تْسَالُونِيكِي الأُولَى 3:8 - العهد الجديد بالدارجة التونسية 2022

⁸ ورَجْعِتْ فِينَا الرُّوحْ عْلَى خَاطِرْكُمْ ثَابْتِينْ فِي الرَّبْ.

تْسَالُونِيكِي الأُولَى 3:8 ပူးပေါင်းရင်းမြစ်များ

يُوحَنَّا 15:4

إِثْبْتُوا فِيَّا كِيمَا نِثْبِتْ فِيكُمْ. وكِيمَا العُودْ مَا يْنَجِّمْ يْجِيبْ غَلَّة كَانْ مَا يِثْبِتْ فِي العِنْبَة، إِنْتُومَا زَادَا مَا تْنَجْمُوا تْجِيبُوا غَلَّة كَانْ مَا تِثْبْتُوا فِيَّا.

يُوحَنَّا 15:7

كَانْ تِثْبْتُوا فِيَّا ويِثْبِتْ كْلَامِي فِيكُمْ، تُطْلْبُوا الِّي تْحِبُّوا عْلِيهْ تَاخْذُوهْ.

يُوحَنَّا 8:31

وقَالْ يَسُوعْ لِلْيْهُودْ الِّي أَمْنُوا بِيهْ: «إِذَا كَانْ تِثْبْتُوا فِي كْلَامِي، تْوَلِّيوْ بِالحَقْ تْلَامِذْتِي،

أَعْمَالْ 11:23

وَقْتِلِّي وْصُلْ وشَافْ كِيفَاشْ اللَّهْ نْعِمْ عْلِيهُمْ، فْرَحْ بَرْشَة، ووَصَّاهُمْ بَاشْ يْشِدُّوا صْحِيحْ فِي الرَّبْ، مِنْ كُلْ قْلُوبْهُمْ.

كُورِنْثُوسْ الأُولَى 15:58

مَالَا يَا خْوَاتِي العْزَازْ عْلِيَّا، كُونُوا ثَابْتِينْ ومَا تْخَلِّيوْ حَتَّى شَيْ يْزَحْزَحْكُمْ، وكُونُوا دِيمَا مُجْتَهْدِينْ فِي خِدْمِةْ الرَّبْ، عَارْفِينْ الِّي تْعَبْكُمْ مُشْ بِشْ يِمْشِي خْسَارَة.

كُورِنْثُوسْ الأُولَى 16:13

خَلِّيكُمْ فَايْقِينْ وإِثْبْتُوا فِي الإِيمَانْ، كُونُوا رْجَالْ، كُونُوا قْوِيِّينْ،

غَلَاطْيَة 5:1

المَسِيحْ حَرَّرْنَا بَاشْ نْكُونُوا أَحْرَارْ، مَالَا إِثْبْتُوا فِي الحُرِّيَّة هَاذِي، ومَا تِرْجْعُوشْ تْعِيشُوا كِيفْ العْبِيدْ.

أَفَسُسْ 3:17

وإِنُّو المَسِيحْ يُسْكُنْ فِي قْلُوبْكُمْ بِالإِيمَانْ، لِينْ تْوَلِّيوْ مَغْرُوسِينْ ومِبْنِييِّنْ فِي المْحَبَّة،

فِيلِپِّي 1:21

عْلَى خَاطِرْ بِالنِّسْبَة لِيَّا الحَيَاةْ هِيَّ المَسِيحْ، والمُوتْ رِبْحْ لِيَّا.

فِيلِپِّي 1:27

المُهِمْ تَوَّا هُوَّ إِنْكُمْ تْعِيشُوا عِيشَة تْلِيقْ بِبْشَارِةْ المَسِيحْ، بَاشْ كَانْ جِيتْ وشُفْتْكُمْ، وَلَّا سْمَعْتْ عْلِيكُمْ وآنَا غَايِبْ، نَعْرِفْ الِّي إِنْتُومَا ثَابْتِينْ بْرُوحْ وَاحِدْ وتْجَاهْدُوا بْقَلْبْ وَاحِدْ عْلَى خَاطِرْ الإِيمَانْ بِالبْشَارَة.

فِيلِپِّي 4:1

مَالَا، يَا خْوَاتِي الِّي نْحِبْهُمْ ومِتْوَحَّشْهُمْ، يَا فَرْحْتِي وتَاجْ رَاسِي، إِثْبْتُوا فِي الرَّبْ يَا حْبَابِي.

كُولُوسِي 1:23

عْلَى شَرْطْ إِنْكُمْ تِثْبْتُوا فِي الإِيمَانْ، مِبْنِيِّينْ عْلَى سَاسْ صْحِيحْ، ومَا تِبْعْدُوشْ عْلَى رْجَى البْشَارَة الِّي سْمَعْتُوهَا ولِّي وِصْلِتْ لْكُلْ المَخْلُوقَاتْ الِّي فِي الأَرْضْ، البْشَارَة الِّي آنَا بُولِسْ وَلِّيتْ خَادِمْ لِيهَا.

تْسَالُونِيكِي الأُولَى 3:7

هَاذَاكَا عْلَاشْ يَا خْوَاتِي إِيمَانْكُمْ شَجَّعْنَا فِي ضِيقْنَا وشِدِّتْنَا،

العِبْرَانِيِّينْ 10:23

وخَلِّينَا نْشِدُّوا صْحِيحْ فِي الرْجَى الِّي نِعْتَرْفُوا بِيهْ، عْلَى خَاطِرْ اللَّهْ الِّي وْعِدْ هُوَّ أَمِينْ.

العِبْرَانِيِّينْ 3:14

رَانَا الكُلْنَا مِتْشَارْكِينْ مْعَ المَسِيحْ، إِذَا نْشِدُّوا صْحِيحْ لِلِّخِّرْ فِي الثِّيقَة الِّي عَنْدْنَا مِالأُوِّلْ.

العِبْرَانِيِّينْ 4:14

ومَادَامْ عَنْدْنَا كَاهِنْ كْبِيرْ، يَسُوعْ إِبْنْ اللَّهْ الِّي طْلَعْ ودْخَلْ السْمَاء، خَلِّينَا نْشِدُّوا صْحِيحْ فِي إِيمَانَّا الِّي نِشْهْدُوا بِيهْ.

بُطْرُسْ الأُولَى 5:10

وبَعْدْمَا تْعَذَّبْتُوا مُدَّة قْصِيرَة، اللَّهْ، الِّي يَعْطِي كُلْ نِعْمَة، ولِّي جَابْكُمْ لِلْمَسِيحْ بَاشْ تْشَارْكُوهْ فِي مَجْدُو الِّي مَا يُوفَاشْ، هُوَّ بِشْ يْثَبِّتْكُمْ ويْقَوِّيكُمْ ويِبْنِيكُمْ.

بُطْرُسْ الثَّانْيَة 3:17

آمَا، إِنْتُومَا يَا حْبَابِي، مَادَامْكُمْ فِقْتُوا بِالخْطَرْ قْبَلْ مَا يْصِيرْ، رُدُّوا بَالْكُمْ يْغُرُّوا بِيكُمْ الأَشْرَارْ وتْوَلِّيوْ مَا عَادِشْ ثَابْتِينْ فِي الإِيمَانْ.

الرُّؤْيَا 3:11

هَانِي جَايْ عْلَى قْرِيبْ، شِدْ صْحِيحْ فِلِّي عَنْدِكْ، بَاشْ حَتَّى حَدْ مَا يْفُكْلِكْ تَاجِكْ.

الرُّؤْيَا 3:3

تْذَكِّرْ الِّي تْعَلَّمْتُو وسْمَعْتُو مِنْ قْبَلْ، وشِدْ صْحِيحْ فِي الحَاجَاتْ هَاذِي الِّي أَمَّنْتْ بِيهَا وتُوبْ. رَاهُو كَانْ مَا تْكُونِشْ فَايِقْ، نْجِيكْ كِيمَا يْجِي السَّارِقْ، ومَاكِشْ بِشْ تَعْرِفْ السَّاعَة الِّي بِشْ نْجِيكْ فِيهَا.