تِيمُوثَاوُسْ الأُولَى 6:16 - العهد الجديد بالدارجة التونسية 2022

¹⁶ هُوَّ وَحْدُو الدَّايِمْ، الِّي يُسْكُنْ فِي نُورْ مَا يِتْقْرَبْشْ، ولِّي حَتَّى بَشَرْ مَا شَافُو وحَدْ مَا يْنَجِّمْ يْشُوفُو، لِيهْ الكَرَامَة والقُوَّة لِلْأَبَدْ. آمِينْ.

تِيمُوثَاوُسْ الأُولَى 6:16 ပူးပေါင်းရင်းမြစ်များ

يُوحَنَّا 1:18

حَتَّى حَدْ مَا شَافْ اللَّهْ. آمَا الإِبْنْ الوَحِيدْ الِّي هُوَّ عَنْدْ الآبْ، عَرَّفْنَا بِيهْ.

يُوحَنَّا 14:9

قَالُّو يَسُوعْ: «آنَا مْعَاكُمْ الوَقْتْ هَاذَا الكُلْ، ومَا عْرَفْتْنِيشْ يَا فِيلِۑُّسْ؟ الِّي شَافْنِي رَاهُو شَافْ الآبْ، مَالَا كِيفَاشْ تْقُولْ "وَرِّينَا الآبْ"؟

يُوحَنَّا 6:46

حَتَّى حَدْ مَا شَافْ الآبْ كَانْ الِّي جَاء مِنْ عَنْدْ اللَّهْ: هَاذَاكَا الوَحِيدْ الِّي شَافْ الآبْ.

يُوحَنَّا 8:58

جَاوِبْهُمْ يَسُوعْ: «الحَقْ الحَقْ نْقُلْكُمْ: قْبَلْ مَا يِتْوْجِدْ إِبْرَاهِيمْ، آنَا مَوْجُودْ».

أَفَسُسْ 3:21

لِيهْ المَجْدْ فِي الكْنِيسَة وفِي يَسُوعْ المَسِيحْ، فِي كُلْ الأَجْيَالْ ولِلْأَبَدْ. آمِينْ.

فِيلِپِّي 4:20

المَجْدْ لِلَّهْ بُونَا لِلْأَبَدْ. آمِينْ.

كُولُوسِي 1:15

والإِبْنْ يَعْطِي صُورَة صَادْقَة عْلَى طَبِيعِةْ اللَّهْ الِّي مَا يِتْشَافِشْ، وهُوَّ البِكْرْ، وفُوقْ كُلْ مَا تِخْلَقّْ.

تِيمُوثَاوُسْ الأُولَى 1:17

الكَرَامَة والمَجْدْ لِلْمَلِكْ الِّي مُلْكُو مَا يُوفَاشْ، الإِلَاهْ الوَاحِدْ الدَّايِمْ الِّي مَا تْشُوفُوشْ العِينْ. آمِينْ.

العِبْرَانِيِّينْ 13:8

يَسُوعْ المَسِيحْ هُوَّ هُوَّ، البَارِحْ واليُومْ ولِلْأَبَدْ.

يَعْقُوبْ 1:17

رَاهِي كُلْ هْدِيَّة صَالْحَة وكُلْ هِيبَة كَامْلَة هِيَّ مِنْ فُوقْ، تْجِينَا مِنْ عَنْدْ اللَّهْ الِّي صْنَعْ أَنْوَارْ السْمَاء، ولِّي هُوَّ لَا يِتْبَدَّلْ ولَا يْدُورْ كِالظُّلْ،

يُوحَنَّا الأُولَى 1:5

وهَاذَا هُوَّ الِّي سْمَعْنَاهْ مِالمَسِيحْ ونْبَشْرُوكُمْ بِيهْ: إِنُّو اللَّهْ نُورْ ومَافِيهِشْ ظْلَامْ بِالكُلْ.

يُوحَنَّا الأُولَى 1:7

آمَا إِذَا كُنَّا نْعِيشُوا فِي النُّورْ كِيفْ مَا هُوَّ فِي النُّورْ، نْكُونُوا بِالحَقْ مِتْشَارْكِينْ مْعَ بْعَضْنَا، ودَمْ يَسُوعْ المَسِيحْ إِبْنُو يْطَهِّرْنَا مِنْ كُلْ ذَنْبْ.

يُوحَنَّا الأُولَى 4:12

حَتَّى وَاحِدْ مَا شَافْ اللَّهْ آمَا وَقْتِلِّي نْحِبُّوا بْعَضْنَا، اللَّهْ يِثْبِتْ فِينَا وتْكُونْ مْحَبْتُو كَامْلَة فِي قْلُوبْنَا.

يَهُوذَا 1:25

هُوَّ وَحْدُو الإِلَاهْ الحْقِيقِي الِّي نَجَّانَا بْرَبْنَا يَسُوعْ المَسِيحْ. لِيهْ المَجْدْ والقُدْرَة والسْيَادَة والسُّلْطَة مِالأَزَلْ، وفِي الوَقْتْ الحَاضِرْ، ولِلْأَبَدْ. آمِينْ.

الرُّؤْيَا 1:6

ورَدْنَا شَعْبْ مُلُوكْ وكَهَنَة لِلَّهْ بُوهْ، لِيهْ المَجْدْ والسُّلْطَة لْأَبَدْ الآبِدِينْ. آمِينْ.

الرُّؤْيَا 1:8

«آنَا الأَلِفْ واليَاءْ، البِدَايَة والنِّهَايَة» يْقُولْ الرَّبْ الإِلَاهْ، المَوْجُودْ تَوَّا، ولِّي كَانْ مَوْجُودْ، ولِّي بِشْ يْجِي، القَادِرْ عْلَى كُلْ شَيْ.

الرُّؤْيَا 21:3

وسْمَعْتْ صُوتْ عَالِي جَايْ مِالعَرْشْ يْقُولْ: «أُخْزْرُوا! تَوَّا اللَّهْ بِشْ يُسْكُنْ مْعَ النَّاسْ. هُوَّ بِشْ يُسْكُنْ مْعَاهُمْ وهُومَا بِشْ يْكُونُوا شَعْبُو. واللَّهْ بِيدُو بِشْ يْكُونْ مْعَاهُمْ ويْكُونْ إِلَاهُّمْ،

الرُّؤْيَا 22:5

ومَا عَادِشْ بِشْ يْكُونْ فَمَّة لِيلْ، ومُشْ بِشْ يِسْتْحَقُّوا لْضَوْء فْنَارْ وَلَّا شَمْسْ، عْلَى خَاطِرْ الرَّبْ الإِلَاهْ يْضَوِّي عْلِيهُمْ. وهُومَا بِشْ يِمْلْكُوا لْأَبَدْ الآبِدِينْ.

الرُّؤْيَا 4:11

«تِسْتْحَقْ يَا رَبْنَا وإِلَاهْنَا، المَجْدْ والجَلَالْ والقُدْرَة، عْلَى خَاطْرِكْ خْلَقْتْ كُلْ شَيْ، وكُلْ شَيْ مَخْلُوقْ ومَوْجُودْ كِيمَا إِنْتِ حَبِّيتْ».

الرُّؤْيَا 7:12

وقَالُوا: «آمِينْ! الحَمْدْ والجَلَالْ والحِكْمَة والشُّكْرْ والكَرَامَة والقُوَّة والقُدْرَة لْإِلَاهْنَا لِلْأَبَدْ. آمِينْ!».