي، وعَاقِبْتُوا المُذْنِبْ، وظَهَّرْتُوا الِّي إِنْتُومَا أَبْرِيَاءْ فِلِّي صَارْ الكُلْ.

كُورِنْثُوسْ الثَّانْيَة 7:12

مَالَا، الرِّسَالَة الِّي كْتِبْتْهَالْكُمْ مَا كَانِتِشْ عْلَى خَاطِرْ الظَّالِمْ ولَا عْلَى خَاطِرْ المَظْلُومْ، آمَا بَاشْ يْبَانِلْكُمْ قُدَّامْ اللَّهْ قَدَّاشْ إِنْتُومَا لَاهِينْ بِينَا،

كُورِنْثُوسْ الثَّانْيَة 7:6

آمَا اللَّهْ الِّي يْشَجَّعْ المُحْبْطِينْ، شَجَّعْنَا بْجَيَّانْ تِيطُسْ،

كُورِنْثُوسْ الثَّانْيَة 7:7

مُشْ بْجَيَّانُو بَرْكْ، آمَا بِالتَّشْجِيعْ الِّي شَجَّعْتُوهْ بِيهْ. وفَرْحْتِي زَادِتْ أَكْثِرْ وَقْتِلِّي حْكَالْنَا الِّي إِنْتُومَا تْوَحَّشْتُونِي، وعْلَى حُزْنْكُمْ وغِيرِتْكُمْ عْلِيَّا.

كُورِنْثُوسْ الثَّانْيَة 7:9

آنَا تَوَّا فَرْحَانْ، مُشْ عْلَى خَاطِرْكُمْ حْزِنْتُوا، آمَا عْلَى خَاطِرْ حُزْنْكُمْ خَلَّاكُمْ اتُّوبُوا. وهُوَّ حُزْنْ كِيفْ مَا يْحِبْ اللَّهْ، وهَكَّا نْكُونُوا مَا ضَرِّينَاكُمْ فِي حَتَّى شَيْ.

الرُّؤْيَا 3:19

«"رَانِي الِّي نْحِبُّو نْلُومْ عْلِيهْ ونْأَدْبُو، مَالَا كُونْ مِتْحَمِّسْ وتُوبْ.