تْسَالُونِيكِي الأُولَى 5:2 - العهد الجديد بالدارجة التونسية 2022

² عْلَى خَاطِرْكُمْ تَعْرْفُوا مْلِيحْ الِّي النْهَارْ الِّي يِرْجَعْ فِيهْ الرَّبْ يْجِي عْلَى غَفْلَة كِيفْ مَا يْجِي السَّارِقْ فِي اللِّيلْ.

تْسَالُونِيكِي الأُولَى 5:2 ပူးပေါင်းရင်းမြစ်များ

مَتَّى 25:13

مَالَا خَلِّيكُمْ فَايْقِينْ، عْلَى خَاطِرْكُمْ مَا تَعْرْفُوشْ لَا النْهَارْ ولَا السَّاعَة.

لُوقَا 21:34

«رُدُّوا بَالْكُمْ تُقْعْدُوا لَاهِينْ بِالسِّكْرَة والشِّيخَاتْ وَلَّا بِهْمُومْ الدِّنْيَا، لَا يْجِيكُمْ النْهَارْ هَاذَاكَا عْلَى غَفْلَة،

كُورِنْثُوسْ الأُولَى 1:8

هُوَّ الِّي بِشْ يْثَبِّتْكُمْ حَتَّى لِلِّخِّرْ، بَاشْ مَا يْكُونِشْ عْلِيكُمْ لُومْ نْهَارِةْ الِّي يِرْجَعْ،

تْسَالُونِيكِي الأُولَى 5:4

آمَا إِنْتُومَا، يَا خْوَاتِي، مَاكُمْشْ فِي الظْلَامْ بَاشْ يْجِيكُمْ النْهَارْ هَاذَاكَا عْلَى غَفْلَة كِيفْ السَّارِقْ،

تْسَالُونِيكِي الثَّانْيَة 2:2

بَاشْ مَا تُدْخْلُوشْ بْعَضْكُمْ فِيسَعْ ومَا تِتْرِعْبُوشْ مِنْ حَتَّى نُبُوَّةْ ولَا كِلْمَة ولَا رِسَالَة نِسْبُوهَا لِينَا تْقُولْ إِنُّو النْهَارْ الِّي يِرْجَعْ فِيهْ الرَّبْ جَاء.

بُطْرُسْ الثَّانْيَة 3:10

بِشْ يْجِي نْهَارْ الحْسَابْ كِيفْ السَّارِقْ، تِفْنَى فِيهْ السْمَاوَاتْ وكُلْ مَاهُو فِي العَالِمْ بِشْ يِتْحْرَقْ بِالنَّارْ، وتِدَّمِرْ الأَرْضْ بِلِّي فِيهَا

الرُّؤْيَا 16:15

وسْمَعْتْ الرَّبْ يْقُولْ: «هَانِي جَايْ كِيفْ السَّارِقْ! صَحَّة لِيهْ الِّي يَسْهِرْ ويْعِسْ عْلَى دَبْشُو بَاشْ مَا يِمْشِيشْ عِرْيَانْ ويِتْفْضَحْ قُدَّامْ النَّاسْ».

الرُّؤْيَا 3:3

تْذَكِّرْ الِّي تْعَلَّمْتُو وسْمَعْتُو مِنْ قْبَلْ، وشِدْ صْحِيحْ فِي الحَاجَاتْ هَاذِي الِّي أَمَّنْتْ بِيهَا وتُوبْ. رَاهُو كَانْ مَا تْكُونِشْ فَايِقْ، نْجِيكْ كِيمَا يْجِي السَّارِقْ، ومَاكِشْ بِشْ تَعْرِفْ السَّاعَة الِّي بِشْ نْجِيكْ فِيهَا.