تِيمُوثَاوُسْ الأُولَى 6:19 - العهد الجديد بالدارجة التونسية 2022

¹⁹ وهَكَّا يِكْنْزُوا لِرْوَاحْهُمْ كَنْزْ يْكُونْ رَاسْ مَالْ لِلْمُسْتَقْبِلْ، بَاشْ يَعْرْفُوا شْنِيَّةْ الحَيَاةْ الحَقِيقِيَّة.

تِيمُوثَاوُسْ الأُولَى 6:19 ပူးပေါင်းရင်းမြစ်များ

مَتَّى 19:21

جَاوْبُو يَسُوعْ: «إِذَا تْحِبْ تْكُونْ كَامِلْ، بِيعْ الِّي عَنْدِكْ الكُلْ وفَرْقُو عَالفْقَارَى، وهَكَّا يْوَلِّي عَنْدِكْ كِنْزْ فِي السْمَاء، ومْبَعِّدْ إِيجَا تَبَّعْنِي!»

لُوقَا 12:33

«بِيعُوا الِّي تِمْلْكُوهْ واتْصَدْقُوا بِيهْ. وزَوْدُوا رْوَاحْكُمْ بْمَالْ مَا يُوفَاشْ، يْكُونْ كِنْزْ فِي السْمَاء مَا يِفْنَاشْ، وِينْ لَا يُقْرْبُو سَارَقْ ولَا يَاكْلُو السُّوسْ.

لُوقَا 16:25

آمَا إِبْرَاهِيمْ جَاوْبُو: "يَا وِلْدِي اتْذَكِّرْ الِّي إِنْتِ خْذِيتْ بَايِكْ فِي الدِّنْيَا مِالخِيرَاتْ ولِعَازِرْ خْذَا بَايُو مِالبْلَاوَاتْ، آمَا تَوَّا هُوَّ قَاعِدْ يِتْعَزَّى هْنَا، وإِنْتِ تِتْعَذَّبْ.

لُوقَا 16:9

وآنَا نْقُولِلْكُمْ: أَعْمْلُوا اصْحَابْ بِمَالْ الدِّنْيَا هَاذِي، بَاشْ نْهَارِةْ الِّي يُوفَى عْلِيكُمْ، يِقْبْلُوكُمْ فِي الدْيَّارْ الأَبَدِيَّة.

لُوقَا 18:2

وقَالْ: «كَانِتْ فَمَّة مْدِينَة فِيهَا قَاضِي مَا يْخَافِشْ اللَّهْ ومَا يْهِمُّو فِي حَدْ.

لُوقَا 18:22

وكِي سْمَعْ يَسُوعْ الكْلَامْ هَاذَا قَالُّو: «مَزَّالِتْ نَاقْصِتِّكْ حَاجَة وَحْدَة: بِيعْ الِّي عَنْدِكْ الكُلْ وفَرْقُو عَالفْقَارَى، وهَكَّا يْوَلِّي عَنْدِكْ كِنْزْ فِي السْمَاء، ومْبَعِّدْ إِيجَا تَبَّعْنِي».

غَلَاطْيَة 5:6

عْلَى خَاطِرْ الِّي تَبْعُوا يَسُوعْ المَسِيحْ، لَا عَادْ يْهِمْهُمْ لَا طْهُورْ ولَا غِيرْ طْهُورْ. المُهِمْ هُوَّ الإِيمَانْ الِّي يُظْهُرْ فِي المْحَبَّة.

أَفَسُسْ 3:17

وإِنُّو المَسِيحْ يُسْكُنْ فِي قْلُوبْكُمْ بِالإِيمَانْ، لِينْ تْوَلِّيوْ مَغْرُوسِينْ ومِبْنِييِّنْ فِي المْحَبَّة،

فِيلِپِّي 3:12

ومَانِيشْ نْقُولْ الِّي آنَا وْصِلْتْ لِلْهَدَفْ وَلَّا وَلِّيتْ كَامِلْ، آمَا نِسْعَى بَاشْ نُوصِلْ لِلْجَايْزَة عْلَى خَاطِرْ يَسُوعْ المَسِيحْ إِخْتَارْنِي بَاشْ نْكُونْ تَابَعْ لِيهْ.

فِيلِپِّي 3:14

ونِجْرِي بَاشْ نُوصِلْ لِلْهَدَفْ، ونِرْبَحْ الجَايْزَة الِّي دْعَانَا لِيهَا اللَّهْ مِالسْمَاء بْيَسُوعْ المَسِيحْ،

تِيمُوثَاوُسْ الأُولَى 6:12

وجَاهِدْ بِالڨْدَا فِي جِهَادْ الإِيمَانْ وشِدْ صْحِيحْ فِي الحَيَاةْ الأَبَدِيَّة الِّي اللَّهْ دْعَاكْ لِيهَا، ولِّي شْهِدْتِلْهَا شْهَادَة بَاهْيَة قُدَّامْ بَرْشَة نَاسْ.

تِيمُوثَاوُسْ الثَّانْيَة 1:1

مِنْ بُولِسْ الِّي اللَّهْ حَبُّو يْكُونْ رَسُولْ يَسُوعْ المَسِيحْ، بَاشْ يْبَشِّرْ بِالحَيَاةْ الِّي وْعِدْ بِيهَا اللَّهْ لْكُلْ الِّي يَمْنُوا بْيَسُوعْ المَسِيحْ،

تِيمُوثَاوُسْ الثَّانْيَة 2:19

آمَا السَّاسْ الصْحِيحْ الِّي حَطُّو اللَّهْ رَاهُو يَبْقَى ثَابِتْ، مَخْتُومْ بِالكْلَامْ هَاذَا: «الرَّبْ يَعْرِفْ النَّاسْ الِّي تَابْعِينُو» و «الِّي يُذْكُرْ إِسْمْ الرَّبْ يِلْزْمُو يِبْعِدْ عَالشَّرْ».

بُطْرُسْ الأُولَى 1:4

ولْوَرْثَة مَا تِفْنَاشْ ومَا تِفْسِدْشْ ومَا تُوفَاشْ، مَحْفُوظَة لِيكُمْ فِي السْمَاء،