تْسَالُونِيكِي الأُولَى 1:4 - العهد الجديد بالدارجة التونسية 2022

⁴ نَعْرْفُوا، يَا خْوَاتْنَا المَحْبُوبِينْ، إِنُّو اللَّهْ هُوَّ الِّي اخْتَارْكُمْ،

تْسَالُونِيكِي الأُولَى 1:4 ပူးပေါင်းရင်းမြစ်များ

رُومَا 1:7

نِكْتِبْ لِلْمُؤْمْنِينْ الكُلْ المَوْجُودِينْ فِي رُومَا، الِّي هُومَا شَعْبْ اللَّهْ الِّي يْحِبُّو، والمَدْعُوِّينْ بَاشْ يْكُونُوا قِدِّيسِينْ، النِّعْمَة والسَّلَامْ لِيكُمْ مِنْ عَنْدْ اللَّهْ بُونَا ومِنْ عَنْدْ الرَّبْ يَسُوعْ المَسِيحْ.

رُومَا 9:25

كِيمَا قَالْ اللَّهْ فِي كْتَابْ النَّبِيْ هُوشَعْ: «الِّي مَا كَانُوشْ شَعْبِي بِشْ نْسَمِّيهُمْ شَعْبِي، ولِّي مَا كَانِتْشْ مَحْبُوبَةْ بِشْ نْسَمِّيهَا مَحْبُوبْتِي».

أَفَسُسْ 1:4

ولِّي إِخْتَارْنَا فِيهْ قْبَلْ مَا تِتْخْلَقْ الدِّنْيَا، بَاشْ نْكُونُوا قِدِّيسِينْ ومَا عْلِينَاشْ لُومْ قُدَّامُو فِي المْحَبَّة.

كُولُوسِي 3:12

وإِنْتُومَا يَلِّي إِخْتَارْكُمْ اللَّهْ، وقَدَّسْكُمْ وحَبْكُمْ، إِلْبْسُوا الحَنَانْ واللُّطْفْ والتَّوَاضُعْ والسْيَاسَة والصَّبْرْ.

تْسَالُونِيكِي الأُولَى 1:3

عْلَى خَاطِرْنَا نِتْذَكْرُوا قُدَّامْ إِلَاهْنَا وبُونَا كِيفَاشْ أَعْمَالْكُمْ تْظَهِّرْ إِيمَانْكُمْ، وجِهَادْكُمْ يْظَهِّرْ مْحَبِّتْكُمْ، وصَبْرْكُمْ يْظَهِّرْ رْجَاكُمْ فِي رَبْنَا يَسُوعْ المَسِيحْ.

تْسَالُونِيكِي الثَّانْيَة 2:13

آمَا أَحْنَا يَا خْوَاتِي الِّي يْحِبْهُمْ الرَّبْ، يِلْزِمْنَا نُشْكْرُوا اللَّهْ فِي كُلْ وَقْتْ عْلَى خَاطِرْكُمْ، عْلَى خَاطْرُو إِخْتَارْكُمْ مِالأُوِّلْ بَاشْ تِنْجَاوْ بِالرُّوحْ الِّي يْقَدِّسْكُمْ وبْإِيمَانْكُمْ بِالحَقْ.

بُطْرُسْ الأُولَى 1:2

ولِّي اخْتَارْهُمْ اللَّهْ الآبْ حَسْبْ عِلْمُو بِالمْسَبَّقْ، وقَدَّسْهُمْ بِالرُّوحْ القُدُسْ بَاشْ يْطِيعُوا يَسُوعْ المَسِيحْ، ويِطَّهْرُوا بْدَمُّو الِّي سَالْ. يْزِيدْكُمْ اللَّهْ نِعْمَة وسَلَامْ.

بُطْرُسْ الثَّانْيَة 1:10

هَاذَاكَا عْلَاشْ، يَا خْوَاتِي، إِجْتَهْدُوا أَكْثِرْ مَا يُمْكِنْ بَاشْ تْبَيْنُوا الِّي اللَّهْ دْعَاكُمْ وإِخْتَارْكُمْ بِالحَقْ. رَاكُمْ كَانْ تَعْمْلُوا هَاذَا، عْمُرْكُمْ مَا بِشْ تَعْثْرُوا واطِّيحُوا.