تْسَالُونِيكِي الأُولَى 4:8 - العهد الجديد بالدارجة التونسية 2022

⁸ مَالَا أَيْ وَاحِدْ يُرْفُضْ التَّعْلِيمْ هَاذَا، هُوَّ مُشْ يُرْفُضْ فِي إِنْسَانْ، آمَا يُرْفُضْ فِي اللَّهْ الِّي عْطَاكُمْ رُوحُو القُدُّوسْ.

تْسَالُونِيكِي الأُولَى 4:8 ပူးပေါင်းရင်းမြစ်များ

لُوقَا 10:16

«الِّي يِسْمَعْكُمْ، يِسْمَعْنِي، ولِّي يُرْفُضْكُمْ، يُرْفُضْنِي، ولِّي يُرْفُضْنِي يُرْفُضْ الِّي بْعَثْنِي».

يُوحَنَّا 12:48

الِّي مَا يِقْبِلْنِيشْ ومَا يِقْبِلْشْ كْلَامِي، عَنْدُو شْكُونْ يُحْكُمْ عْلِيهْ: الكْلَامْ الِّي قُلْتُو هُوَّ الِّي يُحْكُمْ عْلِيهْ نْهَارْ الحْسَابْ،

أَعْمَالْ 13:41

"أُخْزْرُوا يَلِّي تِتْمَسْخْرُوا، اتْعَجْبُوا وافْنَاوْ! عْلَى خَاطِرْ فِي زْمَانْكُمْ بِشْ نَعْمِلْ شَيْ عْمُرْكُمْ لَا بِشْ تْصَدْقُوهْ حَتَّى لَوْ حَدْ حْكَالْكُمْ عْلِيهْ"».

رُومَا 5:5

والرْجَى مَا يْخِيبِشْ عْلَى خَاطِرْ اللَّهْ فَاضْ بِمْحَبْتُو فِي قْلُوبْنَا بِالرُّوحْ القُدُسْ الِّي عْطَاهُولْنَا.

كُورِنْثُوسْ الأُولَى 2:10

وكِشْفُو لِينَا أَحْنَا بِالرُّوحْ، عْلَى خَاطِرْ الرُّوحْ يِكْشِفْ كُلْ شَيْ، حَتَّى أَسْرَارْ اللَّهْ الِّي مَا يَعْرَفْهَا كَانْ هُوَّ.

كُورِنْثُوسْ الأُولَى 7:40

آمَا حَسْبْ رَايِي، بَاشْ تْكُونْ فَرْحَانَة أَكْثِرْ كَانْ تَبْقَى مِنْ غِيرْ رَاجِلْ، ويُظْهُرْلِي آنَا زَادَا عَنْدِي رُوحْ اللَّهْ.

كُورِنْثُوسْ الثَّانْيَة 1:22

وهُوَّ زَادَا الِّي حَطْ عْلِينَا طَابِعْ المِلْكِيَّة مْتَاعُو، وعْطَانَا الرُّوحْ القُدُسْ فِي قْلُوبْنَا كِيمَا العَرْبُونْ.

غَلَاطْيَة 4:6

وعْلَى خَاطِرْكُمْ وْلَادْ اللَّهْ، بْعَثْ رُوحْ إِبْنُو فِي قْلُوبْنَا يْنَادِي: «بَابَا! يَا بُونَا!».

بُطْرُسْ الأُولَى 1:12

آمَا اللَّهْ ظَهْرِلْهُمْ الِّي مَجْهُودْهُمْ مَا كَانِشْ لْفَايْدِتْهُمْ هُومَا آمَا لْفَايْدِتْكُمْ إِنْتُومَا، وهَاذَا كَانْ عْلَى خَاطِرْ البْشَارَة الِّي وَصْلُوهَالْكُمْ المُبَشْرِينْ فِي الوَقْتْ هَاذَا بِالرُّوحْ القُدُسْ الِّي تِبْعَثّْ مِالسْمَاء، البْشَارَة الِّي حَتَّى المْلَايْكَة تِتْمَنَّى تَعْرَفْهَا.

بُطْرُسْ الثَّانْيَة 1:21

عْلَى خَاطِرْ مَا فَمَّة حَتَّى نُبُوَّة جَاتْ مِنْ عَنْدْ إِنْسَانْ، آمَا الرُّوحْ القُدُسْ هُوَّ الِّي خَلَّى رْجَالْ اللَّهْ الصَّالْحِينْ يِتْكَلْمُوا بِكْلَامْ اللَّهْ.

يُوحَنَّا الأُولَى 3:24

الِّي يْطِيعْ وْصَايَا اللَّهْ، يِثْبِتْ فِي اللَّهْ واللَّهْ يِثْبِتْ فِيهْ. والرُّوحْ الِّي عْطَاهُولْنَا يْأَكْدِلْنَا الِّي هُوَّ ثَابِتْ فِينَا.

يَهُوذَا 1:8

ومْعَ هَاذَا، النَّاسْ الِّي دَخْلُوا بِينَاتْكُمْ قَاعْدِينْ يَعْمْلُوا كِيفْهُمْ. هُومَا يْنَجْسُوا فِي بْدَنَّاتْهُمْ بْأَحْلَامْهُمْ ومَا يِحْتَرْمُوشْ سُلْطِةْ اللَّهْ، ويْهِينُوا فِي المَخْلُوقَاتْ السْمَاوِيَّة العْظِيمَة.