كُورِنْثُوسْ الثَّانْيَة 10:13 - العهد الجديد بالدارجة التونسية 2022

¹³ آمَا أَحْنَا، رَانَا مَا نِتْفَخْرُوشْ بْحَاجَاتْ مَا عْمَلْنَاهُمِشْ، آمَا نِتْفَخْرُوا فِي حْدُودْ المَجَالْ الِّي عْطَاهُولْنَا اللَّهْ، ولِّي خَلَّانَا نُوصْلُولْكُمْ إِنْتُومَا زَادَا.

كُورِنْثُوسْ الثَّانْيَة 10:13 ပူးပေါင်းရင်းမြစ်များ

مَتَّى 25:15

عْطَى لِلْأُوِّلْ خَمْسَة صْرُرْ فْلُوسْ، والثَّانِي زُوزْ صْرُرْ، والثَّالِثْ صُرَّة وَحْدَة، كُلْ وَاحِدْ عْلَى قَدْرْ طَاقْتُو، وبَعْدْهَا سَافِرْ.

رُومَا 10:18

آمَا آنَا نِسْإِلْ: زَعْمَة مَا سَمْعُوشْ؟ بِالطْبِيعَة سَمْعُوا! والكْتُبْ المُقَدْسَة تْقُولْ: «صُوتْهُمْ وْصُلْ لِلْأَرْضْ الكُلْ، وكْلَامْهُمْ وْصُلْ لْإِخِّرْ الدِّنْيَا».

رُومَا 12:3

وبِالنِّعْمَة الِّي عْطَاهَالِي اللَّهْ، نْوَصِّي كُلْ وَاحِدْ مِنْكُمْ بَاشْ مَا يَعْطِيشْ لْرُوحُو قِيمَة أَكْثِرْ مِاللَّازِمْ، آمَا يَعْطِيهَا القِيمَة المَعْقُولَة، عْلَى قَدْ الإِيمَانْ الِّي عْطَاهُولُو اللَّهْ.

رُومَا 12:6

وعَنْدْنَا هِيبَاتْ مِتْنَوْعَة، كُلْ وَاحِدْ حَسْبْ النِّعْمَة الِّي عْطَاهَالُو اللَّهْ. الِّي عَنْدُو هِيبِةْ النُّبُوَّة خَلِّيهْ يِتْنَبَّأْ حَسْبْ الِّي نَمْنُوا بِيهْ،

رُومَا 15:20

وحْرَصْتْ بَاشْ نْبَشِّرْ فِي البْلَايِصْ الِّي مَا تْبَشَّرْشْ فِيهَا بْإِسْمْ المَسِيحْ، بَاشْ مَا نِبْنِيشْ عْلَى سَاسْ حَطُّو غِيرِي،

كُورِنْثُوسْ الأُولَى 12:11

الحَاجَاتْ هَاذِي الكُلْ يَعْمِلْهَا نَفْسْ الرُّوحْ الوَاحِدْ، ويْفَرَّقْ الهِيبَاتْ عْلَى كُلْ وَاحِدْ كِيمَا يْحِبْ.

أَفَسُسْ 4:7

آمَا كُلْ وَاحِدْ مِنَّا خْذَا نِعْمَة عْلَى قَدْ مَا عْطَاهْ المَسِيحْ.

بُطْرُسْ الأُولَى 4:10

وخَلِّي كُلْ وَاحِدْ يِخْدِمْ الأُخْرِينْ بِالهِيبَة الرُّوحِيَّة الِّي خْذَاهَا مِنْ عَنْدْ اللَّهْ، بِإِعْتِبَارْكُمْ خُدَّامْ ثِيقَة وَكَّلْهُمْ اللَّهْ عَالهِيبَاتْ الرُّوحِيَّة المِتْنَوْعَة الِّي عْطَاهَالْهُمْ بْنِعْمْتُو.