تْسَالُونِيكِي الأُولَى 3:5 - العهد الجديد بالدارجة التونسية 2022

⁵ وهَاذَاكَا عْلَاشْ كِي مَا عَادِشْ انَّجِّمْ نُصْبُرْ، بْعَثْتْ نِسْإِلْ عْلَى إِيمَانْكُمْ وخُفْتْ لَا يْكُونْ إِبْلِيسْ غَرْ بِيكُمْ وتْعَبْنَا مْشَى خْسَارَة.

تْسَالُونِيكِي الأُولَى 3:5 ပူးပေါင်းရင်းမြစ်များ

مَتَّى 4:3

قْرُبْلُو إِبْلِيسْ الِّي يْجَرِّبْ وقَالُّو: «كَانِكْ إِنْتِ إِبْنْ اللَّهْ، قُولْ لِلْحْجَرْ هَاذَا يْوَلِّي خُبْزْ».

أَعْمَالْ 15:36

وبَعْدْ أَيَّامَاتْ، قَالْ بُولِسْ لْبَرْنَابَا: «هَيَّا نِرْجْعُوا ونْزُورُوا الإِخْوَة فِي كُلْ مْدِينَة بَشِّرْنَا فِيهَا بْكِلْمِةْ الرَّبْ، ونِطْمَانُوا عْلِيهُمْ».

كُورِنْثُوسْ الأُولَى 7:5

مَا تِحْرْمُوشْ بْعَضْكُمْ مِالعَلَاقَة الزَّوْجِيَّة، إِلَّا إِذَا كَانْ تْفَاهِمْتُوا عْلَى هَاذَا، ولْمُدَّة قْصِيرَة، بَاشْ تْعَدِّيوْ وَقْتْ فِي الصْلَاة. ومْبَعِّدْ، إِرْجْعُوا لْعَلَاقِتْكُمْ، عْلَى خَاطِرْ مُمْكِنْ تْوَلِّيوْ مَا تْنَجْمُوشْ تْشِدُّوا رْوَاحْكُمْ، وهَكَّا تَعْطِيوْ فُرْصَة لِلشِّيطَانْ بَاشْ يْغُرْكُمْ.

كُورِنْثُوسْ الثَّانْيَة 2:11

بَاشْ الشِّيطَانْ مَا يِغْلِبْنَاشْ، عْلَى خَاطِرْ أَفْكَارُو مَا تَخْفَاشْ عْلِينَا.

كُورِنْثُوسْ الثَّانْيَة 6:1

مَادَامْنَا نِخْدْمُوا مْعَ اللَّهْ، نْشَجْعُوكُمْ بَاشْ مَا تْكُونُوشْ قْبِلْتُوا نِعْمِةْ اللَّهْ بْلَا فَايْدَة.

غَلَاطْيَة 2:2

واللَّهْ هُوَّ الِّي وْحَالِي بَاشْ نِمْشِي. وغَادِي، تْقَابِلْتْ كَانْ مْعَ الإِخْوَة الِّي عَنْدْهُمْ إِعْتِبَارْ وعَرَّفْتْهُمْ بِالبْشَارَة الِّي نْبَشِّرْ بِيهَا الشُّعُوبْ الِّي مَاهُمْشْ يْهُودْ، بَاشْ التْعَبْ الِّي تْعِبْتُو فِي خِدْمْتِي قْبَلْ ولِّي قَاعِدْ نِتْعِبْ فِيهْ تَوَّا، مَا يْكُونِشْ بْلَا فَايْدَة.

غَلَاطْيَة 4:11

خَايِفْ عْلِيكُمْ لَا يْكُونْ تَعْبِي مْعَاكُمْ مْشَى خْسَارَة.

أَفَسُسْ 4:14

بَاشْ مَا نْكُونُوشْ كِيفْ الأَوْلَادْ الصْغَارْ الِّي هَازِّتْهُمْ الأَمْوَاجْ ويْمِيحُوا مْعَ كُلْ رِيحْ تَعْلِيمْ يْغُرْ بِالنَّاسْ، مِبْنِي عَالخُبْثْ والتَّحَيُّلْ.

فِيلِپِّي 2:16

شَادِّينْ صْحِيحْ فِي كِلْمِةْ الحَيَاةْ. وهَكَّا نِتْفَخِّرْ بِيكُمْ فِي يُومْ المَسِيحْ عْلَى خَاطِرْ مَا سْعِيتِشْ ومَا تْعِبْتِشْ بْلَا فَايْدَة.

فِيلِپِّي 2:19

كَانْ سَهِّلْ الرَّبْ يَسُوعْ، نْحِبْ نِبَعْثِلْكُمْ تِيمُوثَاوُسْ عْلَى قْرِيبْ بَاشْ نَعْرِفْ أَحْوَالْكُمْ ويِطْمَانْ قَلْبِي عْلِيكُمْ.

تْسَالُونِيكِي الأُولَى 2:1

وتَعْرْفُوا، يَا خْوَاتِي، الِّي زْيَارِتْنَا لِيكُمْ مَا كَانِتْشْ بْلَا فَايْدَة،

تْسَالُونِيكِي الأُولَى 3:6

وتَوَّا رْجَعْ تِيمُوثَاوُسْ مِنْ عَنْدْكُمْ وبَشَّرْنَا بْإِيمَانْكُمْ ومْحَبِّتْكُمْ وقَالِلْنَا كِيفَاشْ دِيمَا تُذْكْرُوا فِينَا بِالخِيرْ وتْوَحَّشْتُوا تْشُوفُونَا كِيمَا أَحْنَا تْوَحَّشْنَا نْشُوفُوكُمْ.